لانسر الشكل القديم..سيراتو..جين2..!!! أفيدونا أفادكم الله

[princemady]

يا جماعة أنا عايز أشترى عربية مانيوال ومعايا حوالى 90000 ألف واحترت على صفحات المنتدى بين تفضيلات الأعضاء لحد ما استقريت على إنى أجيب يا إما سيراتو أو جين2 بس كتير من زمايلى بينصحونى باللانسر على أساس إن اليابانى يوكل
خلاصة القول عايز مساعدتكم مع الأخذ فى الاعتبار إن أولوياتى فى العربية وإمكانياتها كالتالى :
1- الثبات والاتزان على الطرق السريعة
2- نعومة العفشة والتقليل من الشعور بنتوءات الطريق
3- الاتساع الداخلى (طولى 190 سم واخواتى شبهى كده)
4- النعومة والهدوء فى صوت السيارة
5- تكون كراسيها مريحة خصوصاً للقيادة ذات المسافات الطويلة
6- التوفير على قدر المستطاع فى استهلاك البنزين
7- رخص قطع الغيار وتداولها
8- توكيل محترم فى التعامل والصيانة
9- وأهم الكماليات عندى التكييف والباور وزجاج كهربا وسنتر لوك ويا سلام لو كاسيت mp3 cd

لا أهتم بموضوع الإيرباج وفرامل ال ebs بقوة
مع العلم أيضاً أنى لا أهتم مطلقاً بموضوع إعادة البيع لأنى بشترى عربية للزمن

[fahd_628]

انا رأى الانترا لأنها فيها تقريبا كل الى انت بتقولة ما عدا التوكيل بس الحاجات حتلاقيها متوفرة برة

[Hosam_Optrawy]

السلام عليكم
اولا انت بتقول فى حدود 90 الف واللانسر اغلى من كدا بكتير ال 1600 مانيوال ب 102
فانت عندك زى ما انت قلت السيراتو والجين 2 وزود عليهم الاوبترا
والتلاته فيهم اغلب الحاجات اللى انت عايزها وزى بعض فى حاجات كتير
بس فى موضوع الاتساع والمساحه الداخليه الاوبترا تتفوق عالاتنين
رخص قطع الغيار وتوافرها الاوبترا
والتوكيل برضه محترم جدا

[amir]

اللي انت بتطلبه مش متوفر غير في لانسر 1300 باستثناء الثبات الوهمي بتاع الجين

[MoDyBeNz2008]

1- الثبات والاتزان على الطرق السريعة:جين 2
2- نعومة العفشة والتقليل من الشعور بنتوءات الطريق:سيراتو
3- الاتساع الداخلى (طولى 190 سم واخواتى شبهى كده):لانسر
4- النعومة والهدوء فى صوت السيارة:سيراتو
5- تكون كراسيها مريحة خصوصاً للقيادة ذات المسافات الطويلة:جين2 - لانسر
6- التوفير على قدر المستطاع فى استهلاك البنزين:جين2
7- رخص قطع الغيار وتداولها:لانسر
8- توكيل محترم فى التعامل والصيانة:لانسر-سراتو
9- وأهم الكماليات عندى التكييف والباور وزجاج كهربا وسنتر لوك ويا سلام لو كاسيت mp3 cd:لانسر-جين2-سيراتو

[tutankhamoun]

خلاصة القول عايز مساعدتكم مع الأخذ فى الاعتبار إن أولوياتى فى العربية وإمكانياتها كالتالى :
الثبات والاتزان على الطرق السريعة

الجين 2 أثبتهم و اكثرهم أتزانا
و إن كان السيراتو و اللانسر ثابتين برضه

نعومة العفشة والتقليل من الشعور بنتوءات الطريق
الاتساع الداخلى (طولى 190 سم واخواتى شبهى كده)

السيراتو أعتقد عفشتها الأنعم

النعومة والهدوء فى صوت السيارة

سيراتو
و الجين2 صوتها صوت سيارات السباق فبالتالي الشرط ده مش متوفر في الجين 2 و اللانسر برضه صوتها عالي

تكون كراسيها مريحة خصوصاً للقيادة ذات المسافات الطويلة
الجين 2 مريحة بس مجربتش السيراتو أو اللانسر لمدة طويلة
التوفير على قدر المستطاع فى استهلاك البنزين

الجين 2

رخص قطع الغيار وتداولها

لانسر بدون منازع

توكيل محترم فى التعامل والصيانة

لانسر ثم جين 2 و سيراتو

- وأهم الكماليات عندى التكييف والباور وزجاج كهربا وسنتر لوك ويا سلام لو كاسيت mp3 cd

الجين 2

لا أهتم بموضوع الإيرباج وفرامل ال ebs بقوة

مش عارف حضرتكم مش مهتم بعوامل الأمان ليه ؟؟؟؟


عموما الأكثر مناسبا للسعر المحدد بين الثلاثة سيارات هي السيراتو و الجين 2
بس الجين 2 الأوتوماتيك لأن المانوال بتاعها ب 85 ألف

و اللانسر ......... يبقى 1300 مش 1600

و برضه فيه عربيات حلوة تانية ممكن تدخل في المنافسة
و لو عايز أقتراحات ........ تحت أمرك
أما لو مكتفي بالثلاثة سيارت فقط .... يبقى ربنا يوفقك في واحدة منهم كويسة إن شاء الله
خصوصا إن الثلاثة كويسين

[princemady]

لا أهتم بموضوع الإيرباج وفرامل ال ebs بقوة

مش عارف حضرتكم مش مهتم بعوامل الأمان ليه ؟؟؟؟

أشكر الجميع على ردودهم الجميلة والصادقة وأشكرك بالأخص أستاذ توت
أما بالنسبة لعدم اهتمامى بعوامل الأمان المذكورة فلأنى ورغم إنى غاوى جرى إنما هو جرى فى المعقول ما يزيدش عن 90 جوه المدينة (طبعاً والبلد فاضية) وممكن 120 - 140 بالكتير قوى على الطرق الصحراوية وأعتقد فى نفسى ميزة أتمنى تكون حقيقية وهى التوقع الدائم لأخطاء الغير

أنا بقالى 14 سنة راكب سوبر فيورا وكنت باتعامل على فترات مع عربية والدى ستروين إكسارا 2001 الحمد لله معملتش حادثة ممكن نقول عليها حادثة

[princemady]

و برضه فيه عربيات حلوة تانية ممكن تدخل في المنافسة
و لو عايز أقتراحات ........ تحت أمرك

يا فندم بالتأكيد يشرفنى إهتمامك ويهمنى جداً اقتراحاتك
طبعاً حضرتك عارف أهم ما يهمنى الثبات والنعومة على الطريق ثم باقى العوامل السابق ذكرها وحاكون سعيد جداً بآرائك القيمة

[princemady]

السلام عليكم
اولا انت بتقول فى حدود 90 الف واللانسر اغلى من كدا بكتير ال 1600 مانيوال ب 102
فانت عندك زى ما انت قلت السيراتو والجين 2 وزود عليهم الاوبترا
والتلاته فيهم اغلب الحاجات اللى انت عايزها وزى بعض فى حاجات كتير
بس فى موضوع الاتساع والمساحه الداخليه الاوبترا تتفوق عالاتنين
رخص قطع الغيار وتوافرها الاوبترا
والتوكيل برضه محترم جدا

اللى أعرفه إن اللانسر المانيوال 1600 ب99000 وممكن عندنا فى الجيش تكون أقل من كده لأن اللانسر الأتوماتيك 1600 نازلة عندنا ب97000 يعنى أقل من سعرها فى السوق ب8000 جنيه
بالنسبة للأوبترا سمعت إن عفشتها ناشفة ومعرفش حاجة عن اتزانها

[princemady]

اللي انت بتطلبه مش متوفر غير في لانسر 1300 باستثناء الثبات الوهمي بتاع الجين

ما هو الثبات ده أهم متطلباتى أستاذ أمير

[princemady]

انا رأى الانترا لأنها فيها تقريبا كل الى انت بتقولة ما عدا التوكيل بس الحاجات حتلاقيها متوفرة برة

طبعاً الإلنترا هى حلم حياتى بس تمنها عالى قوى .. ياريت ربنا يكتبلنا نشتريها
أشكرك أستاذ فهد على مشاركتك
كمان أشكر أستاذ مودى على العرض المتميز

[amir]

ما هو الثبات ده أهم متطلباتى أستاذ أمير

انا مقولتش ان اللانسر ريشه في هوا, زي ما الاخ توت قالك التلاته ثابتين بس اكترهم ثبات الجين 2 , بص راجع كتابات توت عن الجين المانيوال بتاعته في قسم البروتون هتلاقي توصيف دقيق و كأنك سايقها, و ممكن تركب دي و تركب دي و تشوف انهي عاجباك اكتر
علي فكره انا سقت اللانسر 1600 كتير و معايا حاليا صني و سقت الجين برده
من نواحي الثبات جين ثم صني ثم لانسر

[Hosam_Optrawy]

اللانسر المانيوال 2009 بقت ب 102
بس اكيد لسه فيه 2008 فى السوق عند التجار بس معرفش هايبيعوها بسعرها الرسمى اللى كان 99 الف ولا هايستغلو ويغلو

[MoDyBeNz2008]

شكر أستاذ مودى على العرض المتميز

العفو لا شكر على واجب

[حماده المصري]

سيراتو عفشتها احسن من لانسر وجين

واكتر ثبات من لانسر واعتقد اقل من الجين بقليل