نيسان صني ولا بروتون بيرسونا

[mhkorayem]

بالنسبة لموضوع التوكيل فهو مش هيبقى مشكلة أوي لأن في فالمنصورة مركز الغد موتورز وده وكيل معتمد مبيعات وصيانه كمان وأنا رحت لهم مرة المعرض ورحت كمان مركز الصيانة وأخدت فكرة عن مدى توفر قطع الغيار وأسعارها وهناك كمان قالوا ان في محلات في المنصورة متخصصه في البروتون وفي قطع غيار بديلة أقدر أعتمد عليها..

طالما الاتنين زي بعض بالنسبه ليك في الصيانه وقطع الغيار يبقى شوف اللي تستريحلها أكتر
بصراحه أنا عن نفسي نزلت تاني أبص عليهم وحسيت أني مستريح للبيرسونا أكتر
عشان الجنوط الاسبور ومثبت السرعه والطاره المالتي اللي مش موجوده في الصني في الفئه الاولي
صحيح فيها حاجات مش عجباني وكان طموحي أكبر من كده شويه
بس في حدود المبلغ ده وبما أن ده أخري تبقى هي لحد دلوقتي اللي أنا ميال لها أكتر
وربنا يعمل اللي فيه الخير

[Mahmoud Amr]

طالما الاتنين زي بعض بالنسبه ليك في الصيانه وقطع الغيار يبقى شوف اللي تستريحلها أكتر
بصراحه أنا عن نفسي نزلت تاني أبص عليهم وحسيت أني مستريح للبيرسونا أكتر
عشان الجنوط الاسبور ومثبت السرعه والطاره المالتي اللي مش موجوده في الصني في الفئه الاولي
صحيح فيها حاجات مش عجباني وكان طموحي أكبر من كده شويه
بس في حدود المبلغ ده وبما أن ده أخري تبقى هي لحد دلوقتي اللي أنا ميال لها أكتر
وربنا يعمل اللي فيه الخير

أنا كمان عجباني البيرسونا أكتر وخلاص قررت إن شاء الله أروح أحجزها .. بس إيه رأيك اللون الأبيض أحلى ولا الفضي

[mhkorayem]

أنا كمان عجباني البيرسونا أكتر وخلاص قررت إن شاء الله أروح أحجزها .. بس إيه رأيك اللون الأبيض أحلى ولا الفضي

لما سألت على الالوان قالولي أن الالوان اللي بتنزل دلوقتي 4 ألوان بس
أحمر / أسود / سيلفر (فضي) / موكا (كموني)

يعني على حسب الكلام مفيش أبيض
أنا شخصياً أفضل الموكا (اللي هو الكموني) بس دي مسأله أزواق
الأسود شيك بس بيتبهدل بسرعه

[Mahmoud Amr]

لما سألت على الالوان قالولي أن الالوان اللي بتنزل دلوقتي 4 ألوان بس
أحمر / أسود / سيلفر (فضي) / موكا (كموني)

يعني على حسب الكلام مفيش أبيض
أنا شخصياً أفضل الموكا (اللي هو الكموني) بس دي مسأله أزواق
الأسود شيك بس بيتبهدل بسرعه

بس أنا لما رحت قالولي الألوان الموجودة أبيض-اسود-فضي-أحمر مع العلم اني سألت عند وكيل معتمد

[mhkorayem]

بس أنا لما رحت قالولي الألوان الموجودة أبيض-اسود-فضي-أحمر مع العلم اني سألت عند وكيل معتمد

انا كنت في عز العرب النهارده وسالت على الالوان
وهو زي ما انت قلت فعلا 5 الوان منهم الابيض
من وجهت نظري انا ان ترتيبهم
1- موكا (كموني)
2- سيلفر (فضي)
3- اسود ((( بس صعب قوي الواحد يشتريه في مصر عشان هيتبهدل بسرعه)))
4- ابيض
5- أحمر

والحمد لله الالوان كلها متوفره يعنى اللون اللي هترتاح له هتلاقيه ان شاء الله

[carrier]

انا كنت في عز العرب النهارده وسالت على الالوان
وهو زي ما انت قلت فعلا 5 الوان منهم الابيض
من وجهت نظري انا ان ترتيبهم
1- موكا (كموني)
2- سيلفر (فضي)
3- اسود ((( بس صعب قوي الواحد يشتريه في مصر عشان هيتبهدل بسرعه)))
4- ابيض
5- أحمر

والحمد لله الالوان كلها متوفره يعنى اللون اللي هترتاح له هتلاقيه ان شاء الله

اتوكل على الله
البروتون ممتازه
وبنت حلال وملهاش صوت ولا ليها فى المشاكل خالص

اللون الابيض طبعا ولا كلمة عليها
ووراه الاسود لو هتبيتها بمكان مقفول

وموفق

[m_newyork]

متشوف رينو لوجان كامله اتوماتيك عربيه محترمه جدا وتوكيل جميل جدا

[S O P H O S]

ممكن تدخل اوبترا فالمقارنة ؟

[Mahmoud Amr]

طيب هو الموديل الموجود في عز العرب دلوقت 2013 ولا2014 علشان بيقولوا الموجود دلوقت 2013 ومش هتنزل 2014 الا ف شهر 2 بنفس المواصفات بس بزيادة في السعر .... ياريت اللي عنده معلومات يفيدنا

[mhkorayem]

طيب هو الموديل الموجود في عز العرب دلوقت 2013 ولا2014 علشان بيقولوا الموجود دلوقت 2013 ومش هتنزل 2014 الا ف شهر 2 بنفس المواصفات بس بزيادة في السعر .... ياريت اللي عنده معلومات يفيدنا

مفيش 2014 لسه منزلتش
لو ناوي أشتري ومتستناش الـ 2014
مش مستاهله تدفع فلوس أكتر عشان رقم هيتغير في الرخصه ولو عشان أعاده البيع مش هتفرق كتير اللي بيفرق حاله العربيه

[elweshahy]

دور على اعادة البيع و شوف انهى عربيه فيهم يوم ما تفكر تبيعها تجيب فلوس

[memmed_esmat]

انا محتار زيك بالظبط بس انا ركبت صني 2014 بتاعت والدتي وسوقتها من مصر الى اسكندريه رايح جاي والعربيه مفيهاش غلطه في المشي واستهلاك بنزينها محترم جدا وثابته اوي لحد ال 120 وبعد كده تبدء تحس ان الثبات بيقل تدريجيا بس مش للدرجه المرعبه وبصراحه السبع محترم جدا في التعامل وبيتلكك في ارضاء العميل وده لاحظته في صيانة الالف كيلو.....البيرسونا انا شوفتها في معرض القرش اللي ورا الميرلاند والعربيه بصراحه تحفه وجميله وشكلها محترم جدا وصالونها راقي بس للاسف مجربتش سواقتها و اللي انا ملاحظه انها مش منتشره في الشارع وده اللي مخوفني وكمان ملقيتهاش في معارض كبيره زي سمير ريان والمصريه للسيارات اللي ورا كليه كلية البنات .....الصني الجديده لقيت عليها سحب عالي جدا في المعارض وده بيجبر التجار انهم يشتغلوا في المستورد بتاع قطع الغيار ويجبر التوكيل على اثبات جداره بالثقه اللي اخدتها العربيه الصني في السوق وخصوصا في النص الاخير من 2013 لحد دلوقتي.....انا لحد دلوقتي برضه محتار بين البيرسونا والصني بس ميال للصني شويه وخصوصا بقه لما ركبت السوبر صالون وحسيت انها راقيه من الداخل بس للاسف الميزانيه لاتسمح بس تستاهل الواحد يقسط ال 12 الف اللي فارقه عن ال ex .....شكلها كده هترسى على الصني واجري على الله