عربية زيرو مش غالية لمشاوير وسط البلد بس !!

[2CODE]

ياجماعة عايز اقتراحات لعربيات زيرو انا مش عايز مستعمل ووجع دماغ انا اشتري زيرو واغير زيوت بس وارتاح واكسب صحتي وحرقت دمي في الصيانات مع فرق 10 او 15 الف زيادة !!!!!

طيب دلوقتي في دماغي كده الاتي طبعاً كله اوتوماتيك !!!

فيرنا
لوجان
سيبك من البروتون لان توكيلها وحش يبقى ممنهاش لزمة زيرو !!!
byd f3

تقريباً كلهم بيلعبوا في الـ80 الف
ياريت لو حد معاه الاسعار الحديثة يكتبها لاني مش متابع اسعار العربيات الرخيصة

برضه حد عنده عربيات زيرو في الفئة دي تاني ؟؟؟؟

[S O P H O S]

لو تقصد مانيوال
ايه رايك فالبيكانتو واهي من عائلة كيا

[2CODE]

لأ انا بتكلم عن الاوتو بس مش هركب مانيوال جوه البلد

متفكرنيش انا خلاص بعت الريو !!!!! من اجمل العربيات اللي ركبتها فعلاً بعد الـbmw x1 مطلبتش منها كتير وهي اديتني اكتر من اللي عايزه فعلاً يلا هي مراحتش بعيد هي معايا برضه اخويا اشتراها وهو مش متجوز يعني معانا برضه العربية في نفس البيت ههههههههههههههههههههههه

علشان اشتريت الـX1 وهستلم بعد شهر :)
طبعاً مش هنزل بالـBMW وهي زيرو كده كل مشوار في البلد :)

فكرت في البيكانتو والـI10 بس انا طويل وحاسس ان هبقى منظري يضحك وانا راكبها ههههههههههههههههه

[J A G U A R]

الفيرنا افضلهم كرأى

[devil_storm]

فيرنا طبعا

[Hosam_Optrawy]

اللوجان ب 95,500

الفيرنا 91000 أو 92000 تقريبا

ال Byd ب 92000

[assaf]

انا شايف اللوجان احسن واحده

[amrelsaqqa]

طالما جوة البلد يبقى الفيرنا هتقضى الغرض وزيادة في رأيي بس الفكرة هل بعد ما سقت عربيات اعلى منها هتقدر تركبها اصلا ولالا :d

[J A G U A R]

طالما جوة البلد يبقى الفيرنا هتقضى الغرض وزيادة في رأيي بس الفكرة هل بعد ما سقت عربيات اعلى منها هتقدر تركبها اصلا ولالا :d

عندك حق

[saddam]

صديقي.المواطن
رغم إنك عارض عربيات أنا مبعترفش.بيها كلها ولكن اﻷفضل كعربية
بي واي دي
ثم فيرنا
ثم لوجان
أفضل بيعا
فيرنا
ثم بي واي دي
ثم لوجان

وبالتوفيق وإلى اﻷمام ودمتم للنضال

[elmkaneeki]

بيكانتو او بي واي دي

[د.عماد صلاح]

بي واي دي
لوجان
فيرنا

[2CODE]

يا جماعة انا الـbyd خايف منها لعدة اسباب

انا اولاً مش بحب الهيصه مع التوكيلات وتوكيل الامل بتاع byd وحش جداً والكل عارف !!!!!!
ثانياً انا كنت راكب كيا ريو 2013 هاي لاين واديتها لاخويا ودلوقتي معايا BMW X1 2014 Sport Line يعني معايا BMW زيرو فمش هرتاح تقريباً في الصيني ولا ايه ؟؟؟؟

ثم ان قطع غيار الفيرنا في التراب فعلاً رخصية جداً جداً وغير ده قالولي ان الفيرنا اي حد يصلحها يعني مش لازم على طول التوكيل

ولا ايه رأيكم ؟؟؟؟

انا هستلم الـBMW الشهر اللي جاي ان شاء الله وعايز اشتري اليومين دول العربية الرخصية اكسر فيها براحتي لغاية ما البي ام تيجي

[elmkaneeki]

انا هستلم الـBMW الشهر اللي جاي ان شاء الله وعايز اشتري اليومين دول العربية الرخصية اكسر فيها براحتي لغاية ما البي ام تيجي

وليه التكسير

[2CODE]

وليه التكسير

الطرق هي اللي بتكسر اتخنها عربية

انا بمشي في طرق واماكن ما يعلم بيها الا ربنا بس تعمل ايه