نيسان صنى 2014الشكل الجديد ،ولا رينو لوجان 2013

[eng.jo]

السلام عليكم ياشباب عيد سعيد عليكم ،،
انا نويت اشترى عربيه زيرو ومحتار مابين. عربيتين
نيسان ٢٠١٤ اوتوماتيك الشكل الجديد ،،،،،،،،، ورينو لوجان اوتوماتيك ٢٠١٣
وطبعا كنت حاطط معاهم الفيرنا بس ناس خوفونى من الاوتوماتيك الكورى وانهاخفيفه
عايز مساعدتكم وخبرتكم مع العلم ان اللوجان اقل بحوالى ٢٠ الف جنيه وده اللى مخلينى ميال ليها




ايه قولكم يارجاله ، اليابانى ولا ال٢٤ الف

[hugan]

الفيرنا خارج المقارنه
مشاكل النيسان الجديده تخلي اي حد يقلق منها
الاان المقارنه تحير
لكن اللي اعرفه ان اللوجان الاوتو روماني وليست مغربي
لو كده تتفوق علي النيسان المصري
وكمان تتضيف عليهم ال 20000

[J A G U A R]

خليك مع اللوجان ووفر الفرق واشترى دماغك احسن .. عشان مشاكل النيسان

[eng.jo]

هو فعلا النيسان الجديده فيها مشاكل جامده
دانا كنت متوقع ان اللوجان هى اللى هتخسر قصاد الصنى

[EngAhmed13]

انا معايا لوجان مانيوال2009 سيارة ممتازة جدا ماشاء الله وانجحه جدا
بس صالون وثبات وامكانيات وشكل خارجي ووسع داخلي وقدرة حصانيه ونعومه عفشه اكيد لصالح النيسان
والمقارنه دي مش صح انت بتقارن فئتين مش مع بعض خالص
النيسات تتقارن بالريو الجديده او النيو اكسنت
وحرام تدفع 90000 في اللوجان بصراحه انا كنت شاري المانيوال ب 60000 اما الفرنا لا تتباس ولا تتحضن عامله زي علبة الكبريت ام 1 جنيه

[M I D O]

زود شوية وهات بيجو301