لو محتار ( كورى ولا يابانى ولا حتى المانى ) ادخل هنا

[عصام غنايم]

بسم الله

طبعاٌ 70% من الشعب المصرى لو قولتله بس عربيه كورى كويسه

تقابل بسيل من حكم وامثال من نوعية ( ان فاتك اليابانى , الكورى ده ورق كلينكس , الألمانى المانى برده , اسد عجوز ولا قرد بصحته )

سيبنا من كل ده

بتفرج على اختبارات التصادم لعربيات مختلفه واتفاجئت بالنتايج ممكن تتفرجوا معايا

ونتناقش

دى الكرولا اليابانى الشكل الجديد

2014 Toyota Corolla small overlap IIHS crash test - YouTube


ودى اختها الكامرى اليابانى برده

2012 Toyota Camry small overlap test - YouTube


سيبنا من اليابانى

المهم الألمانى

دى الباسات ال cc

2012 Volkswagen CC small overlap test - YouTube


صدمه صح ؟؟؟

طيب نشوف الكورى الورق اخباره ايه ؟

نبدأ بالشفورليه الكروز اللى هى دايو لاسيتى كورى

2013 Chevrolet Cruze small overlap IIHS crash test - YouTube


طيب السيراتو الكورى

IIHS - 2010 Kia Forte - moderate overlap crash test / GOOD EVALUATION / - YouTube

بيتهيألى الفكره هنا وضحت

وعشان محدش يقول انى بدافع عن عربيات وبهاجم عربيات

نبص على الكيا السول

2013 Kia Soul small overlap IIHS crash test - YouTube


ونختم بقى بالباشا

2012 Mercedes C class small overlap test - YouTube



الفكره اللى عايز اوصلهالكم هنا مش زى ما انتوا فهمتوا انى منحاز للكورى

لأ ابداٌ

انا عايز اقول ان مش كل الألمانى ممتاز ولا كل اليابانى جيد ولا كل الكورى سيئ

فكرتى ان كل عربيه حاله مستقله بنفسها لها مميزات تحسب لها وعيوب تحسب عليها

وفى النهايه

هسترجع مثل قالهولى ميكانيكى قديم

( كلها بتمنه يا أستاذ )



طبعا لا تنسونى من صالح دعائكم

للتواصل السريع

https://www.facebook.com/esamghanayem

01006898520

اخوكم

عصام غنايم

[عصام غنايم]

ده اختبار مجمع

فيه من كل البلاد وكل الصانعين

هيوضح فكرتى اكتر

Crash Test Lamborghini, Honda, Range Rover, Pagani Huayra #28 - YouTube

[svneleven]

كلام حضرتك معقول لكن فيه ناس شايفة أن اللي بدأ يعمل عربية الأول يبقي أحسن و اللي بدأ في الأخر اللي هو الكوري لازم هيكون أقل عشان مش عنده خبرة زي الأول و مهما أقنعته أن الكل بيتطور و ممكن الكوري يكون بيتطور بمعدل كبير في الفترة الأخيرة و ده يخليه يقدر يقرب جدا من الياباني و الأوروبي و في بعض الموديلات ممكن يتفوق.

[عصام غنايم]

انا شايف ان الكورى متفوق بأكتساح فى تصميماته الجديده كلها

انما مهندسين التصميمات فى اليابنى تحسهم بيتعاطوا برشام مضروب

[2CODE]

كلام موزون كله بتمنه صحيح على قد ما بتدفع جنية هتاخد بالجنية فمتستناش كل حاجة تاخدها بـ150 الف جنية والمصنع ؟؟؟؟؟؟ يسقف و يخسر يعني !!!!!!!!!!!!!!!!!!!!

[عصام غنايم]

لأ طبعاٌ

ميرضينيش ان المصنع يخسر

نموت احنا بحسرتنا اقرب

على رأى ( قاسم السماوى )

جتنا نيله فى حظنا الهباب

[saddam]

صديقي المواطن
الكلمة.المهمة.في تقريرك فقط هي
أن كل عربية كيان منفصل لوحده يقيم بعينه من.غبر تحيز ونرى.عيوبه ومحاسنه وبالتوفيق في كل.جديد
ودمتم للنضال

[Silent~Dream]

فعلا مع حضرتك فى الجمله دى ( كل عربيه حاله مستقله بنفسها لها مميزات تحسب لها وعيوب تحسب عليها ) بغض النظر بقى هى صناعه ايه .

[adelghanem]

فعلا كل فئه من السيارات المفروض تتقارن مع بعض فى المميزات والعيوب
بغض النظر على بلد التصنيع .مش الشراء على حسب البلد المصنع مهما كانت مساوىء العربيه
وشكرا على التقرير

[M I D O]

كلام جميل يا باشا وموضوع متميز

[J A G U A R]

يابانى ايه بس .. ماله الكورى

[angel83]

يعني لو فيها رزالة مني يا استاذ عصام انته بعت الاوبترا المانيوال ليه هيه ظهر فيها عيوب ولا حاجه اصل انا معايا اوبترا مانيوال 2011 وسوده بردوه ولو هتغير هتجيب حاجه تانيه ؟؟ وايه هيا عربيتك الجديده؟؟؟؟؟؟؟

[عصام غنايم]

صديقي المواطن
الكلمة.المهمة.في تقريرك فقط هي
أن كل عربية كيان منفصل لوحده يقيم بعينه من.غبر تحيز ونرى.عيوبه ومحاسنه وبالتوفيق في كل.جديد
ودمتم للنضال

يعنى التقرير كله مش فيه غير الكلمه دى

ماشى يا عم صدام

[عصام غنايم]

فعلا مع حضرتك فى الجمله دى ( كل عربيه حاله مستقله بنفسها لها مميزات تحسب لها وعيوب تحسب عليها ) بغض النظر بقى هى صناعه ايه .

فعلا كل فئه من السيارات المفروض تتقارن مع بعض فى المميزات والعيوب
بغض النظر على بلد التصنيع .مش الشراء على حسب البلد المصنع مهما كانت مساوىء العربيه
وشكرا على التقرير

فعلاٌ

بعد السقطات الغريبه لعربيات من مركات محترمه

وايضاٌ

بعد العربيات الفلتات من ماركات تعبانه

لازم نعامل كل عربيه على انها حاله مستقله بنفسها

وننسى بقى حكاية كورى ويابانى

[عصام غنايم]

كلام جميل يا باشا وموضوع متميز

ربنا يباركلك يا ميدو