سؤال لذوى الخبره

[noor eltorky]

انا كنت محتاج مقارنه بين عربيتين مميزين بالنسبالى وكنت محتاج مقارنه حقيقيه بينهم وهما ( Frv Cross - Emgrand 7 ) انا محتار ما بين العربيتين دول ضرورى علشان انا هشترى باذن الله بعد العيد ومحتاج رايكم ... انا يهمنى موضوع الشكل والاوبشن كتير اتمنى من الله انكم تساعدونى في الاختيار

[saddam]

صديقي المواطن
بدون.الدخول في التفاصيل وحجيبهالك قولا واحدا
مع شديد حبي وتشجيعي لبريليانس
ولكن عفوا هذا هو زمن ووقت اﻹمجراند 7 بس مفيهاش أوتوماتيك
وبالتوفيق وإلى اﻷمام ومن نصر إلى نصر
ودمتم للنضال

[eng.salama93]

السوق كله هيتجه للإيمجراند

[J A G U A R]

emgrand 7

[M I D O]

رغم اني هشتري الامجراند بس فيها عيوب كتير ومحدش هيشتريها الا الي حاببها عشان يصبر علي مشاكلها لو قابلة حاجة عشان كدة لو هتصبر للصيانات لو قبلك حاجة توكل علي الله عاوز تشتري دماغك يبقي برليانس

[AmericanMuscle]

أنا بفضل بريليانس على جيلي في كل السيارات.

[noor eltorky]

فى البدايه بشكر كل الاعضاء اللى اهتمو بموضوعى ، لكن انا ما زلت محتار بين العربيتين خصوصا ان فرقهم فى السعر مش كبير البريليانس كروس ب 89،000 والايمجراند 7 85،000 البريليانس مشفتش حد الا ما شكر فيها عفشتها ومتورها الايمجراند غبور اخد توكيلها يا ترى ده يطمنى شويه ولا ايه خصوصا ان معظم الناس بتشتكى من التوكيل اتمنى من الساده الاعضاء ان يكون فيه مقارنه حقيقيه بين العربيتين فى كل حاجه ودمتم بخير تقبلو مرورى

[M I D O]

فى البدايه بشكر كل الاعضاء اللى اهتمو بموضوعى ، لكن انا ما زلت محتار بين العربيتين خصوصا ان فرقهم فى السعر مش كبير البريليانس كروس ب 89،000 والايمجراند 7 85،000 البريليانس مشفتش حد الا ما شكر فيها عفشتها ومتورها الايمجراند غبور اخد توكيلها يا ترى ده يطمنى شويه ولا ايه خصوصا ان معظم الناس بتشتكى من التوكيل اتمنى من الساده الاعضاء ان يكون فيه مقارنه حقيقيه بين العربيتين فى كل حاجه ودمتم بخير تقبلو مرورى

هية البرليانس وصلت 89 الف كتييييير اوي بصارحة رغم ان العربية جميلة بس عيبها ارتفاع قطع الغيار بشكل اوفر اوي و الامجراند رغم ان غبور اسم كبير بس مش مهتم بالعربية للاسف وبيقولو الكلام دة بسبب ضغط العربيات وبيعمل فروع جديدة للصيانات اهو وربنا يسهل

[noor eltorky]

ايوه يا باشا ده كمان سعر المانيوال اما الماتيك ب 102،000 المهم يعنى اتوكل على الله واشترى الايمى ولا تنصحو بايه

[M I D O]

ايوه يا باشا ده كمان سعر المانيوال اما الماتيك ب 102،000 المهم يعنى اتوكل على الله واشترى الايمى ولا تنصحو بايه

العربية حلوة بس فيها شوية مشاكل ممكن تقابلك وممكن لا لو لاقدر الله قابلك حاجة وهتصبر عليها للصيانات يبقي توكل علي الله

[noor eltorky]

ألف شكر ليك على النصيحه

[M I D O]

ألف شكر ليك على النصيحه

الشكر لله وحدة بس ناويت علي اية

[noor eltorky]

شكرا للاهتمام ان شاء الله ايمجراند 7

[M_SALLAM]

بص يا باشا البريليانس افضل من الايمجراند فى كل حاجة ماعدا ( الاتساع الداخلى )لو عاوز عربية ركوبة يبقى بريليانس و انت مغمض و دى افضل عربية صينى من وجهة نظرى و يكفى انها متقفلة فى بلدها و زى مقولتلك الايمجراند هتبقى افضل من حيث الصيانة و توافر قطع الغيار و اعادة البيع غير كدة البريليانس افضل و لك حرية الاختيار و متنساش الاستخارة .

[mhkorayem]

حصول غبور على توكيل جيلي مش مأشر على نجاحها زي الهيونداي
لان انا شايف ان غبور مش مركز غير في الهيونداي وبس
بدليل ان مازدا بسم الله ما شاء الله مبتتباعش خالص من ساعه ما توكيلها رجع ليه تاني
رغم انها كانت ماشيه بشكل معقول قبل ما ترجع له تاني

واضح انه مش مهتم غير بالهيونداي