شارك معانا و أتبرع ولو بتصويت

[wel781]

السلام عليكم

أنا كنت بدور على عربية حلوه بـ 140,000 وياريت تكون أوروبى.

كنت بفاضل بين بيجو 301 و ستروين سى إليسى (الاثنين أعلى فئة)

وانا ميلت أوى ناحية البيجو مع أنى عجبنى مقدمه الستروين بس التابلوة النيكل بتاعها مش عاجبنى أوى.

المهم رحت أبص عليها فى الطارق - مول العرب فا قالى عندى إلنترا كوبيه عليها خصم 20,000 يعنى 140,000
بصراحة العربية شكلها يجنن بس لما ركبتها محستش بالقوة فى التقفيل زى ما حسيت فى البيجو الهاى لاين ، وفى ناس حظرونى من الصاج بتاعها.

و بعدين أنا أصلا زهقت من الكورى بس الصراحة السعر رائع و هايجننى والعربية حلوة.

انا يهمنى عربية تعيش معايا و ما تعملش مشاكل و تفضل علطول ماسكة نفسها.

يا أهل الخبرة أشترى البيجو ولا الهونداى ولا الستروين ؟؟؟

[M I D O]

لو انت شباب و محدش هيركب معاك العربية يبقي الالنترا بدون تفكير بس خصم 20 الف بصراحة مش داخلة دماغي وغريبة اوي

[saddam]

صديقي المواطن
هو لو عربية بياعة مكانش عمل خصم حتى ثمن ساندوتش كفتة ومن الثلاثة أعلاه قولا واحدا خليك في البيجو 301 ولكن متاخدش الهايلاين خد الوسط عشان ثقافة الشعب المصري عند البيع ميعرفش يعني إيه أعلى فئة يعرف بس مانوال وأوتوماتيك والباقي عنده كله بطاطس وأي سعر حتدفعه إضافي حيروح من جيبك
ودمتم.للنضال

[saddam]

صديقي المواطن
هو لو عربية بياعة مكانش عمل خصم حتى ثمن ساندوتش كفتة ومن الثلاثة أعلاه قولا واحدا خليك في البيجو 301 ولكن متاخدش الهايلاين خد الوسط عشان ثقافة الشعب المصري عند البيع ميعرفش يعني إيه أعلى فئة يعرف بس مانوال وأوتوماتيك والباقي عنده كله بطاطس وأي سعر حتدفعه إضافي حيروح من جيبك ولو إنت ناوي تصرف من وجهة نظري الوطنية المتواضعة تسيبك من بيجو وتاخد فلوانس تاخد فوائد رينو ونيسان في عربية وحدها وشكلها شبه المدرعة
ودمتم.للنضال

[wel781]

لو انت شباب و محدش هيركب معاك العربية يبقي الالنترا بدون تفكير بس خصم 20 الف بصراحة مش داخلة دماغي وغريبة اوي

انا شاب بكرش :-)
بهزر. انا متجوز و مخلف بس مش بكرش.

والله هما قالولي كدة في الطارق عاملة 140000 اول فئه

[wel781]

صديقي المواطن
هو لو عربية بياعة مكانش عمل خصم حتى ثمن ساندوتش كفتة ومن الثلاثة أعلاه قولا واحدا خليك في البيجو 301 ولكن متاخدش الهايلاين خد الوسط عشان ثقافة الشعب المصري عند البيع ميعرفش يعني إيه أعلى فئة يعرف بس مانوال وأوتوماتيك والباقي عنده كله بطاطس وأي سعر حتدفعه إضافي حيروح من جيبك ولو إنت ناوي تصرف من وجهة نظري الوطنية المتواضعة تسيبك من بيجو وتاخد فلوانس تاخد فوائد رينو ونيسان في عربية وحدها وشكلها شبه المدرعة
ودمتم.للنضال

والله وجهة نظر سليمة جدا.

عندك حق بس صراحة ما ركبت لهاي اين لقيتها حسيتها احلي و مختلفة عن الفئتين التانيين.

هو ايه موضوع رينو و نيسان ده! !!!

[M I D O]

انا شاب بكرش :-)
بهزر. انا متجوز و مخلف بس مش بكرش.

والله هما قالولي كدة في الطارق عاملة 140000 اول فئه

هههههههههههههههه يا باشا الكرش دة عز
ومادام حضرتك راجل ومتجوز ومخلف يبقي هتعمل اية بالالنترا كوبية متلزمكش خليك في البيجو 301 خطيرة

[janagabr]

صديقي المواطن
هو لو عربية بياعة مكانش عمل خصم حتى ثمن ساندوتش كفتة ومن الثلاثة أعلاه قولا واحدا خليك في البيجو 301 ولكن متاخدش الهايلاين خد الوسط عشان ثقافة الشعب المصري عند البيع ميعرفش يعني إيه أعلى فئة يعرف بس مانوال وأوتوماتيك والباقي عنده كله بطاطس وأي سعر حتدفعه إضافي حيروح من جيبك ولو إنت ناوي تصرف من وجهة نظري الوطنية المتواضعة تسيبك من بيجو وتاخد فلوانس تاخد فوائد رينو ونيسان في عربية وحدها وشكلها شبه المدرعة
ودمتم.للنضال

والله كلام زين وبضم صوتي لصوتك وممكن برده تستنا اليارس والتيدا الجديدة

[Silent~Dream]

حصرتك متجوز وعندك اولاد يبقى اشطب الكوبيه دى خااالص و البيجو 301 هى و السيتروين نسختين من بعض معاعدا نواكل فى الاليزيه مقابل جنط 16 فى البيجو و الاليزيه رايى خليك فى البيجو و ابعد عن صداع عز العرب

[wel781]

حصرتك متجوز وعندك اولاد يبقى اشطب الكوبيه دى خااالص و البيجو 301 هى و السيتروين نسختين من بعض معاعدا نواكل فى الاليزيه مقابل جنط 16 فى البيجو و الاليزيه رايى خليك فى البيجو و ابعد عن صداع عز العرب

تسلم يا باشا
أنا فعلا إستقريت إن شاء الله على البيجو
بس للاسف مش لاقيها خالص ولا حتى أوفر برايس.

[S O P H O S]

بيجو فرأي لو الاثنين دولا فقط

[ahmed mousa]

بيجو 301 ولو ممكن يبقى شارك الفئة الثانية يابانى 100% وماتور تحفه