ارجو من السادة الاعضاء الدخول لمساعدتى فى شراء سيارة زيرو

[عماد]

السلام عليكم ورحمة الله وبركاته
ان شاء الله ناوى اشترى سيارة جديدة ( بالتقسيط ) وعاوز منكم تساعدونى فى الاختيارات الاتية بس ارجوكم ما تبخلوش عليا من حيث الكفاءة والتحمل - والصيانة - ورخص قطع الغيار وانتشارها - واى معلومات عندكم اخرى واهم حاجة لما اشتريها زيرو اعمل ايه من اول التليين

والاختيارات المفضلة لى هى :

اولا - شيفورليه لانوس اخر موديل ( وهل فى منها اتوماتيك )

ثانيا - شيفورليه افيو

ثالثا - رينو لوجان اتوماتيك

رابعا - هيونداى فيرنا اتوماتيك

انا فى انتظار ردكم وارائكم ومش ها قرر اشترى الا لما تشوروا عليا
السلام عليكم ورحمة الله وبركاته
والله ولى التوفيق
اخوكم عماد

[Ahmed Nasser]

من راى لوجان بس قطع غيار غالية وتقيلة فى البيع شوية

[abofandy]

انا لو مكانك هجيب حاجة من اتنين

1 - شيفورلية لانوس ( الاختيار الاول )
2 - فيرنا ( الاختيار التانى )


استبعدت الافيو : سعرها بقى مبالغ فية والشكل الجديد مش مقبول اوى زى القديم خصوصا وش العربية بس دى اذواق وتختلف من انسان لاخر وانا شايف ان الافيو بسعرها الجديد دة ماتت

استبعدت الوجن : علشان شكلها من الخلف مرفوع اوى مبالغ فية ومش ثابته على الارض في السرعات علاوة على سعر اعادة البيع مش قدة كدة وكمان قطع غيارها مش متوفره اوى وغالية

دة راى الشخصى ويخصنى انا لو بشترى العربيات المعروضة وواقع في الحيره دة انا فكرت بصوت عالى شوية
علشان محدش يقول لا كلامك غلط او كدة انا بتكلم عن نفسى وتجربتى وتجربه احد الزملاء في بعض السيارت دى
هذا والله اعلى واعلم

[abofandy]

اعتقد موضوع التليين دة مبقاش مشكلة بعد ان السيارات الجديدة تخضع لاختبار pdi
يعنى العربية جهازة للجرى والحرق ياباشا
ومبروك مقدما

[برنس الليالي]

الفيرنا واللوجان منتشرين بشدة ودا دليل على توافر قطع الغيار والله اعلم

بس انا سمعت ان اللوجان فيها وسادة هوائية للأمان

[AhmedNaeem]

منصحش باتوماتيك في العربية دول
لكن لو مانيول يبقي فيرنا او لانوس

[Mostafa Khalil]

انا بقي حنصحك تزود اختيار نيسان صني الشكل القديم

[mohamedxsayed]

اللوجان بقت منتشره وموتورها اعلى
فيها ايمبوليزر و Abs و ايرباج للسائق وارخص من الافيو
اعتقد ان دى 3 حاجات أساسيه مش اختياريه

[hugan]

لوجان اوتو خصوصا لو روماني

[M I D O]

لو من دول بس يبقي فيرنا اوتوماتيك بس ياريت تشوف ال byd اوتوماتيك

[saddam]

صديقي المواطن
قولا واحدا من مقارنتك أعلاه في اﻷوتوماتيك فيرنا وبالتوفيق وإلى اﻷمام ومن نصر إلى نصر
ودمتم للنضال

[gabry832003]

فيرنا....لو حاجة خارج الاختيارات شوف السانديرو و ال بى واى دى

[عماد]

انا لو مكانك هجيب حاجة من اتنين

1 - شيفورلية لانوس ( الاختيار الاول )
2 - فيرنا ( الاختيار التانى )


استبعدت الافيو : سعرها بقى مبالغ فية والشكل الجديد مش مقبول اوى زى القديم خصوصا وش العربية بس دى اذواق وتختلف من انسان لاخر وانا شايف ان الافيو بسعرها الجديد دة ماتت

استبعدت الوجن : علشان شكلها من الخلف مرفوع اوى مبالغ فية ومش ثابته على الارض في السرعات علاوة على سعر اعادة البيع مش قدة كدة وكمان قطع غيارها مش متوفره اوى وغالية

دة راى الشخصى ويخصنى انا لو بشترى العربيات المعروضة وواقع في الحيره دة انا فكرت بصوت عالى شوية
علشان محدش يقول لا كلامك غلط او كدة انا بتكلم عن نفسى وتجربتى وتجربه احد الزملاء في بعض السيارت دى
هذا والله اعلى واعلم

انا بشكرك على المساعدة ورأيك يحترم

[عماد]

اعتقد موضوع التليين دة مبقاش مشكلة بعد ان السيارات الجديدة تخضع لاختبار pdi
يعنى العربية جهازة للجرى والحرق ياباشا
ومبروك مقدما

الله يبارك فيك

[J A G U A R]

فيرنا .. بس لو مانيوال تبقى افضل .