إعـــــــلان

Collapse

.

,
See more
See less

محتار جدا ... يا ريت الافاده يا شباب

Collapse
X
 
  • Filter
  • الوقت
  • Show
Clear All
new posts

  • محتار جدا ... يا ريت الافاده يا شباب

    السلام عليكم

    اولا بسلم على كل اعضاء المنتدى المحترميين جدا جدا
    و بجد انا استفدت منكوا كتيير جدا
    و حاسس فعلا ان الناس هنا اسره و قلبهم على بعض

    انا هقولكم الموضوع من الاول عشان الناس تحس بالى انا فيه
    انا كاى شاب فى البلد حبيت اجيب عربيه عشان الشغل .. و لان العربيه دلوقتى من اساسيات الحياه
    المهم نزلت السوق كذا مره و ملقتش اى حاجه عدله و اعدت ادور فى كونتاكت لما تعبت المستعمل كله تقريبا واحد و من الاخر كله شمال لازم يكون فيها مصيبه مخفيه و خاصه العربيات الى رشه دى 99 % منها حوادث للاسف
    المهم وقعت فى واحد صاحب واحد صحبى و طبعا عشان الميزانيه المحدوده جبت اسبرانزا 113 الى كانت معاه و كان بيبعها و كانت ب 36
    المهم الحق يتقال العربيه حماله اسيه معايا و شافت كتير بس و الله طلعت عينى برده و كرهتنى فى العربيات الصينى كلها و فى كل العربيات المانوال عموما .. لدرجه ان و الله و ربنا يشهد عليا كان بيجلها اعطال المركز المعتمد الى جمبى مش كان بيعرف يصلحها
    المهم بسبب الى شوفته منها انا عارضها دلوقتى للبيع و ناوى اخد فلوسها مقدم فى واحده جديده ان شاء الله قسط على 5 سنين الفكره هنا بقى انى عايز عربيه متفتحش بقها معايا ال5 سنين دوول
    انا للاسف سواقتى عنيفه جدا جدا .. يعنى طوول الوقت بشد بالعربيه .. بس انا استهلاكى للعربيه 10 ايام بس فى الشهر لظروف سفرى ... بس ال 10 ايام دوول باجى تقريبا ببقى قالبها اوضه نووم :]
    و طبعا لازم اقولكم انى ساكن فى فيصل بلد المطبات و النقر الى تبوظ اجدع عفشه و بطبيعه احال انا مش بهدى بالعربيه الا للمطب الى مالى مركزه غير كدا الباقى كله فى الحصاله و العربيه تشيله

    المهم انا دلوقتى خلاص ناويت على الجديد و قسط و خلاص و اريح دماغى
    فكرت فى حاجات كتيييير و ماركات كتير
    اكتر عربيه كنت مقتنع بيها هى البروتون ساجا
    عربيه من الاخر تقفيل محترم اداء عالى حاجه كده عليها القيمه لاكن للاسف الحلو ميكملش
    قطع غيار مش موجوه تقريبا لدرجه ان واحد صاحب العربيه دى قالى انه احيانا مش بيلاقى فوانيس ليها .. الى هيا اساسا فى بلدنا دى بتتكسر بسبب و بدون سبب .. عادى جدا تبقى خارج من الشغل و تلاقى عيل ابن رخمه كسرلك الفانوس
    و بالتالى عليه العوض و منه العوض فى البروتون

    تانى حاجه كانت اللانوس و قلت مش مهم موضوع الاوتو ده بس للاسف لقيتها فقيره جدا و طلع موضوع الاوتو ده مهم الصراحه عشان انا فى بلد المطبات

    تالت واحده الفرنا
    معرفش ليه مش حاسس انها عربيه
    زى ما يكون كشك و قلبوه عربيه
    تقفيل سئ للغايه
    تحس انك راكب 127 ولا حاجه كدا
    و ركبتها لاقيتها ضيقه جدا بصوره لاتوصف الصراحه

    رابع واحده الرينو لوجان
    كنت مقتنع بيها شويه و رحت اتفرجت عليها
    ان فى معرض شكرلى فيها مفيش
    و لما دورت على النت عن عيوبها لاقيت مهازل زى موضوع دواست البنزين الى بتعلق دى و كله بالفيديو
    و انا اساسا كاره الفرنساوى كله .. حاجه كدا مش مقتنع بيها

    خامس واحد الافيو
    مش هقول لحد غير اكتب بس عيوب الافيو على جوجل و اتفرج على الشعر يا معلم

    و حاليا انا لسه شايف البى واى دى
    بصراحه انا شايفها كويسه ... يعنى عربيه كلها كماليات كده و جميله و واسعه و كمان ماشيه تاكسى يعنى هلاقى قطع غيار بسهوله و فيها تقريبا كل حاجه يعنى لذيذ كده
    بس للاسف العربيه الى معايا جابتلى فوبيا من الصينى كله

    فانا عاوز استشارتكوا يا رجاله البى واى دى زباله برضه زى الصينى الى معايا .... منها لله اسبرانزا
    و الا عربيه كويسه بنت حلال كده و هتستحمل الى انا بعمله فى العربيات
    ملحوظه بس
    انا بعامل العربيه معامله اوضه النوم لظروف الشغل
    يعنى الى هيركب عربيتى هيلاقى هدوم ماشى .. ازايز ميه .. ممكن جزمه .. برفان .. مشت و كريم .. كفرولات .. شنطه عده للشغل مش للعربيه لانى مهندس
    و كل تعاملى مع العربيه انى ادور و امشى و ممكن لو حنيت عليها اشيك على الزيت و الميه مره فى الاسبوع
    انا على طوول زيت 5000 كم و بنزين 92
    و طبعا انا بقارن فى كل العربيات دى عن الفئه الاوتوماتك
    انا مش ناوى اغير تانى قبل 5 سنين بتوع القسط ان شاء الله

    انا عارف ان ممكن فى ناس تزعل عشان العيوب الى انا شايفها فى العربيات الى فاتت بس معلش يا جماعه لولا اختلاف الاراء لبارت السلع

    فايه رايكوا اتوكل على الله و اجيب البى واى دى ؟؟؟ و لا ايه ؟؟؟
    و ايه عيوبها ؟؟؟

  • #2
    طبعا انا مستنى لما ابيع الى معايا الاول ... لو حد حابب يتفضل يكلمنى على الخاص
    انا عارضها على 35
    العربيه رشا كله من الخارج و فى تكه فى الستاره اتردد على البارد .. انا شاريها كده للاسف
    انا صارف عليها حولى 10 الالف جنيه و معتبر كل ده كاننى ركبتها بيهم مش مشكله

    شكرا

    Comment


    • #3
      بص حضرتك من اللي قولتهم دول انا رأيي لانوس

      هي ما تعتبرش عربية اوي يعني 4 فرد كاوتش و كاسيت تعبان و تكيف معقول اكتر من كده ما تلاقيش

      بس الصراحة شغالة و مشاكلها بسيطة و تتحل بربع جنيه

      العربيات الباقيه حضرتك عارف عيوبهم

      طبعا موضوع الاتو ده اهم في رايي من العربية نفسها فلو تقدر تبيع عربيتك و تحط فلوسها مقدم في عربية اغلى و تكوت اوتو يبقي احسن بكتير

      و بالتوفيق
      [CENTER]"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"[/CENTER]
      [CENTER][SIGPIC][/SIGPIC][/CENTER]

      Comment


      • #4
        علي كلامك ووصفك
        انت محتاج عربيه تفصيل
        الموضوع مالوش علاقه بصيني او ياباني
        هاتقع في نفس المشكله لاءن ال بي واي دي صيني
        ومن كلامك كله فيه عيوب
        الاوروبي
        والكوري
        والصيني
        انت محتاج حاجه زي الشاهين اوالنيفا

        مكن تشوف التيجو الجديده
        [SIGPIC][/SIGPIC] ياتقول كلام في محله يا تقول حلو ياحلو
        [url]/photos/a.879931698703941.1073741827.879900435373734/879931905370587/?type=1[/url]

        Comment


        • #5
          اولا انا بشكركوا يا رجاله على الردود

          بس الانوس انا كنت خلاص هجيبها بس برده فكرت فيها و لقيتها زى ما قلت موتور و اربع كراسى فقط .. و انا موضوع الاوتو ده مهم بالنسبه شويه لانى بصراحه كرهت المانوال لانى ممكن اعمل فى اليوم 70 كيلو

          للاسف مش هقدر اعلى بالميزانيه عن 95 الف عشان قيمه القسط
          و لايمكن افكر فى اسبرانزا تانى .. دى عربيه بتاعت 3 سنين و اقلب

          Comment


          • #6
            صديقي المواطن
            قولا واحدا هات بي واي دي

            ثانيا بصراحة إنت ظلمت اﻹسبرانزا ال 113 وبصراحة على فلوسها وعلى سواقتك أم الحصالة وإهمالك للعربية أي عربية حتركبها حتقول يااااه ده أنا كتت ظالم اﻹسبرانزا الكتكوتة الصغيرة دي بشكل
            إنت مفكر بعني اﻷفيو ولا فيرنا لما تعاملها بطريقتك دي حتسكت يعني ومش حتفتح بقها معاك
            ده كلام مش سليم والعربية تديلها تديلك والتوكيل اللي جتبك ده كفته وليس توكيل والعربية كل عطلاتها بسيطة ومعروفة

            وخد بي واي دي عربية كويسة ليك

            وبالتوفيق وإلى اﻷمام ومن نصر إلى نصر
            ودمتم للنضال

            Comment


            • #7
              طريقة سواقتك للأسف كأنك شارى العربية عشان تعذبها وأى عربية حتعمالها بالطريقة دى مش حتكمل معاك حاجة وكويس إن الإسبيرانز إستحملت . وكلمة أخيرة معتقدش إن فيه حد فى المنتدى حيشترى منك العربية بعد ما حكيت طريقة معاملتك ليها دا أسرى الحرب من الأعداء بيتعاملوا معاملة أحسن من كده
              [FONT=Tahoma][SIZE=4][COLOR=RoyalBlue]والله أعلى وأعلم
              :goodnight:[/COLOR][/SIZE][/FONT]

              Comment


              • #8
                المشاركة الأصلية كتبت بواسطة lidosasa مشاهدة المشاركة
                طريقة دا أسرى الحرب من الأعداء بيتعاملوا معاملة أحسن من كده
                هههههههه
                فعلا صون العربيه تصونك
                [SIGPIC][/SIGPIC] ياتقول كلام في محله يا تقول حلو ياحلو
                [url]/photos/a.879931698703941.1073741827.879900435373734/879931905370587/?type=1[/url]

                Comment


                • #9
                  المشاركة الأصلية كتبت بواسطة saddam مشاهدة المشاركة
                  صديقي المواطن
                  قولا واحدا هات بي واي دي

                  ثانيا بصراحة إنت ظلمت اﻹسبرانزا ال 113 وبصراحة على فلوسها وعلى سواقتك أم الحصالة وإهمالك للعربية أي عربية حتركبها حتقول يااااه ده أنا كتت ظالم اﻹسبرانزا الكتكوتة الصغيرة دي بشكل
                  إنت مفكر بعني اﻷفيو ولا فيرنا لما تعاملها بطريقتك دي حتسكت يعني ومش حتفتح بقها معاك
                  ده كلام مش سليم والعربية تديلها تديلك والتوكيل اللي جتبك ده كفته وليس توكيل والعربية كل عطلاتها بسيطة ومعروفة

                  وخد بي واي دي عربية كويسة ليك

                  وبالتوفيق وإلى اﻷمام ومن نصر إلى نصر
                  ودمتم للنضال
                  حبيبى كنت مستنى ردك
                  دايما كده ردودك متميزه و منور المواضيع
                  انا عارف و الله انى ظالمها معايا بس هى ظروف شغلى صعبه جدا و 70 كم فى اليوم سواقه حاجه اجارك الله بجد
                  انا مش بستخسر فيها اى مصاريف
                  و كل صيانتها فى المركز ده
                  بس هى برده قلت باصلها
                  عايز اقولك على اخر حاجه مثلا كانت عندى عجله بتقف لوحدها منغير ما ادوس فرامل
                  اعقدت فى المركز ده 5 ايام و 3 مهندسين معرفوش يعمله فيها حاجه خالص
                  و فى الاخر غيرت العجله كلها من جوه لبره
                  ايه رايك بقى ؟؟؟

                  المهم انا عجبنى انك ميال لل بى واى دى
                  و لكن ايه ابرز عيوبها ؟؟؟
                  و هل هيه حماله اسيه فعلا ؟؟؟
                  طبعا الكلام على الاوتوماتك

                  شكرا

                  Comment


                  • #10
                    المشاركة الأصلية كتبت بواسطة lidosasa مشاهدة المشاركة
                    طريقة سواقتك للأسف كأنك شارى العربية عشان تعذبها وأى عربية حتعمالها بالطريقة دى مش حتكمل معاك حاجة وكويس إن الإسبيرانز إستحملت . وكلمة أخيرة معتقدش إن فيه حد فى المنتدى حيشترى منك العربية بعد ما حكيت طريقة معاملتك ليها دا أسرى الحرب من الأعداء بيتعاملوا معاملة أحسن من كده
                    يا باشا عادى
                    مش مشكله ان حد هنا يشتريها , و لو اى حد بره هيشتريها هقوله الى بقوله ده لانى شايف ان دى امانه فى البيع و الشراء و معنديش استعداد اخم حد فيها عشان ربنا يبارك للواحد كدا
                    و الفكره ان النوع ده عايز مشاوير بسيطه
                    مش الهلك الى انا بعمله

                    و للاسف انا بعاملها كده لظروف الشغل
                    فهيه مش للرفاهيه او عربيه اسره مثلا
                    بس مقلكش بقى ساعتالصيانه و الله مش بقلها لا

                    بس الفكره زى ما قلت انها للمشاوير الداخليه فقط و اخرها طلعه للدائرى فى الاسبوع

                    انما 70 كم يوميا و الاستهلاك ده مش ليها خالص

                    و بعدين يا رجاله انا مش باخد رايكوا فى 113

                    انا بسئلكوا على البى واى دى

                    تستحمل الهلك ده ولا ايه و هتعمل معايا الدنيئه

                    Comment


                    • #11
                      هههههههه.. بص يا كبير.. بي واي دي هي أفضل أوضة نوم ممكن تجيبها.. بالنسبة للتحمل هي مشهورة باعتماديتها وانها حمالة قسية وبيشبههوها بالبيجو 504 في زمانها.. لكن عشان تسمع كلمة صح جرب تركن عربيتك يومين تلاتة، وتركبها تاكسي.. خصوصا في منطقتك.. مشاوير قصيرة بس كتير، واتكلم مع السواقين في مدى التحمل والاعتمادية. وأي استفسار عندك هتلاقي الاجابة عليه هنا في قسم البي واي دي..

                      Comment

                      Working...
                      X