لانوس ام فيرنا

[Hamada hozein]

بسم الله الرحمن الرحيم
]السلام عليكم ورحمة الله وبركاته
[color="rgb(139, 0, 0)"]أزيكم يا احلي أعضاء
يارب تكونوا بخير
أنا اسف لو الموضوع مش في مكانة بس أنا والله محتاج المشورة جداااااااااااااا
أنا حاليا رايح البنك الصبح علشان اقدم عرض السعر والبنك يتعاقدلي علي العربية
المهم أنا محتار وهتجنن من موضوع الحيرة دة
اشتري لانوس ولا فيرنا
اولا سالت سمكري بقالة حوالي ٢٠ سنة في الصنعة دي قالي ( طبعا ) الفيرنا
بعد سرد مميزات الفيرنا من موتور قوي وعفشة ناعمة وخلافة
قالي بالحرف
اللانوس زي ال ٢٧ بتفشخ الشاسية بتاعها
علي العموم أنا اعرف ناس معاها لانوس من ٣ سنين واكتر وماشية معاهم حلاوة
أنا مش مهتم بالسرعة اوي أنا بس عايز عربية محترمة وعفشتها حلوة وشاسيها قوي وتعيش وقطع غيارها رخيصة
أنا للأسف سمعت كتير عن التقفيل السيئ جدا للانوس والفيرنا بس أنا ركبت فيرنا كتير وحسيت تقفيلها عادي أنما لما رحت منصور علشان ابص علي اللانوس حسيت ان البلاستيك المستخدم سئ جداً ولما فتحت التابلوة فضلت احاول أقفل فية ٥ دقائق. ولا حياة لمن تنادي
أرجو منكم النصيحة بدون تحيز لان دي عربية ان شاء الله هتقعد معايا فترة
شكرًا ليكم جداً وآسف علي الإطالة والرغي الكتير[/color]

تم نقلة لقسم المقارنات .
9:13 pm
2013/10/2
3 ب

[mohamedxsayed]

اعتقد ان الانوس افضل كتقيل وثبات وتكيف واوسع شويه .اما الفيرنا شبابيه كشكل اكتر. مكته اعلى 100 سى سى بس اخاف وتقفيل اقل جوده واخف من الانوس . والله اعلم

[sayco100]

مش عارف افيدك والله بس ربنا يعييييينك بجد علأختيار خصوصا انك مقسط وقرض وحوار كدة ومحتاج فعلا اللى تعيش بدون قلق معاك علأقل اما تخلص اقساطها
انا رأيى بجد
استخير المولى عز وجل
ودى صدقنى فيها
اللى فيها خير حيقدرهولك وحتركبها وممكن تبقى واحدى تالتة خالص منهم
وآسف لو مش عارف افيدك بينهم
تقبـــــــل مرورى

[عبدالرحمن-جبر]

المقارنة دى اتهرست 80 مرة قبل كدة انا عن نفسى هختار اللانوس هى افضل من الفيرنا فى كل حاجة عدا الموتور و سهولة الصيانة

[saddam]

صديقي المواطن
العربيتين لا تصلح أن نطلق عليها إسم عربيات ولكن مراعاة لظروفك وإحترامنا لك كإنسان مواطن فحنرشح لك أخف الضررين وهي
فيرنا فتوكل وهاتها ولو مش مصدق إسأل سواقين مشروع التكس اﻷبيض
ودمتم للنضال

[M I D O]

بص يا باشا الفيرنا عربية بتجري بس مبتقفش و اللانوس سحبها ضعيف علي السرعات الاولي و التكييف مش قوي مادام هتشتري جديد بص كدة علي الام 11 و الامجراند و الانفي و البي واي دي ولو محتار بين الفيرنا و الانوس بس يبقي توكل علي الله في الفيرنا لانها احسن الوحشين

[adorehearts]

بص زى ما الناس الخبرة قلولك الفيرنا احسن الوحشين لو مكانك وفى ظروفك هجبها ومن غير تفكير , توكل على الله...

[svneleven]

فيرنا أحسنهم و أكثرهم عملية.

[megadeath]

عن تجربة انا كان معايا اللانوس و كانت اللانوس الكورى بس بعتها لانها فتحت شاسية و انا مش من التوع اللى بيجرى و ياخد مطابات و مش من النوع المهمل فى العربية .... و بعد ما بعتها قررت اشترى عربية تانية و كنت مختار بين الرينو اللوجان و الفيرنا و بصراحة كنت خايف من الفيرنا فى البداية لغاية ما سوقتها لاقتها مش بالسوء اللى انا كنت متصورة .... الفيرنا فيها عيوب بس احسن كتير من اللانوس
موتور اعلى فى التكنولوجيا عن اللانوس
العربية ناعمه
العفشة احسن كتير من اللانوس
التكيف احسن
التسارع احسن
قطع الغيار زى اللانوس
فراملها احسن من اللانوس

انا من راى توكل على الله و هات الفيرنا و قبل كل ده استخير ربنا

[Hamada hozein]

مش عارف افيدك والله بس ربنا يعييييينك بجد علأختيار خصوصا انك مقسط وقرض وحوار كدة ومحتاج فعلا اللى تعيش بدون قلق معاك علأقل اما تخلص اقساطها
انا رأيى بجد
استخير المولى عز وجل
ودى صدقنى فيها
اللى فيها خير حيقدرهولك وحتركبها وممكن تبقى واحدى تالتة خالص منهم
وآسف لو مش عارف افيدك بينهم
تقبـــــــل مرورى

الف شكر يا باشا علي تشريفك ليا بالمرور وإعطاء أحسن نصيحة وهي استخارة المولي عز وجل وهو دة اللي عملتة فعلا

[Hamada hozein]

عن تجربة انا كان معايا اللانوس و كانت اللانوس الكورى بس بعتها لانها فتحت شاسية و انا مش من التوع اللى بيجرى و ياخد مطابات و مش من النوع المهمل فى العربية .... و بعد ما بعتها قررت اشترى عربية تانية و كنت مختار بين الرينو اللوجان و الفيرنا و بصراحة كنت خايف من الفيرنا فى البداية لغاية ما سوقتها لاقتها مش بالسوء اللى انا كنت متصورة .... الفيرنا فيها عيوب بس احسن كتير من اللانوس
موتور اعلى فى التكنولوجيا عن اللانوس
العربية ناعمه
العفشة احسن كتير من اللانوس
التكيف احسن
التسارع احسن
قطع الغيار زى اللانوس
فراملها احسن من اللانوس

انا من راى توكل على الله و هات الفيرنا و قبل كل ده استخير ربنا

الف شكر يا كبير علي النصيحة وهو دة اللي قاله لي السمكري ان اللانوس بتفتح شاسية وواضح أنة طلع بيفهم

[Hamada hozein]

الف شكر يا رجالة علي النصائح الغالية والله
انبارح قبل ما أنام صَلَيت استخارة
أنا أخدت عرضين الأسعار معايا البنك ولقيت نفسي ميال للفيرنا وأعطيتهم عرض الفيرنا وربنا يوفقنا وكل الناس يارب

[megadeath]

ربنا يكفيك شرها

[elkorany]

الحمد لله ربنا
على كل حال
الفيرنا احسن بكتير من اللانوس
انا كنت زيك كدا من سنه واستخرت ربنا واشتريت فيرنا
وبفضل الله كويسة جدا معايا
العربية ليها عيوب
بس هى افضل العربيات فى فئتها
مبروك ربنا يديك خيرها ويكفيك شرها وشر الطريق

[elkorany]

سؤال بقى انا مش فاهم يعنى ايه اللانوس بتفتح شاسية
ابص فين علشان اشوف العيب ده
انا اول مرة اسمع الكلام ده
ربنا يستر على كل الناس اللى معاهم العربية دى