نوبيرا ولا كرستالة

[elpasha1]

السلام عليكم ورحمة الله وبركاته
يا جماعة الخير انا محتار جدا
انا معايا نوبيرا 2005 اوتوماتيك بحالة ممتازة رشة كلة ماعدا السقف عفشة - فتيس- موتور فل
تحتاج حاجات بسيطة (كاوتش - طقم سرفيس) كهربة العربية من الزيرو متعملش فيها حاجة
والعربية رشة ستارة وكبوت كامل

معروض عليا كرستالة 98 اوتوماتيك (بدل)
حالة ممتازة برضوا
محتاجة شغل فى الصالون فقط رشة كل حاجة ماعدا السقف


انا محتاااااار جدا
ارجو الافادة على وجة السرعة

[Ramy_2R]

خليك في عربيتك ال عارفها

[elpasha1]

الثانية بتاعت اخويا وعارفها

[hilal]

طالما التانية بتاعة اخوك يبقى المصلحة واحدة
يعني لو كنت مغلوب شوية مش مشكلة ابدا

[elpasha1]

يا جماعة المشكلة فى الفلوس
المشكلة ان العربيتين مش عاوز افرط فيهم
بمعنى انه غالبا هو هياخد النوبيرا وانا اخد اللانسر( بدل )يعنى
السؤال ابدل ولا لأ مع العلم انى بسافر كتير

[saddam]

صديقي المواطن
معلش العربيات مفيهاش أخوية ومش أخوية.ثم.الناس بتطلع للأمام مش بترجع ورا.يعني تسيب عربيتك 2005:وتاخد عربية 98 بعدين يا راجل يا طيب فكرتك حتغير بعربية تستاهل زي بي إم مرسيدس تويوتا عشان ترضى تنزل مت موديل عربيتك إنما تصوم وتفطر على بصلة فخليك في النوبيرا وسيب بيع اﻷخوات عشان بيجيب مشاكل وزعل قدام اللهم قد بلغت اللهم فإشهد وحيرتك غير مبررة والعربية البديلة لا تستاهل تبدلها بسيارتك مهما زعلوا ملاك لانسر حبايبنا ومعلش أنا من وجهة نظري لم تنتج سوى باجيرو وعربية صنعت ﻷمريكا سيدان ضخمة بحجم الشبح

وبالتوفيق
ودمتم للنضال

[elpasha1]

طيب خلونا نقارن بين العربيتين من حيث المميزات والعيوب
موتور لصالح النوبيرا
عفشة وفتيس لصالح اللانسر
ثبات وعزل لصالح النوبيرا
قطع غيال لصالح النوبيرا
سعر اعادة البيع لصالح اللانسر
النوبيرا اوسع واعلىو راحة فى السفر اكتر
النوبيرا 1600 اللانسر 1300
التكييف لصالح النوبيرا
صاج لصالح اللانسر
فى حاجة تانى

[Thebutcherr]

اعتمادية .... لانسر
نعومة.... لانسر
سحب لانسر جتي لو 1300
تكييف لانسر
بيع لانسر
ثبات النوبيرا تكسب بفرق بسيط
انا كان معايا الاتنين لا طبعا الفرق للانسر بكتييير رغم ان النوبيرا اوسع و تشعرك بالفخامة اكتر
في عربيتين اليابانيين كانوا محششين و هما بيصنعوهم فاتعملوا بمزاج اوى
لانسر الشكل ده ز سيفيك si

[Ahmed Nasser]

النوبيرا احسن من الانسر فى كل حاجة
سحب وتكييف وثبات وفخامة

[J A G U A R]

خليك مع النوبيرا

[fares_311]

معظم الشباب قالولك خليك في النوبيرا وده رأيي

[Ramy_2R]

لو بتسافر كتير خليك في النوبيرا أمان أعلى

[M I D O]

خلييك في عربيتك احسن

[elpasha1]

يبقى خلاص وانا مع راى الشباب
توكلنا على الله