افضل سيارة هاتشباك على الاطلاق

[abo sandy]

لو تزود شوية تجيب اوريس تحفة فنية

جميلة العربية دى بس فيها مشكلة
والمشكلة دى بتقابلنى فى معظم العربيات الهاتشباك
ان خلفيتها مش حلوة تحس انها نازلة مرة واحدة كده

انا بعش الهاتشباك الى بتبقى منفوخة كده من خلفيتها وتبقى نازلة كده بكرف

وللاسف المشكلة دى موجوده فى معظم العربيات الهاتشباك

[abo sandy]

فى المطلق افضل هاتش باك هيا الجولف

لكن فى المبلغ ده يبقى عليك و على البيجو 208 رائعه فنية

جميلة العربية بس كنزة شوية
وفيها برده نفس المشكلة الى فى اوريوس
ان شنطتها مش حلوة

[abo sandy]

150 الف تجيبلك جولف 6 مرتاح اوي بحاله نضيفه جدا..

تقصد ايه ياباشا بمرتاح وحالة نضيفة
قصدك يعنى مستعمل
؟؟؟؟؟؟؟

[corolladestroyer]

تقصد ايه ياباشا بمرتاح وحالة نضيفة
قصدك يعنى مستعمل
؟؟؟؟؟؟؟

اه تجيبلك جولف 6 مستعمل مرتاح اوي وحاله نضيفه جدا ولو دورت كويس ممكن تجيب الهاي لاين بس مشكلة الهاي لاين انها نادره حبتين

[hamaka]

طلبك من ناحية الشكل هتلاقيه فى الريو أو السى 4 أو الاسترا انجوى أو الميجان الهاتشباك الجديدة ، المبلغ اللى معاك يجيب الريو زيرو و يجيب السى 4 و الميجان و الأسترا كسر زيرو ماشية حاجة قليلة أوى (زيها زى الزيرو) ، و طبعاً كلهم عربيات ممتازة شكلاً و موضوعاً بس أنا شخصياً بفضل الأوروبى عموماً كراى شخصى.....

[abdoumahros]

ايه رايك

ايه رايك في جين 2

[mohamedxsayed]

veloster لو الكوبيه ميعملكش مشكله
وال سى 4

[fouady]

Zero بونتو ايفو Highline 140 .000 فيها كل اللي تتمناه .. most3ml عندك 4 عربيات مالهمش حل Fiat Bravo - Golf 5 or 6
opel astra - seat leon

[bassel.farid]

طيب متزود عاليها شويه وجيب اوبل استرا 1600 تيربو تجيبها كسر زيرو وحاجه جميله جدااااااا

[abo sandy]

هى الفكرة انه حرام ادفع مبلغ زى دا واجيب حاجة مستعمل او كسر زيرو

انا بفكر فى الجديد

والاراء المطروحة بصراحة معظمها جميييييل

[fouady]

هى الفكرة انه حرام ادفع مبلغ زى دا واجيب حاجة مستعمل او كسر زيرو

انا بفكر فى الجديد

والاراء المطروحة بصراحة معظمها جميييييل

أنا شايف أحسن عربية فـسعرك ده زيرو فيها كل اللي تحلم بيه وزايدة حبتين كمان .. بونتو ايفو 140.000

[corolladestroyer]

أنا شايف أحسن عربية فـسعرك ده زيرو فيها كل اللي تحلم بيه وزايدة حبتين كمان .. بونتو ايفو 140.000

مع احترامي الشديد بس البونتو الايفو من العربيات اللي هتندم عليها ندم شديد الفتيس زي زفت وبتحس بالنقلات بطريقه مستفزه الموتور ضعيف جدا جدا بجد العربيه مع واحد صاحبي عربيه محبطه...انت ممكن تجيب السيات الابيزا اعتقد عربيه محترمه ركبتها مره واحده كانت تحفه..

[fouady]

مع احترامي الشديد بس البونتو الايفو من العربيات اللي هتندم عليها ندم شديد الفتيس زي زفت وبتحس بالنقلات بطريقه مستفزه الموتور ضعيف جدا جدا بجد العربيه مع واحد صاحبي عربيه محبطه...انت ممكن تجيب السيات الابيزا اعتقد عربيه محترمه ركبتها مره واحده كانت تحفه..

الكلام ده مش صح .. مع احترامي لحضرتك .. دي بس مشكلة فهم مش أكتر الفتيس بتعها فتيس منوال بس من غير دبرياج تعمل حضرتك أو حكم حضرتك عليه مقرنتا بالأتوا العادي فـدي مشكلة عند حضرتك .. لان مفيش مقارنه حتى بره اسمه " Semi auto " فـاحساسه زي المنوال وده وضع طبيعي علشان هو بادبرياج عادي واسطوانة وديسك عادي زي فيتس المنوال .. ويمكن الفتيس ده ميزة بالنسبالي كمان علشان صيانته زي صيانه المنوال .. وطبعا عزمه نفس عزم المنوال وليقارن بال Auto العادي .. فـأنا عموما لو فكرت أركب أتوا .. علشان أنا مبحبش الأتوا بحب أركب منوال مش هاركب غير الفتيس ده ... ده بالنسبـة للفتيس .. أما المتور ده 77 حصان انا معايا تيدا 2012 وأخويا معاه ايفو 2011 والتيدا متورها جبار زي ماهوا معروف .. لما ركبت الايفو ملقتوش متواضع زي ماكنت فاكر .. بالعكس متورهـا عصيب وبيجبع بسرعة خصوصا تحت el-100 لما تهدي وتجري تهدي وتجري عجبني جدا وبتجيب لحد 150 بسلاسة جدا .. فـأنا شايفه مش كنبة هو مش فاجر أكيد زي التيدا بس عادي ممكن أنزل من التيدا واركبه .. فـأنا برجح إن صاحب الموضوع لو عجبه يجربها ويحكم ب نفسه أحسن

[corolladestroyer]

الكلام ده مش صح .. مع احترامي لحضرتك .. دي بس مشكلة فهم مش أكتر الفتيس بتعها فتيس منوال بس من غير دبرياج تعمل حضرتك أو حكم حضرتك عليه مقرنتا بالأتوا العادي فـدي مشكلة عند حضرتك .. لان مفيش مقارنه حتى بره اسمه " semi auto " فـاحساسه زي المنوال وده وضع طبيعي علشان هو بادبرياج عادي واسطوانة وديسك عادي زي فيتس المنوال .. ويمكن الفتيس ده ميزة بالنسبالي كمان علشان صيانته زي صيانه المنوال .. وطبعا عزمه نفس عزم المنوال وليقارن بال auto العادي .. فـأنا عموما لو فكرت أركب أتوا .. علشان أنا مبحبش الأتوا بحب أركب منوال مش هاركب غير الفتيس ده ... ده بالنسبـة للفتيس .. أما المتور ده 77 حصان انا معايا تيدا 2012 وأخويا معاه ايفو 2011 والتيدا متورها جبار زي ماهوا معروف .. لما ركبت الايفو ملقتوش متواضع زي ماكنت فاكر .. بالعكس متورهـا عصيب وبيجبع بسرعة خصوصا تحت el-100 لما تهدي وتجري تهدي وتجري عجبني جدا وبتجيب لحد 150 بسلاسة جدا .. فـأنا شايفه مش كنبة هو مش فاجر أكيد زي التيدا بس عادي ممكن أنزل من التيدا واركبه .. فـأنا برجح إن صاحب الموضوع لو عجبه يجربها ويحكم ب نفسه أحسن

انا معاك ياباشا وعارف ان الفتيس مانيوال في اوتوماتيك بس للاسف عملينه غلط خالص العربيه بتاخد وقت عقبال ما بتنقل وتحس ان في واحد مستخبي في الفتيس عمال ينقلك ف النقله غريبه الصراحه محبتهاش خالص وعلى العموم اعتقد الموضوع هيقلب بتعود في الاخر بس نصيحه فعلا لصاحب الموضوع ان لو نوى عليها لازم يجربها ويشوف العربيه بتنقل ازاي عشان ممكن ميرتحلهاش خالص زيي كده
ثانيا العربيه سحبها ضايع لان جاري شد بيها مع اخويا لانسر 1300 مانيوال واللانسر شحورتها الصراحه وعلى كل السرعات جربنا من فوق ال 100 ومن الثبات واصلا اللانسر ال 1300 تعتبر بطه بلدي عرجه كمان.. وسبقتها كمان بالكورولا 93 ال 1300 مانيوال برضو على كل السرعات ومن الثبات.....

[memo823000]

طبعا افضل hb جولف مفيش كلام

لاكن في حدود 150 الف
افضل عربيه الفورد فيستا جباره والماني 100%

خد مني ومترجعش ورايا اقسم بالله عربيه كامله من كله