اختيار صعب : هوندا 2013 و لا بى ام مستعمل ؟

[JapRuleZ]

بالنسبه للفئه السعرية حوالى 180- 200 الف هل ممكن الاقى حاجه نضيفة بي ام 318- 320 و تكون عامله كم قليل
و لا الافضل السيفيك الزيرو الكامله ؟

لو تقدروا تنصحونى من حيث :

1- اداء المحرك و السحب
2- استهلاك البنزين
3- الصيانه و مصاريف التشغيل
4- الكماليات

اما الشكل ف اعتقد مش هتفرق كتير
شكرا للمساعدة

[svneleven]

200 ألف ممكن تجيب 320 موديل 2008 حالة نضيفة.
و أنا طبعا أفضلها عن الهوندا لأن ديه حاجة و ديه حاجة تاني خالص.
لكن فيه ناس بتفكر في أن الهوندا زيرو مش هتحط أيدك فيها لمدة كام سنة لكن ال بي ام ما يخلاش الأمر من مساعد أو تيل أو شوية صيانات لأن عمرها 4 سنين.
فحضرتك شوف ايه الأهم بالنسبة ليك. راحة البال و زيت و بنزين و الا البرستيج و الأداء؟

[haythamkmal]

مش تحيز لانى ركبت الاتنين

بس الهوندا افضل فى الاعتمادية ، قطع الغيار ، الموتور

البى ام افض بريستيج ، خامات صالون وبودى ، لاكن عفشة لا

الكماليات مفيش فرق كبير ، بس شاشة الهوندا ميزتها انها تاتش وبتنزل عليها برامج الجى بى اس اللى انت عايزها ، على اختلاف ال اى درايف فى البى ام .

[J A G U A R]

البى ام افضل كرأى

[M I D O]

بفضل دائما الزيرو حتي لو كان عجلة

[JapRuleZ]

طيب على افتراض انه bmw
مقبوله انه يبقى عامل كام كلومتر 30,000 و لا اكتر

[Haitham G]

طيب على افتراض انه bmw
مقبوله انه يبقى عامل كام كلومتر 30,000 و لا اكتر

اعتقد احد 40000 معقول بالرغم من ان البى ام افضل من وجهة نظرى الا انى حختار هوندا زيرو

[janagabr]

بفضل دائما الزيرو حتي لو كان عجلة

الزيرو طبعا بدون كلام حتي لو بتقارن مع بي ام

[Hosam_Optrawy]

من وجهة نظرى

لو المبلغ دا يجيب 320 Facelift من 2009 وطالع LCI

وسليمه وكيلومتر مش أكتر من 100 ألف ومنتظمه فى صيانتها

وطبعا يكون عندك إستعداد لل running cost بتاعتها

يبقى هى طبعا ولا سيفيك ولا غيرها

[blazer]

لو bmw Face lift 2008 + و عامله 60 الف او 70 الف مش اكتر تبقى اختار كويس بس صينتها اغلى واكتر من الهوندا
انما الهوندا الزيرو طبعا افضل لانها عربيه جديده ومش هتحتاج صيانة غير الصيانات الدوريه

[2CODE]

هو احنا مش بنقارن شركات لان بصراحة المقارنة واقعة لو هنقارن بين البي ام والهوندا بأي حال من الاحوال !!!!!!!!!

لكن احنا بنقارن بين عربية مستعملة وزيرو وهنا تبدأ المقارنة

رأيي يروح للبي ام - دي ركوبة ودي ركوبة تانية خالص يافندم !!!!!!!!!!!!!

[JapRuleZ]

لو bmw face lift 2008 + و عامله 60 الف او 70 الف مش اكتر تبقى اختار كويس بس صينتها اغلى واكتر من الهوندا
انما الهوندا الزيرو طبعا افضل لانها عربيه جديده ومش هتحتاج صيانة غير الصيانات الدوريه

70000 الف كتير اوى يا جماعة على عربية ماشية فى شوارعنا الجميله
الحر
التراب
الطرق المكسرة والمطبات
الزحمه و الحوادث الصغيرة المنكررة و الحكات


اعتقد ان العربية دى بال عداد ده حتكون عربية حالتها مش مستهل فيها 200,000

[Land_Cruiser]

طيب على افتراض انه bmw
مقبوله انه يبقى عامل كام كلومتر 30,000 و لا اكتر

هو الرينج اللي حضرتك محدده ممكن يجيب 320 موديل 2008 او ممكن كمان 2009 كمان علي حسب عداد الكيلومتر و هتلاقي الاغلبيه فوق ال 60 الف انما وارد تلاقي استثناءات بس دي هتبقي قليله و لازم تكشف عليها كويس علشان ما تكونش رشه و لا محتاجه قطع غيار لان حاجتها طبعا غاليه . اكيد المقارنه لو بنتكلم في ان العربيتين زيرو هتبقي في صالح آلبي ام لكن لو بنقارن زيرو بمستعمل و هاحط 200 الف في عربيه هختار السيفيك علشان زيرو و اول يد يعني هتريحك كام سنه و هي لسه في الضمان لان فطع غيارها غاليه و هتبقي عارف كل حاجه فيها انما المستعمل انت و نصيبك و لازم تبقي شايل مبلغ إضافي تحسبا لأي مفاجات تطلعلك و ده وارد لانها بقالها ٤ او ٥ سنوات ماشيه في الشوارع و كمان نقطه تانيه لاحظتها ان آلبي ام المستعمل سعره بينزل كتير يعني لما تيجي تبيعها كمان كام سنه هتخسر فيها مبلغ مش قليل و خاصه كمان ان موديلها هيبقي ساعتها قديم مقارنه بالسيفيك موديل السنه دي

[S O P H O S]

البي ام افضل طبعا مدام حالتها نظيفة
ولكن الهوندا ميزتها انها زيرو وعربية مضمونة اكتر
وصيانتها بعيدة شوية

[shawke hamed]

الالمانى bmw الوحش المرعب