أفضل عربية تحت ال 100 ألف زيرو و أوتوماتيك

[dreammate]

السلام عليكم
انا معايا 100000
وعاوز اجيب حاجة تكون زيرو واوتوماتيك
وتكون متينة مش صينى
انا الشيرى طلعت عين اهلى
تنصحونى بايه
صنى 2013
افيو 2014
لوجان
سانديرو
فيرنا
محتار جدا
ومش عاوز اتدبس
ياريت اللى عنده معلومة قوية عن تجربة يقولى
شكرا مقدماا

[elmkaneeki]

ينفع بيكانتوا ؟

[cupid]

اعتقد السانديرو بتحقق معادله ممتازه فى الفئه دى

[samyyousef]

هل الافيو 2014 نزلت الاسواق باقل من 100 الف؟؟ ياريت لو حد جربها يفيد صاحب الموضوع و يفيدني

[janagabr]

اللوجن او السانديرو

[dreammate]

انا لسه شايفها النهاردة الافيو 2014 اوتوماتيك ب 100000
انتو تنصحونى بالفرنساوى؟ مع ان ناس كتير بتقولى ابعد عنه بس انا مش فاهم ليه؟
والصنى ليه ﻻ؟

[mhkorayem]

الصني طبعاً لو لاقتها بـ 100.000
بس في الغالب مش هتلاقيها أقل من 110.000 عشان انا سألت عليها في كذا مكان مفيش بـ 100.000 خالص

في الحاله دي من وجهت نظري الشخصيه تبقى الفيرنا لو عاوز تبقى في المضمون قطع غيار رخيصه ومتوفره وسهله في الصيانه (الافيو فيها نفس المزايا دي بس اغلى 10.000 جنيه بدون داعي مش هتاخد بيهم كوالتي اعلى هو فرق شكل مش أكتر)
لو حابب بقى تغامر بموضوع الصيانه وقطع الغيار يبقى تدخل بقى على البريليانس كروس شيك ومفيش شكاوي منها كتير بالنسبه لجوده التصنيع

[M I D O]

للاسف كلهم تعبانين في الاوتوماتيك لاكن افضل حاجة في رايي byd f3 اوتوماتيك وسيبك من كلام صيني وبتاع لان المحرك و الفتيس ياباني بتاع بلادة و العفشة ياباني و عربية جميلة فيها وسائل امان ومحرك قوي يعني مش هيخيش معا الاوتوماتيك وهية افضل حاجة اوتو في الفئة اقل من 100 الف

[lenasam]

اعتقد صنى الشكل القديم

[kliken]

تحت المئه مفيش غير افيو و فيرنا عربيتين متجربين و شغالين كويس و فى الصينى طبعا ما افضلوش شخصيا

[M_SALLAM]

ممكن تضم الهيونداى i10 و الكيا بيكانتو و الشفورليه اسبارك و انا معايا هيونداى i10 و عربية محترمة جدا والله

[ahmedteam]

الصنى الشكل القديم عربيه محترمه جدا و ممتازه و ممكن تدخل قسم نيسان و تاخد فكره

[J A G U A R]

افيو عشان الاوتوماتيك فى الفيرنا مش كويس

[abdoumahros]

اتفرج علي الساجا

اتفرج علي الساجا عربيه ممتازه في فئتها عيبها الوحيد سعر اعاده بيعها موش حلو اوي
وسعرها 88 الف
ده موش معناه ان العربيات اللي اقترحها الزملاء وحشه لكن اتفرج موش هاتخسر حاجه

[dreammate]

الف شكر على الردووووود
انا مش عاوز ماليزى ولا صينى وال i10
غالية فوق ال100
انا دلوقتى عاوز افهم حاجة
ايه فرق صنى الشكل الفديم عن الشكل الجديد؟
شكرا