سيراتو ولا استرا ؟

[m9501]

يا جماعة انا محتار جدا و مش عارف اعمل ايه و محدش يقول بتقارن بين كوري و الماني ازاي.
انا محتار بين استرا 2013 و سيراتو 2014. الاسترا ب 187.5 , و السيراتو SX ب 180 تقريبا.
بس انا خايف من الاسترا عشان الرعشة و الكركرة و تعليقات الاعضاء في قسم اوبل مش بتوضح الكركرة و الرعشة بتروح بعد رفع الrpm ولا لا.
عشان انا مش عاوز اتدبس في عربية فيها مشاكل لان العربية هتعيش معايا اكثر من 6 سنين ان شاء الله.
و عندي كمان سؤال الاثنين جنط 17 معني كده كاوتش الاسترا مش هيكمل كتير و هيعمل زي بتاع السيراتو ولا ايه ؟

و لو المقارنة بين الاسترا و سيراتو ex fo اختار ايه ؟

انا من زهقي احتمال اكبر دماغي و اشتري rio و اخلص.

[M I D O]

استرا طبعا يا باشا هوة الالماني يتساب برضو و الافضل من ال 2 الكورولا الجديدة بصراحة وهههههههههم

[blazer]

الفئه دى محيره جدا
قدامك كمان فلوانس و كرولا و امبريزا :d
خلى بالك ان لو مهم ليك اعاده البيع هتلاقى ان لسيراتو هى الوحيده و بعدها الكرولا الى ماسكين سعر

[devil_storm]

انا شايف سيراتو sx افضلهم ثما فلوينس ثما استرا

معلوماتى ان الاسترا فئة اقل منهم هما الاتنين و هى فئة الريو مش السيراتو و الفلوينس و مفروض تتقارن بالريو و سعتها نقول الالمانى يكسب!!!

[J A G U A R]

طالما مش هاتبيع يبقى خليك مع الاسترا

[medo111]

الاسترا متجربه ومشاكلها تكاد تكون معدومه السيراتو لسه شويه بس طالما هتقعد معاك فتره يبقي خليك في الاسترا طبعا وعموما الاسترا منتشره بشكل ملحوظ في القاهره غير باقي المحافاظات وانتشرت اكتر من الاسترا الشكل القديم والفيكترا سي

انا شايف سيراتو sx افضلهم ثما فلوينس ثما استرا

معلوماتى ان الاسترا فئة اقل منهم هما الاتنين و هى فئة الريو مش السيراتو و الفلوينس و مفروض تتقارن بالريو و سعتها نقول الالمانى يكسب!!!

لا اسمحلي معلوماتك غلط جدا الاسترا فئه الجيتا والهوندا سيفك والجولف لو هنتكلم صح بتتقارن كدا اركب الاسترا القديمه مثلا بلاش الجديده واركب السيراتو هتعرف الفرق حتي لو انت قاعد جمب السواق

[m9501]

استرا طبعا يا باشا هوة الالماني يتساب برضو و الافضل من ال 2 الكورولا الجديدة بصراحة وهههههههههم

تمااام بس انا خايف من الرعشة و الرجة في الزحمة
و بالنسبالي الكورولا عربية بتاعت عواجيز D:

الفئه دى محيره جدا
قدامك كمان فلوانس و كرولا و امبريزا :d
خلى بالك ان لو مهم ليك اعاده البيع هتلاقى ان لسيراتو هى الوحيده و بعدها الكرولا الى ماسكين سعر

الفلوانس شايف انها عربية بتاعت ناس كبيرة شوية و مش هتنفعني كطالب زي الكورولا بالظبط
و الامبريزا مش عجباني من بره

انا شايف سيراتو sx افضلهم ثما فلوينس ثما استرا

معلوماتى ان الاسترا فئة اقل منهم هما الاتنين و هى فئة الريو مش السيراتو و الفلوينس و مفروض تتقارن بالريو و سعتها نقول الالمانى يكسب!!!

فئة اقل ازاي ؟ يمكن تقصد الcorsa مش الاسترا الجديدة مستحيل تكون الاسترا فئة الريو معني كلامك ان الاسترا كده تتقارن بال تيدا و الكورسا و باقي الشلة

طالما مش هاتبيع يبقى خليك مع الاسترا

انا فكرت كده فعلا و خلاص هتوكل عي الله

الاسترا متجربه ومشاكلها تكاد تكون معدومه السيراتو لسه شويه بس طالما هتقعد معاك فتره يبقي خليك في الاسترا طبعا وعموما الاسترا منتشره بشكل ملحوظ في القاهره غير باقي المحافاظات وانتشرت اكتر من الاسترا الشكل القديم والفيكترا سي

فعلا انا بشوف اكتر من 10 عربيات استرا في اليوم تقريبا مش زي الشكل القديم خالص
المشكلة الوحيدة المخوفاني الرعشة و الرجة في الزحمة.


انا خلاص هخلص في الاسترا بكرة ان شاء الله

[M I D O]

انا شايف سيراتو sx افضلهم ثما فلوينس ثما استرا

معلوماتى ان الاسترا فئة اقل منهم هما الاتنين و هى فئة الريو مش السيراتو و الفلوينس و مفروض تتقارن بالريو و سعتها نقول الالمانى يكسب!!!

ازاي يا باشا الكلام دة بقي الاسترا تتقارن بالريو طب ازاي

[M I D O]

تمااام بس انا خايف من الرعشة و الرجة في الزحمة
و بالنسبالي الكورولا عربية بتاعت عواجيز d:

لالا خالص يا باشا شوف كدة الكورولا الجديدة عاملة ازاي شكلها خطير و الاوبشن فيها عالي جدااااااااااااا

[devil_storm]

انا اسف يا جماعه ... انا طلعت غلطان و الاوبل استرا طلعت compact مش subcompact ذي ما كنت فاكر ... يعني هي فعلا فئة الفلوينس و السيراتو !!! بس كده الفيكترا لما كانت بتنزل كانت انهي فئه؟؟ midsize؟؟؟

ولا هي بقت بتنزل مكان الفيكترا ؟؟

[devil_storm]

انا طلعت صح و غلط في نفس الوقت :) هي فعلا الاسترا و الفوكس فئه اقل من فئه الالنترا و السيراتو من ناحيه المساحه الداخليه و الوسع interior volume فقط
الاسترا و الفوكس فئه compact كار
الالنترا و السيراتو فئه mid size كار بس بينافسوا في فئه ال compact
يعني الالنترا و السيراتو فعلا فئه اكبر من فئه الاسترا و الفوكس بس بينافسوا معاهم في فئه ال compact

معلومه كمان الالنترا اوسع من عربيات mid size ذي النيسان ماكسيما و الباسات س س يعني تقدر تنافس في mid size لكن هما بينافسوا مع الفئه compact علشان عندهم عربيات mid size افضل تنافس في الفئه دي ذي السوناتا و الاوبتيما

بصراحه دي نقطه مهمه جدا في المقارنه لانك بالسيراتو و الوسع اللي فيها تعتبر واخد عربيه فئه اكبر من ناحيه interior volume

[K.Ossama]

انا طلعت صح و غلط في نفس الوقت :) هي فعلا الاسترا و الفوكس فئه اقل من فئه الالنترا و السيراتو من ناحيه المساحه الداخليه و الوسع interior volume فقط
الاسترا و الفوكس فئه compact كار
الالنترا و السيراتو فئه mid size كار بس بينافسوا في فئه ال compact
يعني الالنترا و السيراتو فعلا فئه اكبر من فئه الاسترا و الفوكس بس بينافسوا معاهم في فئه ال compact

معلومه كمان الالنترا اوسع من عربيات mid size ذي النيسان ماكسيما و الباسات س س يعني تقدر تنافس في mid size لكن هما بينافسوا مع الفئه compact علشان عندهم عربيات mid size افضل تنافس في الفئه دي ذي السوناتا و الاوبتيما

بصراحه دي نقطه مهمه جدا في المقارنه لانك بالسيراتو و الوسع اللي فيها تعتبر واخد عربيه فئه اكبر من ناحيه interior volume

السيراتو و الإلنترا تبع الcompact زى الأسترا والفوكس والفلوينس.
الباسات والاوبتيما والسوناتا تبع الmid size
اما الماكسيما فدى تبع الfull size

[devil_storm]

السيراتو و الإلنترا تبع الcompact زى الأسترا والفوكس والفلوينس.
الباسات والاوبتيما والسوناتا تبع الmid size
اما الماكسيما فدى تبع الfull size

يا باشا انا متاكد من كلامي تماما و اقرا كلامي تانى

EPA rates elantra and cerato as a midsize.
they are midsize.

By interior room, Elantra is mid-sized. By exterior dimensions, it's a compact. Hyundai actually markets it as a compact, based on their ads touting "most interior room in its class." If its "class" were mid-sized sedans, it wouldn't have the most interior room in that class. So the class Hyundai is aiming the Elantra at is the compact sedan class, e.g. the Corollas, Civics, Foci, and Cobalts of the world. That's smart I think because the Elantra has a huge (no pun intended) advantage in that class in interior room, and compared to most cars in the class in safety features. Moving up to the mid-sized class, the only advantages the Elantra has are price and fuel economy. It's literally out-classed by other mid-sizers in power, room (by most cars in the class), comfort, and safety features.

[K.Ossama]

يا باشا انا متاكد من كلامي تماما و اقرا كلامي تانى

EPA rates elantra and cerato as a midsize.
they are midsize.

By interior room, Elantra is mid-sized. By exterior dimensions, it's a compact. Hyundai actually markets it as a compact, based on their ads touting "most interior room in its class." If its "class" were mid-sized sedans, it wouldn't have the most interior room in that class. So the class Hyundai is aiming the Elantra at is the compact sedan class, e.g. the Corollas, Civics, Foci, and Cobalts of the world. That's smart I think because the Elantra has a huge (no pun intended) advantage in that class in interior room, and compared to most cars in the class in safety features. Moving up to the mid-sized class, the only advantages the Elantra has are price and fuel economy. It's literally out-classed by other mid-sizers in power, room (by most cars in the class), comfort, and safety features.

لا يا فندم الكلام بتاع EPA ده خاص بأمريكا اللى هى دايماً لازم تكون مختلفة وخلاص عن باقية العالم.
لكن التصنيف الدولى والأوروبي زى ما أنا كنت كاتب فى المشاركة السابقة.

وعلى فكرة موقع هيونداي أمريكا هما نفسهم كاتبين على الإلنترا إنها compact بس "الاوسع فى فئتها" فتنافس الmid size ده موقع امريكا برضو لكن مواقع الشركة فى دول أخرى الإلنترا تبع فئة الcompact

تحياتى

[devil_storm]

لا يا فندم الكلام بتاع EPA ده خاص بأمريكا اللى هى دايماً لازم تكون مختلفة وخلاص عن باقية العالم.
لكن التصنيف الدولى والأوروبي زى ما أنا كنت كاتب فى المشاركة السابقة.

وعلى فكرة موقع هيونداي أمريكا هما نفسهم كاتبين على الإلنترا إنها compact بس "الاوسع فى فئتها" فتنافس الmid size ده موقع امريكا برضو لكن مواقع الشركة فى دول أخرى الإلنترا تبع فئة الcompact

تحياتى

يا افندم حضرتك مصر متقراش كلامي كويس!!! يا فندم اقرا تاني بالراحه انا كاتب ايه و متخدش حته من الكلام و تسيب الباقي!!!
انا مقلتش الالنترا بتنافس في فئه ال midsize و انها نفس فئه الكامري و الاكورد !!! انا قايل انها بتنافس في فئه الكومبكت مع الكرولا و الفوكس و الاسترا و السيفيك و .... !! و قايل ان هيونداي منزلها علي انها compact وقلت كلام تاني مش حعيده للمره التالته و ممكن حضرتك تتعب شويه و تقراه تاني