بيجو 301 ولا نيسان صني الشكل الجديد

[amr_shaaban]

ايه رايكم؟

[Ahmedshalaby]

بيجو ٣٠١
بغض النظر عن المشاكل اللي ظهرت في الشكل الجديد من نيسان صني الا اني شايف ان ال ٣٠١ افضل منها بكتيير
كفاية الخامات اللي متصنع منها العربيتين بالاضافة الى التقفيل
دا طبعا غير عفشة الصني اللي الكل عارف انها ناشفة جدا
انا والدي معاه الشكل القديم ٢٠١١ و بصراحة شايف ال ٣٠١ سابقاها بمراحل

[modysasazin]

السلام عليكم
اناكنت في نفس حيرة حضرتك
بس الحمدلله ربنا كرمني وجبت البيجو 301
وماشاءالله العربية اكثر من رائعه وبحمد ربنا على الاختيار دا
ومن وجهة نظري البيجو
احسن من ناحية جودة الخامات والثبات والشكل والفرامل
بالنسبة لقطع الغيار العربيتين اسعارهم متقاربة
نيسان تتفوق في قيمة العربية عند البيع
وعلى اللي انا شايفه من انتشار البيجو وزيادة الطلب عليها
العربيه دي هتنتشر وهتمسك تمن كويس عند البيع
توكل على الله واستخير واشتري البيجو
ونصيحة من اخ ان شاء الله مش هتندم
وبتمنالك ربنا يوفقك للي فيه الخير

[Silent~Dream]

موتور - فرامل- تقفيل- شياكه - شكل ( اذواق )- امان - value for money - بيجو 301 تكسب و بفرق كبير عن النيو صنى

[Ahmedshalaby]

انا بصراحة انطباعي الاول عن العربية انها ما شاء الله تتفوق على كل قريناتها
و لكن من الكام كيلو اللي مشيتهم بيها ليا تعليق بسيط مش عارف باقي الاعضاء يوافقوني فيه ولا لأ
حاسس وانا راكبها على سرعات اكتر من ٩٠ بصوت الهوا في الشباك اللي جنبي
كأنو موارب بالرغم انه محكم الغلق
مش عارف الصوت دا معناه ان العزل مش قوي ولا ايه
دي الملاحظة الوحيدة ليا

[amrelsaqqa]

انا بصراحة انطباعي الاول عن العربية انها ما شاء الله تتفوق على كل قريناتها
و لكن من الكام كيلو اللي مشيتهم بيها ليا تعليق بسيط مش عارف باقي الاعضاء يوافقوني فيه ولا لأ
حاسس وانا راكبها على سرعات اكتر من ٩٠ بصوت الهوا في الشباك اللي جنبي
كأنو موارب بالرغم انه محكم الغلق
مش عارف الصوت دا معناه ان العزل مش قوي ولا ايه
دي الملاحظة الوحيدة ليا

بيظهر عندى بردو وبحس انه جاى من ناحية الباب اللى ورا يمين من برة
هو مش صوت هوا هوا ، هو صوت ونة هوا من برة ، مش كأن الباب موارب ، مش عارف اوصفه بالظبط بس انا في صيانة 2500 هسألهم عليه ان شاء الله وان شاء الله يبقى في حل للموضوع ده
وعلى فكرة الصوت ده بيروح تقريبا بعد سرعة معينة ! يعنى بيظهر مثلا من 80-115 ، بس مش متأكد اوى لانى دققت في الموضوع ده مرة واحدة بس

[Ahmedshalaby]

اصل احنا كمان عشان في اسكندرية المشي على البحر بيبقى تيار هوا عالي جدا
الله اعلم
بس واحد صاحبي معاه صني ٢٠٠٩ قاللي عادي الصوت دا مش قضية
و قاللي كمان لو نضفت الجلدة بتاعت الشباك كويس قوي من الاتربة باي سبراي تنضيف هيقل الصوت دا جامد
هاجرب و نشوف

[hugan]

بيجو
كفايه انه مستورد بالكامل
لو في فرصه لعدم شراء اي منتج متجمع في مصر
ممكن النيسان لو كانت تقفيل الهند

[mahmed0100]

انا سمعت عن موضوع الهوا ده و ان واحد قالوا ليه حنغيرلك جلد الابواب ):
ربنا يستر

[amrelsaqqa]

انا سمعت عن موضوع الهوا ده و ان واحد قالوا ليه حنغيرلك جلد الابواب ):
ربنا يستر

ياريت يكون ده حل المشكلة ( اللى هى مش مشكلة اوى اصلا )
بصراحة التوكيل احلى حاجة فيه انه بيتجاوب مع الناس ، مش بينفض ، ربنا يستر ويفضل كدة ، وانا هشوفهم هيعملوا معايا في صيانة 2500 لما اقوللهم

[age]

بيجو طبعا

[mahmed0100]

ياريت يكون ده حل المشكلة ( اللى هى مش مشكلة اوى اصلا )
بصراحة التوكيل احلى حاجة فيه انه بيتجاوب مع الناس ، مش بينفض ، ربنا يستر ويفضل كدة ، وانا هشوفهم هيعملوا معايا في صيانة 2500 لما اقوللهم

اللى انا بتكلم عنه ده معاه العربيه مانيوال بردو .. بص هو طول ما انت مش حاسس بدخول هوا .. فمسأله الصوت دى قابله للحل إن شاء الله بس يا رب ميكونش عيب فى التصميم .

[m.basha]

انا بصراحة انطباعي الاول عن العربية انها ما شاء الله تتفوق على كل قريناتها
و لكن من الكام كيلو اللي مشيتهم بيها ليا تعليق بسيط مش عارف باقي الاعضاء يوافقوني فيه ولا لأ
حاسس وانا راكبها على سرعات اكتر من ٩٠ بصوت الهوا في الشباك اللي جنبي
كأنو موارب بالرغم انه محكم الغلق
مش عارف الصوت دا معناه ان العزل مش قوي ولا ايه
دي الملاحظة الوحيدة ليا

بص يا احمد انا سالت زميلى اللى فى القاهرة اللى معاه العربية و عامل بيها حوالى 15000 كيلو لحد دلوقتى مش بيحس بالصوت الهوا ده اللى انت بتقول عليه هو بيقولى بعد 140 صوت الموتور بيعلى شويه و بيحس بصوت الهوا بالداخل بس مش لدرجة الازعاج يعنى بيقولى لحد 160 او 170 لو مشغل الكاسيت مش بسمع الصوت اوى يعنى قصدى الصوت مش مزعج يعنى من الاخر زى اى عربيه فى رينج الفلوس ده بل بالعكس افضل من الكورى كمان بس صوت الهوا اللى انت سامعة من الخلف مش عارف هو مش بيحس بيه

[S.Hasan]

متابع