رينو فلونس 2011 vs كورولا 2008 ؟؟؟

[Eng.Omar_karem]

السلام عليكم ...

والدي حاليا معاه كورولا 2008 وعايز يغيرها بسبب الفتيس MMT والفلوانس من ساعة ما شافها عجبته جدا وداخله دماغه اوي لكن خايف من انها فرنساوي فتكون قطع غيارها غاليه او يكون فيها مشاكل..

فهو لو هيجبها هيجيب واحدة مستعملة 2011 عشان فرق السعر ميبقاش كبير

ف عايز اعرف اخبار الفلونس ايه وايه رأيكم فيها وهى ولا الكورولا(mmt) ؟؟... وشكرا

[pioneerahmed]

ولا دي ولا دي

الفلوينس تركي و الكورولا جنوب افريقى !!!

انا رايى سيفيك او اوكتافيا

[Silent~Dream]

الفلوانس 2011 ما شاء الله و افضل بكثير من مشاكل ال mmt ووجع الدماغ

[saddam]

صديقي المواطن
قولا واحدا تفكير والدك وطني وسليم جدا والفلوانس فعلا أفضل من موديل الكورولا اللي عند والدك ولكن في البيع عربيتكم أبيع وكمان قطع غيار عربيتكم أكثر إنتشارا ولكن بترك هذا الموديل من كورولا وجلب فلوانس فمستواكم اﻷجتماعي حيطلع درجة عالسلم وحتحس بهيبة وفخامة وعلو الكبوت في قيادتها وبرستيجكم أفضل وأمتن وأقوى كعربية وشكل ثوري وتصميم ممتاز قريب من المدرعات المنفخة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Batman372]

الفلوانس اثبتت من 2011 انها نجاحها كما انها افضل كثيرا من الميجان ... و مبيعاتها تدل على ذلك .. لذلك فهو تغيير للافضل :)

للاسترشاد مو 2011 الفئه e3 اوتوماتيك التى بها اغلب الاوبشنات عدا فتحه السقف و هى الاكثر مبيعا فى رنج 115 الف جم شرط الحاله الممتازه و كم فى رنج 35 الف كم ...
تحياتى ...

[M I D O]

الفلوانس عربية خطيرة و اختيار موفق ان شاء الله

[Eng.Omar_karem]

ولا دي ولا دي

الفلوينس تركي و الكورولا جنوب افريقى !!!

انا رايى سيفيك او اوكتافيا

والله هى المشكلة مش في بلد الصنع يعني العربية مفيهاش مشاكل في التقفيل المشكله في الفتيس للاسف !!

الفلوانس 2011 ما شاء الله و افضل بكثير من مشاكل ال mmt ووجع الدماغ

فعلا والله ال mmt مقرف جدا ومشاكله كتير لدرجة انه زهقنا من العربية كلها والفلوانس ما شاء الله كل اللي استخدموها بيشكروا فيها

صديقي المواطن
قولا واحدا تفكير والدك وطني وسليم جدا والفلوانس فعلا أفضل من موديل الكورولا اللي عند والدك ولكن في البيع عربيتكم أبيع وكمان قطع غيار عربيتكم أكثر إنتشارا ولكن بترك هذا الموديل من كورولا وجلب فلوانس فمستواكم اﻷجتماعي حيطلع درجة عالسلم وحتحس بهيبة وفخامة وعلو الكبوت في قيادتها وبرستيجكم أفضل وأمتن وأقوى كعربية وشكل ثوري وتصميم ممتاز قريب من المدرعات المنفخة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

حضرتك جبت من الاخر فعلا العربية فعلا فخمة وفارقة كتيير عن الكورولا وليها هيبة كدة والواحد واقف قدامها :D وبالنسبة لموضوع البيع ده مش مهم اوى لانه مش غاوي تغيير كتيير ...الكورولا لولا الفتيس ماكنش فكر يغيرها وشكرا لحضرتك

الفلوانس اثبتت من 2011 انها نجاحها كما انها افضل كثيرا من الميجان ... و مبيعاتها تدل على ذلك .. لذلك فهو تغيير للافضل :)

للاسترشاد مو 2011 الفئه e3 اوتوماتيك التى بها اغلب الاوبشنات عدا فتحه السقف و هى الاكثر مبيعا فى رنج 115 الف جم شرط الحاله الممتازه و كم فى رنج 35 الف كم ...
تحياتى ...

فعلا الفلوانس مبيعاتها وسعر اعادة بيع ممتاز بالنسبة للميجان .... ورنج السعر ده ممتاز ياريت نلافي حاجة كدة ان شاء الله

الفلوانس عربية خطيرة و اختيار موفق ان شاء الله

فعلا العربيه جميلة شكرا لحضرتك




انا متشكر لحضراتكم جميعا على المعلومات القيمة دي وان شاء الله ربنا يسهل ونلاقى واحدة نضيفة

[J A G U A R]

فلوانس افضل

[S O P H O S]

الرينو طبعا

[Fast_driver]

خلي بالك الفلوينس جميله بس تقيله قوي في السحب يمكن هي ابطء عربيه في الفئه دي

[ALshahba]

فى هذه المقارنه ارشح لك الفلونس افضل بكتير من الكورولا خصوصا الموديل القديم ومشاكله مع الفتيس سئ جدا
الفلونس احساس تاني ونفس متانه الكورولا ومعمره بلا مشاكل

[تامر.محمد]

افضل من التويوتا و اظن قطع غيارها في التوكيل ارخص منها كمان

[amr011111]

خامات الفلوينس الداخليه احسن من الكورولا وتحس بالفخامه بكتير عن الكورولا وانت طبعا ركبت الاتنين وشوفت بنفسك

[Ahmed TRAVCO]

فلوانس افضل حتى لو الكورولا 2011 مش 2008!!!!

ورغم ان تحفظي شبه الوحيد في الفلوانس يخص تشطيبها الداخلي وشكل الطارة وخلافه الا انه في حالة مقارنتها بصالون الكورولا فهي تتفوق برضه...