أفيدوني لانسر 2013 مقابل الانترا 2013

[mhmd_farouq]

يا جماعه لو سمحتو أرجو الرد السريع من تجارب الاعضاء الله يكرمكو .. انا محتار بين لانسر 2013 الشكل القديم والانترا 2013 الشكل الجديد ..

مع العلم اللانسر أرخص من الالنترا وكمان ياباني .. بس لما سقت ال النترا حسيتها أحسن من حيث الاداء

اللانسر 106 حصان 1600 سي سي

ال النترا 130 حصان 1600 سي سي

فى السحب الاتنين كويسين مع تفوق بسيط لل النترا
توكيل الاتنين كويسين ..

الثبات حسيت ال النترا احسن ... أفيدوني لو حد عنده معلومات .

[M I D O]

الافضل هنا الالنترا من حيث كل حاجة عدا الاعتمادية افضل في الانسر و المفروض متقارنش العربيتين دول ببعض عاوز تقارن يبقي الشارك بالالنترا و الشارك تكسب

[mhmd_farouq]

حبيبي يا ميدو ... مهو المشكله اني مش لاقي شارك |أو بومه فيهم abs وده شيئ مهم اوي بالنسبه لي ... شكرا يا باشا عالرد .

[janagabr]

هنا الالنترا ٢٠١٣ هي الافضل ولو هاتجيب النترا ممكن تزود حبة وتخش في الكورولا الجديدة او الاسترا او الفلوينس

[Ahmed TRAVCO]

حبيبي يا ميدو ... مهو المشكله اني مش لاقي شارك |أو بومه فيهم abs وده شيئ مهم اوي بالنسبه لي ... شكرا يا باشا عالرد .

انا رأيي تستنى الشارك 2014 لانها على وشك تنزل وهتلاقي الفئة قبل الهايلاين في حدود 150 ولا اكتر حاجة بسيطة وده سعر تحفة جدا دلوقتي بالنسبة لعربية ياباني محترمة جدا هتاخد منها اداء وثبات اعلى من عربيات وصلت دلوقتي ل200 الف!!!

بالنسبة للالنترا... انا ركبتها كذا مرة والعربية بعد ال140 بتعوم!!! مش عارف ازاي اثبت من البومة بصراحة... انا بشوف البومة ممتازة لحد 170 مثلا بس هي في الملفات يفضل تبقى تحت ال140 (بالنسبة لي)... بس طبعا اللي هيركب الالنترا لازم هيشوفها اشيك واحسن من عربية بتنزل من 2003 وكمان شايلين منها الابانوس والعتب ومركبين العفشة الامامية بتاعت ال1300... يعني الالنترا اجمالا افضل من البومة انما هي بعيييدة عن الشارك! بصراحة الفرق كبير جدا على الطريق...

[M I D O]

حبيبي يا ميدو ... مهو المشكله اني مش لاقي شارك |أو بومه فيهم abs وده شيئ مهم اوي بالنسبه لي ... شكرا يا باشا عالرد .

لية يا باشا هوة انت هتجيب مستعمل ولا جديد وبعدين الشارك عندك الفئة التانية اوتوماتيك فيها abs.ebd 2 airbags وفي رايي تستني موديل 2014 خلاص شهر او شهر ونص وتنزل وعربية خطيرة الشارك

[S O P H O S]

الالنترا