مساعدة فى الاختيار الصحيح مازدا 3 تيدا الجديدة اوبل استرا كوزمو

[ashrofa72]

انا ليا فترة بلف في المعارض وشوفت كل الماركات تقريبا بس عاوز عربية اعتمادية وقطع غيار متوفرة.
كنت مستبعد خالص المازدا 3 2014 وعمري ما فكرت فيها ابدا وكنت مركز على استرا كوزمو ولما قلت اشوف ايه اخبار المازدا 3 بصراحة عجبتني جدا جدا فيها كل حاجة تقريبا من اللي انا عاوزها مثبت سرعة فتحة سقف زينون وabs زي الاسترا تماما.
التيدا كمان عجبتني منزلين فيها كاميرا خلفية وشاشة ونافجيشن بالاضافة لسمعة التيدا بس ناقصة فتحة السقف ومثبت السرعة.
الخلاصة علشان مطولش عليكم ايه رأيكم في الموضوع المحير ده وخاصة اني عاوز عربية اعتمادية زي اللي معايا وشكراً

[devil_storm]

اعتقد الاسترا افضلهم لان المزدا مش ماشيا في البلد و قطع غيارها غاليا و مش متوفره و مش معمره كمان
سؤالهي التيدا الجديده شوفتها في انهي معرض و هاتش ولا سيدان و سعرها كام؟؟
بتهيالي التيدا مهما كانت حتبقي اقل من الاسترا

[Mohyeldin1974]

اعتقد لو قارنا الاسترا بالمازدا ٣ يبقى كفه الاسترا ارجح، اما عن التيدا فهى عربيه محترمه جدا بس تيجى فى تصنيف بعدهم بكتير
وده يتوقف حضرتك ميزانيتك قد ايه واولوياتك ايه، هل تركب وتنزه نفسك ولا تركب افضل حاجه باقل سعر

[د.عماد صلاح]

استرا
تيدا
مازدا

[K.Ossama]

المزدا مش ماشيا في البلد و قطع غيارها غاليا و مش متوفره و مش معمره كمان

مش ماشيا لأن غبور ماكانش بيجيب عربيات جديدة من 2011 وكان مركز فى جيلى التوكيل الجديد
لكن دلوقتى عمل مركز منفصل لمازدا بدأ يهتم بيها تانى وفى اخبار عن قرب نزول مازدا 6 و واحدة من الكروس اوفر بتوعهم اما 5 او 9
اما عن نقطة قطع الغيار غير معمرة فده كلام اول مرة اسمعه. ليه حضرتك بتقول كده؟

[M I D O]

استرا وبعديها التيدا

[elmkaneeki]

التيدا نزلت ؟

[ashrofa72]

يعني رأيكم بلاش المازدا وخلينا في الاسترا اصلا هيا عربية مبهرة وجميلة

[ashrofa72]

التيدا نزلت في الامارات بشاشة لمس وكاميرا خلفية والموديل الاعلي تمنه 65100 درهم

[janagabr]

الاسترا كوزمو بدون كلام وفكك من المازدا خالص - والتيدا لسه منزلتش بس الاسترا فئة اعلي من التيدا علي فكرة انا والعضو Mohyeldin 1974 معانا الكوزمو

[kaarimz]

انا انصحك بل الوحش الياباني المازدا 3
نصيحه ابعد عن منصور , المازدا ال هاي لاين تحفه فنيه من
و أخيرا كل الكلام اللي الناس بتنشره عن مازدا غير سليم :)

[Ahmad Shawky]

غير سليم ازاى ..
بزمتك فى عربيه 2015 لسه بتنزل فتيس 4 غيار فقط؟

انا كان نفسى فيها بس للاسف خذلتنى

[K.Ossama]

و أخيرا كل الكلام اللي الناس بتنشره عن مازدا غير سليم :)

موافق....ولكن
زى الكلام إللى الناس بتقوله على أوبل برضو غير سليم
تحياتى

[Naa22]

انا انصحك بل الوحش الياباني المازدا 3
نصيحه ابعد عن منصور , المازدا ال هاي لاين تحفه فنيه من
و أخيرا كل الكلام اللي الناس بتنشره عن مازدا غير سليم :)

Can you tell us more about Mazda as i am thinking to get Mazda 3, 2014 shape 2013 base line
I was thinking of Yaris or Ibiza but when saw Mazda from inside &, thought to change my mind

[Ahmad Shawky]

يريت حد يكلمنا على المازدا اكتر فى الأداء والفتيس كام نقله