أختار بين دايو لانوس 2 بتاعتى ولا أغيرها بفولكس بولو 2003

[eng_a_sayed]

السلام عليكم ورحمة الله وبركاته

أخوانى الكرام أفيدونى بارك الله فيكم

أنا معايا لانوس 2 موديل 2004 حالتها كويسه وشاريها مستعمله وعامل لها الصيانة على ايدى

رحت لوحد صاحبى سمكرى فلقيت عنده فولكس بولو 2003 حالتها جميله ولحد النهاردة صيانتها فى التوكيل لكن كانت بوزها مخبوط وهيغير الشنب وهيستعدل الكبوت
قاللى تبدل وهتفع 5 الاف جنيه بس وتاخدها سليمة

أيه رأيكم

الانوس 2 ولا البولو 2003

للعلم أنا من منوف - المنوفيه

الرجاء من له رأى يفيدنى به

تحياتى للجميع

[J A G U A R]

خليك مع اللانوس عربيه منتشره اكتر وقطع غيارها متوفره ورخيصه .. وحضرتك بتقول البولو مخبوطه ومغيره شنب وكبوت مش عارف ماله .

[M I D O]

لو العربية مريحاك بلاش تبيعها

[S O P H O S]

زي ما انت يا باشا افضل ليك فرأي

[eng_a_sayed]

ربنا يبارك فيكم كلكم .. الشيطان بيلعب فى دماغى أصل البولو كمالياتها الداخلية جميلة

ربنا يصلح الحال

هستنى باقى الاعضاء

للعلم العربية السمكرى قاللى هترجع زى الاول جديدة

الله المستعان