امبريزا ولا مازدا ولا i30

[مصطفى غنيم]

السلام عليكم ياشباب ان ابقالى فتره كبيره اوى بفكر ان اشترى عربيه مستعمله ومش عارف اوصل لحاجه لغايه دلوقتى
هعتمد عليكو بقى وفى رأيكو تسهلو الموضوع عليا شويه
انا بفكر فى السوبارو امبريزا 2088 او 2009 هاتش باك
او هيونداى i30 نفس املوديل تقريبا او لحد 2010
او مازدا 3 نفس املوديل تقريبا 2009
ايــه رايكو بقى مع العلم ان تقريبا السعر قريب ل التلاته
وايه تقريبا معدل الكيلو متر فى السنه اللى ممكن ازيد عنه يبقى بلاش العربيه احسن ؟
يعنى مثلا عربيه بقالها 5 سنين مثلا يفضل تكون عامله كام كيلو مش ازيد من كده ؟

[mohammadrashee]

في رايي الامبريزا والمازدا لا يمكن ان يقارنوا بال i30 عشان وسائل الأمان والاعتماديه
المازدا منتشره اكتر
الامبريزا تحفه
انت تختار ايه

[M I D O]

لو جديد كنت هقلك امبريزا لاكن مادام مستعمل يبقي مازدا 3

[مصطفى غنيم]

في رايي الامبريزا والمازدا لا يمكن ان يقارنوا بال i30 عشان وسائل الأمان والاعتماديه
المازدا منتشره اكتر
الامبريزا تحفه
انت تختار ايه

اعتقد الانسل ليا مش مهم الانتشار بقدر الجوده

[مصطفى غنيم]

لو جديد كنت هقلك امبريزا لاكن مادام مستعمل يبقي مازدا 3

تسلم يا كبير

[Ahmed TRAVCO]

لو جديد كنت هقلك امبريزا لاكن مادام مستعمل يبقي مازدا 3

بالعكس... علشان مستعمل يبقى اكيد الامبريزا سعرها اقل من قيمتها بمراحل وفي الاغلب هيلاقيها كيلومتر قليل كمان...

انا شايف الامبريزا اولا ثم المازدا طبعا... ومش قادر ابلع ان الi30 تتقارن بيهم!!!

[مصطفى غنيم]

بالعكس... علشان مستعمل يبقى اكيد الامبريزا سعرها اقل من قيمتها بمراحل وفي الاغلب هيلاقيها كيلومتر قليل كمان...

انا شايف الامبريزا اولا ثم المازدا طبعا... ومش قادر ابلع ان الi30 تتقارن بيهم!!!

ابو حميد كلامك قريب من تفكيرى فعلا بس بالنسبه لسؤال الكيلو متر تقريبا كده فى رنج قد ايه لو مثلا موديل 2008 يعنى مثلا من 20 الف ل 25 الف كيلو فى السنه هل مناسب ولا كتير ؟

[M I D O]

بالعكس... علشان مستعمل يبقى اكيد الامبريزا سعرها اقل من قيمتها بمراحل وفي الاغلب هيلاقيها كيلومتر قليل كمان...

انا شايف الامبريزا اولا ثم المازدا طبعا... ومش قادر ابلع ان الi30 تتقارن بيهم!!!

خلي بالك ان المازدا قطع غيارها منتشرة عن الامبريزا

[Ahmed TRAVCO]

خلي بالك ان المازدا قطع غيارها منتشرة عن الامبريزا

انا عارف... بس خلينا نتفق مبدئيا ان العربيتين هيكونوا متعبين شوية في النقطة دي... والمازدا على فكرة قطع غيارها مش منتشرة برضه... وهو قال ان الانتشار مش مهم قوي بالنسبة له...

في النهاية الامبريزا رائعة والمازدا جميلة... بس الامبريزا لا يعلى عليها بصراحة... وهي العربية الوحيدة اللي بتملى عيني اكتر من عربيتي!!

[Ahmed TRAVCO]

ابو حميد كلامك قريب من تفكيرى فعلا بس بالنسبه لسؤال الكيلو متر تقريبا كده فى رنج قد ايه لو مثلا موديل 2008 يعنى مثلا من 20 الف ل 25 الف كيلو فى السنه هل مناسب ولا كتير ؟

اه يعني 20 الف في السنة كويسين لو واحد عايش وبيشتغل في نفس المحافظة مثلا... انا عن نفسي مشيت 21 الف في 7 شهور بسبب السفر المستمر وطبعا ده كتير لان معدلي هيكون حوالي 40 الف في السنة...

مع اني عن نفسي بشوف ان حالة العربية والمحافظة على صياناتها بالتوكيل اهم من الكيلومتر... وخصوصا ان العربيات اللي بنتكلم فيها دي معمرة برضه ومبتتعبش بسهولة... اعرف واحد مأجر البومة بتاعته لشركة طيران من 2009 والعربية ماشية لحد دلوقتي فوق ال700 الف!!! ولسة ماشاء الله ولا باين عليها حاجة ربنا يباركله... فالقصد انك ما تضيعش عربية نظيفة وصاحبها مهتم بيها علشان الكيلومتر بتاعها 30 الف في السنة مثلا مش 20... وكده كده لازم انشاء الله هتكشف عليها الاول قبل ما تاخد قرارك!!! وربنا يكرمك...

[M I D O]

ابو حميد كلامك قريب من تفكيرى فعلا بس بالنسبه لسؤال الكيلو متر تقريبا كده فى رنج قد ايه لو مثلا موديل 2008 يعنى مثلا من 20 الف ل 25 الف كيلو فى السنه هل مناسب ولا كتير ؟

لو عداد اقل من 70 الف تبقي خطيرة

[M I D O]

انا عارف... بس خلينا نتفق مبدئيا ان العربيتين هيكونوا متعبين شوية في النقطة دي... والمازدا على فكرة قطع غيارها مش منتشرة برضه... وهو قال ان الانتشار مش مهم قوي بالنسبة له...

في النهاية الامبريزا رائعة والمازدا جميلة... بس الامبريزا لا يعلى عليها بصراحة... وهي العربية الوحيدة اللي بتملى عيني اكتر من عربيتي!!

قول بقي كدة هههههههههههههه .. المازدا قطع غيارها مش منتشرة بس مقارنة بالامبريزا تبقي منتشرة

[Ahmed TRAVCO]

قول بقي كدة هههههههههههههه .. المازدا قطع غيارها مش منتشرة بس مقارنة بالامبريزا تبقي منتشرة

ههههههههه... مهي بتملى عيني اكتر من اي حاجة لانها افضل بصراحة شديدة... وبعدين لو الشارك كانت بتنزل بدفع رباعي زي برة كانت هتبقى احسن من الامبريزا بالنسبة لي برضه هههههههه...

شفت بقى انا مش متحيز ازاي؟؟؟

[مصطفى غنيم]

طيب الرجاله رأيكم مهم بالنسبه للاعلان دى ؟؟؟؟ فى فرق فىا لسعر كبير بينها وبين الامبريزا ؟
1600 سى سى |97,000 كم
السيارة بحالة الزيرو فابريكة بالكامل بدون قلم دوكو صيانة فى التوكيل بجميع الفواتير محتفظ بها من اول صيانة حتى اخر صيانة اربع كاوتش وبطارية من شهر اعلى فئة فتحة سقف وجنوط سبور 16 وزينون اصلى وبها فرش جلد وكاسيت GPS Touch SCREEN اصلى ثمنة 3500 جنية يعمل على الملتى فانكشن وكل كرسى بة شاشة DVD السيارة خليجى تم عمل جميع الصيانات لها والكشف فى التوكيل فقط فى حالة الجدية.السعر قابل للتفاوض فى حدود بسيطة
السعر .. 78,000

• ناقل أوتوماتيك
• تكييف
• سنتر لوك
• باور ستيرنج
• 4 باب
• نظام EBD
• نظام ABS
• فتحة سقف
• زجاج كهربائية
• وسادة هوائية

[M I D O]

ههههههههه... مهي بتملى عيني اكتر من اي حاجة لانها افضل بصراحة شديدة... وبعدين لو الشارك كانت بتنزل بدفع رباعي زي برة كانت هتبقى احسن من الامبريزا بالنسبة لي برضه هههههههه...

شفت بقى انا مش متحيز ازاي؟؟؟

لا فعلا مش متحيز خالص وانا بحب روح الحيادية دي