تويوتا اوريس وﻻ اوبل استرا كوزمو

[martinmystery]

السﻻم عليكم ورحمة الله وبركاته

محتار ما بين تويوتا اوريس واوبل كوزمو من حيث ان العربية هتقعد معايا 7 سنين مثﻻ ومن حيث انى شاب ومن حيث قطع الغيار والبيع بعد سبع سنين وكده

هو دلوئتى قطع غيار التويوتا اوريس اغلى من الاوبل بس طبعا هتنزل جامد هتتزل بئى فى مدة اد ايه

ثاتيا الاويل انتشرت جامد واظن اعادة البيع عتبئى كويسة دا هينزل قطع الغيار وﻻ ﻻ

الاوريس مع صاحبى وبيشكر فيها جامد جدا ويابانى

الاوبل فيها s وﻻ ﻻ

سحب الاوبل كويس وﻻﻻ

اسف على الاطالة بس عايز اعرفااجوبة الاسئلة دى ومحدش يقولى عربية تالتة عشان انا ماصدقت ارسى على دول

الكروﻻ الفئة الفول ابشن مش عجبانى من جوه خالص ففضلت الاوريس عنها

[Mamoud salah H]

انا شايف بما انك شاب وعايز حاجة شبابي يبقي اوبل استرا هاتشبااك ولو عايز السحب يبقي تجيبها تربو

[J A G U A R]

انا بميل للاسترا عشان المانى ومنتشره اكتر ... انا عمرى ما شوفت الاوريوس فى الشارع

[martinmystery]

المفروض الاوريس شبابى اكتر وﻻ ايه

الكوزمو هاتش او التربو غاليين عليا ياﻻكوزمو سيدان يا اوريس

الاوريس لسة نازلة السنة دى اول سنة ليها وكسحب اعلى من الاوبل

بس قطع غيار الاوبل هتفضل عالية كده وﻻ هتنزل زى اليابانى واعادة البيع هتتحسن وﻻ ﻻ ؟!؟

[J A G U A R]

الاوريوس طبعا شكلها شبابى اكتر من الاسترا .. واى عربيه المانى قطع غيارها غاليه والعربيه مع انتشارها اكتر اكيد قطع غيارها هاتنزل .. وطالما مفيش نيه للبيع دلوقتى متدورش بقا

[saddam]

صديقي المواطن
قولا واحدا اﻷوريون أعلى وأجمل وأهيب وأمتع من كوزمو أوبل ولكن للأسف وكعادة الشعب المصري ستجد أن إعادة البيع وقطع الغيار في مصلحة كوزمو ولكن أحب ألفت نظرك لحاجة اﻷثنين من ناحية البيع مش بتفرق أوي ويا قلبي لا تحزن اﻹثنتين حتخسر جامد في بيعهم وحتقعد كام شهر عارضهم للبيع مفيش بيع فوري للعربيات دي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[M I D O]

في رايي التويوتا افضل

[S O P H O S]

الاثنين حلوين بس الاوبل

[K.Ossama]

الاسترا ما فيهاش سبورت موود عندنا فى مصر والسحب معقول بس اعتقد السحب فى التويوتا حيكون أحسن

[Ahmed TRAVCO]

أنا بشوف ان الأوريس عربية ممتازة وأرفض مقارنتها بالكورولا من أساسه... دي عربية تصنيع انجليزي بالكامل زي الأفينسيس وعفشتها Double-Wishbone على ما أذكر وموتورها حلو جدا وشكلها شيك ومن جوة أحسن من الكورولا...

الأسترا حلوة جدا وتابلوهها هو الأشيك بلا منازع في الفئة دي من وجهة نظري...

في النهاية لو بشتري هشتري الأوريس حتى لو بس علشان تقفيل انجليزي!!