نوبيرا ولا لانوس ولا فيفا ولا سيفيا

[asem hassan]

ان انهاردة لازم اختار بين 4 عربيات ومحتار اختار ايه بينهم ارجو المساعدة
1- نوبيرا 2001 فابريكة حالة نادرة اوتوماتيك (55000 جنيه)
2- هيونداي فيفا 2010 كاملة مانوال (55000 جنيه)
3- دايو لانوس 2006 مانوال 46000 جنيه
4- كيا سيفيا موديل 2000 مانوال مطلوب 47000

وبيني وبينكم انا نفسي في حاجة اوتوماتيك بس خايف من النوبيرا علشان السمعة اللي طالعة عليها


تم نقلة لقسم المقارنات .

[Haitham Basha]

و الله يا باشا أنا لو مكانك أخلص في الانوس بس الأمر في الأول و الآخر يرجعلك ...

[Samir Elshahawy]

أحسن عربية فيهم هيا النوبيرا طبعا
بس اكشف علي الفتيس بتاعها كويس عند مركز خدمة متخصص أو معتمد و بعد ماتشتريها (أن شاء الله) غير لها زيت الفتيس

و برضه اسأل أخواتنا في قسم دايو هما هايفيدوك أكثر مننا

[mohammedabdallh]

احسنهم الانوس
وابعد عن الاتوماتيك

[Ashraf_Ibrahim]

نوبيرا وتوكل على الله :]
بس متكونش قالبة عداد واكشف عليها في توكيل دايو اصلا :] او عند منصور شيفروليه نفسه مهو مفيش دايو حاليا :]

[eng.salama93]

الفيفا ... و بعدها اللانوس

[asem hassan]

ان لسه جاي
شوفت الفيفا لقيتها اولا موديل 2008 دهان المصنع وعاملة 110 الف كيلو
والنوبيرا فابريكة بردو بره وجوه ودواخلها ممتازة واوروبي فعلا
ولسه محتار بينهم

[abofandy]

لو مكانك هاخد الانوس بعد الكشف طبعا عليهم .. والمستعمل افضل انك تبعد عن الاتوماتيك
وفى الاول والاخر ليك طبعا

[mastr_n]

انت نفسك فى الاوتماتيك
يبقى خليك فى النوبيرا بس اكشف عليها كويس وخصوصا الفتيس
ومبروك مفدما

[Ashraf_Ibrahim]

يا عزيزي مفيش مقارنة
توكل على الله في النوبيرا لو الفتيس والموتور سليم زي ما بتقول :]

[Samir Elshahawy]

كده الفيفا تطلع من المقارنة
و يفضل بالترتيب كده :
1- النوبيرا (الاوتو)
2- اللانوس
3- الكيا سيفيا

طبعا الدايو يكسب في جميع الاحوال (نوبيرا / لانوس) يبقي نفاضل مابين العربيتين دول :

1- عربية اوتوماتيك في الزحمة و الشوارع بتاعتنا دي : تبقي النوبيرا
2- عربية واسعة و مريحة : تبقي النوبيرا
3- عربية اوروبي و تقفيل و خامات و مش تقفيل مصري : تبقي النوبيرا
4- موتور و قوة و متانة : تبقي النوبرا
5- ثبات و أتزان علي الطريق : تبقي النوبيرا

عايز ايه تاني ؟؟
قطع الغيار : متوافرة و عند محلات البقالة و السوبرماركت
صيانة : اي مركز خدمة يقدر يشتغل فيها
أعادة بيع : طبعا النوبيرا مطلوبة خاصة لو حالتها كويسة

بس زي ما قولت لك تكشف علي الالموتور و الفتيس كويس في مركز خدمة محترم و معتمد و بعد كده تغير زيت الفتيس بالكامل و تعمل صيانات كاملة للعربية و ان شاء الله مش هايبقي فيه اي مشكلة

[blazer]

النوبيرا اكيد
بس انصحك تدور على موديل 2007 و تكون مانيول هتلاقيها بل 55 وتكون موديل حديث

[S O P H O S]

راي لانوس لو نظيفة

[M I D O]

في رايي النوبيرا افضل