شراء سيارة في حدود 220000 جنيه

[magedtito]

يا رجالة بفكر من فترة اشتري عربية في حدود 220000 جنيه و يهمني جدا اسعار قطع الغيار و الصيانة و مستوي الوكيل واعادة البيع عشان مخسرش كتير لما ابيع ايه مقترحاتكوا؟
و لو انا محتار بين الاسبورتج و الكورولا الجديدة تفضلوا ايه ؟؟

[J A G U A R]

سبورتاج مناسبه اكتر .... وعربيه ركوبه تانيه غير العربيات السيدان .. وعندك القشقاى عربيه عايشه فى عالم تانى .

[Mohyeldin1974]

شوف الاول الاوبل النسجنيا هتنزل اول فئه بكام وفكر فيها جدا جدا جدا

[JapRuleZ]

متشوف موضوع الفتيس ال dsg ثم توكل على الله و هات ال a7
عربيه الماظ

[saddam]

صديقي المواطن
لو المقارنة بين السبورتج الحديث والكورولا الحديث قولا واحدا ومن غير تفكير تجيب سبورتج ليه بقه ﻷن الشاعر بيقلك
وإذا غامرت في شرف مروم فلا تقنع بما دون النجوم

والكورولا عربية كويسة ولكن سعرها بات لا يصلح وسبورتج من فئة أعلى منها ومنظرها في الشارع أعلى وأهيب
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[2CODE]

كيا سبورتاج طبعاً زي ما قالوا الاخوه دي عربية من الاخر اركبها وشوف بنفسك !!!

[M I D O]

السبورتاج عشان موضوع ارتفاع الكورولا والمطبات

[Hunting_Eagle]

من ناحية اعادة البيع الكورولا افضل

الاتنين طبعا هتخسر فيهم لما تيجي تبعهم وده لان سعرهم عالي بس اعتقد انه اسهل و اسرع انك تبيع الكورولا عن السبورتاج

[mastr_n]

sportage
هاتها سلفر هاى لاين

عربية محترمة جداااااا وعالية عن الارض


tyota بقت تركى وغير كدة واطية وهاتسلم على المطبات واحد واحد

[abd_el_7amid]

شوف الاول الاوبل النسجنيا هتنزل اول فئه بكام وفكر فيها جدا جدا جدا

+111111111

[magedtito]

هو بس انا شايف ان سعر السبورتج مبالغ فيه بقد 15000 في كل الفئات و مش عارف ايه نظامها في اعادة البيع

[ALshahba]

- اوبل انسيجنيا اول فئة = 245 الف
- ابعد الايام دي عن اي عربيه فيها فتيس dsg
- شوف كده: اسبورتاج , استرا , فلونس , فوكس

طبعا كلهم بيخسروا فى اعادة البيع لانهم سعرهم معدي 150,000 وده امر بيعي.........واقلهم خساره >> سبورتاج

بالتوفيق ان شاء الله

[magedtito]

يا رجالة يا ريت اللي يفضل عربية عن التانية يقولنا السبب ايه يعني يحدد مميزات و عيوب كل اختيار علشان الاستفادة تعمم

[ads]

كيا كارينز 2014 تحفه وعربيه عائليه اعلى فئه 200 الف

http://www.nilemotors.net/Nile/382408-2014.html

[S O P H O S]

الكيا طبعا
ونفس الوقت الاختيرين موفقين بصراحة