نيسان صني الشكل الجديد ولا بيجو 301؟

[amr_shaaban]

أيه رأيكم؟

[grumby78]

شوف ياسيدي خلينا نكون موضوعيين
الاثنين يصنفوا city car وثبات الصني لل 140 كويس . انا مجربتش البيجو لكن من اراء ملاكها حاسس ان الثبات افضل في البيجو .
الارتفاع عن الارض في صالح الصني . الوسع في صالح الصني . اعادة البيع في صالح الصني - الفرنساوي مازال بيقلق الناس - خصوصا لو بتغير غلى فترات متقاربه . التوكيل في صالح الصني . التقفيل في صالح البيجو . جودة الكاوتش في صالح البيجو ولو ان دي مش نقطه مهمه لانك ممكن تغيره . النيسان صني اكثر انتشار . الاعتماديه في رأيي الخاص جدا نيسان افضل من بيجو او اي فرنساوي .
اخيرا قرار الشراء هو ارتياح شخصي ودراسه ولكن انا عن نفسي وبدون دخول في مهاترات من اي نوع لايمكن اشتري حاجه من بيجو ولو كانت ارخص من النيسان فمابالك وهي اغلى ! السبب اني مش عاوز توكيل يدايقني او قطع غيار اتفاجيء باسعارها وانا شاري عربيه اقتصاديه اصلا .. او لما اجي ابيع اقعد مده طويله عشان اسمع سعر مرضي واسمع الجمله المكرره جدا من اي حد بيشتري " دي عربيه فرنساوي وقطع غيارها غاليه " طلبا لنزول السعر .. دمت بصحه

[Mohamedarazak]

ال 301 حتى الان زى البطيخة يعنى لو هتجبها انت و حظك.
و النيو صنى الناس اللى جبتها بتلعن و تسب فيها.
نصيحتى شوف اختيار تانى

[M I D O]

بيجو 301 طبعا

[M I D O]

ال 301 حتى الان زى البطيخة يعنى لو هتجبها انت و حظك.
و النيو صنى الناس اللى جبتها بتلعن و تسب فيها.
نصيحتى شوف اختيار تانى

زي البطيخة ازاي يعني يا باشا و العربية محققة مبيعات عالية جدااااااااااا ووقفت سوق عربيات كتير

[medo-312]

ال 301 حتى الان زى البطيخة يعنى لو هتجبها انت و حظك.
و النيو صنى الناس اللى جبتها بتلعن و تسب فيها.
نصيحتى شوف اختيار تانى

والله اللى بيلعن ويسب فيها 90% منهم ماركبهاش اصلا والباقى بعضهم من ملاك الصنى القديمة وبعضهم متطوعين للشتيمة فى العربية كده لله فى لله .. ملاك العربية وانا منهم بنحمد ربنا عليها وربنا يديمها نعمة وعلى فكرة البيجو والصنى الأتنين حلوين وشوف انت اللى يريحك وسيبك من كلام الناس

http://www.nilemotors.net/Nile/3875252202-post58.html

[saddam]

صديقي المواطن
لا تحتار ولا تقلق فالموضوع بسيط وأنت من ستختار

كسيارة وكمنظر وكبرستيج البيجو قولا واحدا أفضل
كسيارة إنتشارا وإعادة بيع وقطع غيار فقولا واحدا صني

ولكن البيجو 301 في توسع ولا يعلم إلا الله أين ستصل فقد تصل قرب ما حققته السيراتو عام 2009 من توسع وإنتشار فالناس مقتنعة بها وهي أرخص الجيد المتاح ومنظرها مقنع وإسم عريق أما النيسان صني فمعتمد على سمعته ولا تقلق اﻷقاليم إتملت نيسان الشكل الجديد وستظل ناجحة وستستمر أيضا في التوسع واﻹنتشار لغلاء السيارات المنافسة كسيراتو وإلانترا وكورولا ولكن من حيث.المنظر ومن حيث اﻷداء والهيبة وشد إنتباه الناس فالبيجو 301 تكسب

وإنت الحكم منظر وركوب
ولا بيع وتقضيلك المشوار وخلاص

وبالتوفيق وإلى اﻷمام ومن نصر إلى نصر
ودمتم للنضال

[M7md86]

لانسر بومه احسن من الصني و ال ٣٠١ و ربنا يوفقك في الشراء

[edodahab]

لو تقدر تزود شوية هات لانسر
لو متقدرش خليك فى الصنى

[J A G U A R]

بيجو 301

[Maghraby1987]

301

[د.عماد صلاح]

بيجو 301 و العربيه مش زي البطيخه ..في ناس معديه بيها 20 الف

[J A G U A R]

دى عربيه اسد مش بتاعه بطيخ ..................

[grumby78]

زي البطيخة ازاي يعني يا باشا و العربية محققة مبيعات عالية جدااااااااااا ووقفت سوق عربيات كتير

ايوه يعني كام المبيعات اللي حققتها ؟ وايه هيا العربيات التلي اتوقف سوقها بعد اذنك ؟
وهل المبيعات دليل النجاح ؟

[edodahab]

لو العربية دى عملت مبيعات عالية جدا و وقفت سوق عربيات تانية يبقى الصنى الجديدة محدش بيشترى غيرها