مقارنة بالصور بين كورولا 2014 و Octavia A7

[iUsef]

طبعاً المقارنة دي صعبة اوي وانا شايفها ان مينفغش نقارن بين الكورولا و الاوكتافيا و لو هنقارن الاوكتافيا نقارنها ب التويوتا الافينسيس بس للاسف انها بتنزل ماينول مش اوتوماتيك ودة مخلي ناس كتير ميعرفوش ان تويوتا عاملة فئات مختلفة شوية عن معظم الشركات يعني الاوكتافيا فئة بين الكورولا و الافينسيس
بس معظم الناس بتقارن الكورولا ب الاوكتافيا عشان السعر القريب تقريباً نفس الحجم و تقريباً نفس فئة المواتير وجبتلكو مقارنة من روسيا لنفس العربيتين عشان تشوفوا الفروق والناس اللي محتارة يعرفوا الفرق











الشكل الخارجي

اولاً الاوكتافيا











ثانياً الكورولا

[iUsef]

الصالون الداخلي

الاوكتافيا

[iUsef]

الكورولا






















اظن الصور دي هتوضح الدنيا اوي في الاختلافات بين العربيتين بس ملحوظة ان دي مقارنة في روسيا يعني في ساعات كمليات و زراير مختلفة عن اللي في مصر وغير ان العربتين الهاي لاين يعني كورولا اللي 210000 و اوكتافيا اللي 275000

هلخصلكوا المقارنة في شوية نقط

الاوكتافيا - الكورولا
الموتور 1400 تربو 140 حصان بنزين 95 وممكن 92 بس الاداء هيقل طبعاً
الموتور 1600 dual VVTI يولد 122 حصان بنزين 92
الفتيس DSG سبع نقلات
الفتيس CVT عدد لا نهائي من النقلات و فيه 7 نقلات لو عايزة مانيول
العفشة MacPherson suspension with lower triangular links and torsion stabiliser
العفشة MacPherson strut front suspension
Torsion beam rear suspension
Front independent suspension
Front and rear stabilizer bar

دول اهم 3 نقط في العربيتين طبعاً الموتور الاوكتافيا التربو مع الفتيس DSG قوي جداً بس للاسف بيقولو انك مش حتس بالفرق القوي دة مقارنتاً بالكورولا عشان تويوتا زودة التركشن بتعها فاصبحت قوية جداً مقارنة باي فتيس CVT تاني ( يعني الملخص ان الواحد مش ديماً يقدر يجيب السرعة اللي تولد ال 140 حصان و الطلعه مش ديماً امريكاني فامش حتحس بالفرق الرهيب خصوصاً ان كمان البزين 95 ب 5.75 قرش وهو اللي هيحسسك بالفرق اللي مش رهيب)
الفتيس ال DSG طبعاً اقوي بس مشاكلة التاريخية لسة محدش يعرف انتهت ولا لا
العفشة تقريباً نفس الاداء

الخامات الداخلية: للاوكتافيا عالية عن الكورولا
التقفيل: الاوكتافيا اعلي
الاعتمادية: طبعاً التويوتا اعلي بكتير ودة برة مش هنا بس
المساحات الداخلية: تقريباً الاتنين واحد يمكن الاوكتافيا اوسع شوية بس الشنطة اكيد الاوكتافيا اكبر بكتير
الكماليات هنكلم بالمصري شوية الهاي لاين الكورولا اعلي من الاوكتافيا الفئة الاولي حوالي 20000 وعن الهاي لاين حوالي 65000
يعني السعر برضة في صالح الكورولا
و الاوكتافيا ليها منافسين تانين زي الدودج دارت بتبداء من 240000 و البيجو 508 و الباسات

ياريت اكون عرفت افيدكوا و اوضح الصورة اكتر

[mazher_m]

تسلم اديك
مجهود ممتاز
وهتفيد ناس كتير
شكرا

[Mohamed said]

تسلم ايديك يا باشا. تقرير ممتاز للحيران بين الفئتين.

[Mohamed.Hany]

تسلم يا باشا، كفيت ووفيت.
انا كنت في نفس الحيرة لغاية من شهر قررت الكوروﻻ وحجزتها عشان 3 اسباب
1.الفتيس الdsg
2.التربو و بنزين 95
3.الاعتمادية و القيمة المالية للكورولا
و هي في الاخر ازواق و ربنا يرزق كل واحد بالاختيار اللي يريحه و يرضيه.

[Hunting_Eagle]

تسلم ايدك على الصور و التقرير

و المقارنة عادلة الاتنين نفس الفئة بس سكودا هي اللي بتستعبط في اسعارها و عايزة تدخل في فئة تانية

و عموما الكورولا تكسب بالنسبة لسعرها

[J A G U A R]

مشكور يا باشا على مجهودك الرائع

[saddam]

صديقي المواطن
شكرا لجهودك الجبارة ومشاطرة الفايدة ﻷخوتك أعضاء المنتدى الكرام وننتظر منك كل جديد
وبالنسبة لرأيي الكل عارف إني من شعبة كارهي كورولا ولكن اﻷمانة العلمية وقول الصدق يحتم علي القول أن الكورولا الجديدة أفضل من أوكتافيا ولكن تكملة قولة الحق تحتم علينا القول أن العربيتين لا يستحقون الثمن الخزعبلي المبالغ به كسعر لهما
وبالتوفيق وإلى اﻷمام ومن نصر إلى نصر
ودمتم للنضال

[iUsef]

تسلم اديك
مجهود ممتاز
وهتفيد ناس كتير
شكرا

لا شكر علي واجب يارب بس الناس تستفيد :)

[iUsef]

تسلم يا باشا، كفيت ووفيت.
انا كنت في نفس الحيرة لغاية من شهر قررت الكوروﻻ وحجزتها عشان 3 اسباب
1.الفتيس الdsg
2.التربو و بنزين 95
3.الاعتمادية و القيمة المالية للكورولا
و هي في الاخر ازواق و ربنا يرزق كل واحد بالاختيار اللي يريحه و يرضيه.

انا زيك بالظبت وكنت عايز اغير العربية من اخر السنة اللي فاتت و كنت مستني الاوكتافيا وكان عني امل تنزل من غير dsg او tsi عشان اكيد السوق المصري دماغة مختلفة بس طبعاً احنا التوكيلات عندنا بيحولو دايماً يمشوا السوق علي مزاجهم وعشان كده انا كمان حاجز كورولا بس لسا بحاول اشوف تقيمات الناس و ارائهم بره و جوة و اشوف كل المقارنات عشان استفيد منها و ان شاء الله اللي محتار زينا يستفيد :)

[iUsef]

تسلم ايدك على الصور و التقرير

و المقارنة عادلة الاتنين نفس الفئة بس سكودا هي اللي بتستعبط في اسعارها و عايزة تدخل في فئة تانية

و عموما الكورولا تكسب بالنسبة لسعرها

متفق معاك ان الاوكتافيا بتستعبط وعمرها ما هتكون فئة الباسات او 508 بس هيا اعلي من الكورولا شوية بس دة مش مبرر للغلو الخزعبلي في السعر

[iUsef]

مشكور يا باشا على مجهودك الرائع

لا شكر علي واجب يارب يكون الموضوع مفيد :)

[iUsef]

صديقي المواطن
شكرا لجهودك الجبارة ومشاطرة الفايدة ﻷخوتك أعضاء المنتدى الكرام وننتظر منك كل جديد
وبالنسبة لرأيي الكل عارف إني من شعبة كارهي كورولا ولكن اﻷمانة العلمية وقول الصدق يحتم علي القول أن الكورولا الجديدة أفضل من أوكتافيا ولكن تكملة قولة الحق تحتم علينا القول أن العربيتين لا يستحقون الثمن الخزعبلي المبالغ به كسعر لهما
وبالتوفيق وإلى اﻷمام ومن نصر إلى نصر
ودمتم للنضال

والله يا استاذ صدام اصبت بس المشكله ابعادها كتير زي الدولار و النصب بتاع الوكلاء وطبعاً ياعيني الوكيل صعبان علية ينزل السعر ويقول يا باشا شوف الكوري وصل كام ودمتم للنضال :))

[M I D O]

ما شاء الله موضوع تحفة