رينو Sandero ولا بريليانس FRV

[checo4lamor]

بسم الله الرحمن الرحيم

بعد طول حيرة مش عارف اشترى ايه حتى كنت بفكر اجيب فيرنا او لانوس لقيت العربيتين الى فى العنوان دول سعرهم اغلى شوية بس احسن من الفيرنا او اللانوس هل كلامى كظبوط ولا ايه فا الحيرة اجددت انى مش عارف اشترى انهى فيهم يعنى ناس تقولى ابعد عن الصينى و ناس تقولى البرلينس دى اتظلمت انها صينى لانها قريبة من عريبات عالية جدا ياريت يا جماعة تدلونى لانى تعبت بجد

[the lawyer]

لو حتجيب السانديرو المانيوال ... ابعد عنها موتور صوته عالي وخشن 90 حصان
البرليانس اعلي في الأمكانيات واحدث من ناحية العفشة والموتور والفتيس بس عيوبها اعادة البيع واقع شوية ، واكيد الإعتمادية حتبقي اقل من السانديرو .
نصحية اعلي شوية وهات البيجو 301 مش حتندم

[saddam]

صديقي المواطن
قولا واحدا البريليانس أفضل من سانديرو بمرتين وقد ظلمت البريليانس بحشرها في مقارنة مع سانديرو الفقيرة ولسه شايفها بتشحت كماليات من أول الشارع كمان من شدة فقرها وبالتوفيق وإلى اﻷمام ومن نصر إلى نصر
ودمتم للنضال

[2CODE]

رينو سانديرو مين ياعم دا انا ركبتها كنت هعيط ههههههههههههههههه

مش عارف البريليانس بس صيني ومقدرش افيدك فيها

[M I D O]

البرليانس جميلة جدا بس عيبها قطع الغيار غالية شوية و السانديرو برضو قطع غيارها غالية عشان كدة البرليانس افضل

[J A G U A R]

الفيرنا افضل من السانديرو والبرليانس كرأى ...

[checo4lamor]

الف شكر يا رجالة يارين اراء كمان من حد يكون ركب اى عربية فى الاتنين كمان انا عاوز اعرف انهى متور فيهم اقوى و انا يا جماعة ناوى اشتريها قسط و هركبها 6 سنين بكتير بازن الله و هبعها بعد كده هل هلحق اغير فيها قطع غيار كتير فى الفترة دى

[checo4lamor]

الفيرنا افضل من السانديرو والبرليانس كرأى ...

باشا هى الفيرنا كسرعة و اداء جميلة ولكن مفيش ثبات خالص و تانى حاجة الموتور ضعيف جدا و دى حاجة انا لحظتها فى الكورى ان ديما متوره بيبقا ضهيف يعنى اقرص عليه شوية ولا سقط ولا احرق على النقلة هتلقيه فتح بوقه بسرعة

[J A G U A R]

باشا هى الفيرنا كسرعة و اداء جميلة ولكن مفيش ثبات خالص و تانى حاجة الموتور ضعيف جدا و دى حاجة انا لحظتها فى الكورى ان ديما متوره بيبقا ضهيف يعنى اقرص عليه شوية ولا سقط ولا احرق على النقلة هتلقيه فتح بوقه بسرعة

انا معاك ان ثباتها بعد ال 120 فى الضياع ... انما موتورها ضعيف جدا دى راجع نفسك فيها ههههههههه

[checo4lamor]

انا معاك ان ثباتها بعد ال 120 فى الضياع ... انما موتورها ضعيف جدا دى راجع نفسك فيها ههههههههه

لا يا باشا انا متاكد ان موتورها ضعيف بس انت فاهمنى انا قصدى ضعيف من حيث ايه انه ميستحملش شقى و بهدلة و جرى و حرق هو موتور سريع و زى الفل و يجرى تمام بس لو قرصت عليه اتغبيت عليه ممكن يفوت وش معاك و من اول مرة كده انا معايا ناس صحابى معاهم فيرنا هما بيحبوها جدا لان العربية بتطلع من اى حد بس اشتكو منها لانهم فكو وش السلندر مرتين و ودوه المخرطة و واحد منهم المكنة هتفك و تعمر قريب و مبقلهاش 3 سنين معاه مع انهم لا بيخمسو ولا بيعمله حاجة غبية اخرهم يجرو و يحرقو على الغيار بس

[J A G U A R]

لا يا باشا انا متاكد ان موتورها ضعيف بس انت فاهمنى انا قصدى ضعيف من حيث ايه انه ميستحملش شقى و بهدلة و جرى و حرق هو موتور سريع و زى الفل و يجرى تمام بس لو قرصت عليه اتغبيت عليه ممكن يفوت وش معاك و من اول مرة كده انا معايا ناس صحابى معاهم فيرنا هما بيحبوها جدا لان العربية بتطلع من اى حد بس اشتكو منها لانهم فكو وش السلندر مرتين و ودوه المخرطة و واحد منهم المكنة هتفك و تعمر قريب و مبقلهاش 3 سنين معاه مع انهم لا بيخمسو ولا بيعمله حاجة غبية اخرهم يجرو و يحرقو على الغيار بس

اذا كان كده ماشى ... انا افتكرت قصدك ضعيف فى الجرى والسحب والعزم .

[checo4lamor]

اذا كان كده ماشى ... انا افتكرت قصدك ضعيف فى الجرى والسحب والعزم .

لا خالص يا باشا دى عربية بنت كلب جواها عفريت ده الهوندا كانت بتطلع منها بالعفية

[J A G U A R]

لا خالص يا باشا دى عربية بنت كلب جواها عفريت ده الهوندا كانت بتطلع منها بالعفية

ههههههههههه .. فعلا هيا عربيه تسحب وتشد جنب اتخن عربيه .

[M_SALLAM]

انا لو مكانت اترى افيو او ازود و اجيب بيجو 301

[checo4lamor]

انا لو مكانت اترى افيو او ازود و اجيب بيجو 301

يا باشا الافيو شكلها مش عاطفى خالص و ال 301 غالية ده الفرق اكتر من 20 الف جنيه و دول مش قليلين بالنسبالى انا بكلمك فى عربية ب 83000 مش ب 108000 هى دى المشكلة انا عاوز حاجة فى الرنج بتاعى و هما دول العربيتين الى فى الرنج بتاعى و اماكنيتهم حلوة