كيا و لا فيات

[armo80]

السلام عليكم
برجاء التكرم من السادة الاعضاء افاداتي في الافضل هل كيا برايد العصفورة و لا فيات بونتو موديل 95

و لسياتكم جزيل الشكر

[J A G U A R]

بونتو

[i_Am_Legend]

نعم حضرتك :o بتقارن ايه بايه!!! :-d بتقارن عصفورة.. بصقر :-d بتقارن كوري باوروبي... فيااات وكيا :-\

[J A G U A R]

نعم حضرتك :o بتقارن ايه بايه!!! :-d بتقارن عصفورة.. بصقر :-d بتقارن كوري باوروبي... فيااات وكيا :-\

الراجل تلاقيه معندوش فكره

[armo80]

يا جماعة انا فعلا معنديش فكرة و الا مكونتش سألت
و بعدين انا اول مرة هركب عربية و في ناس زميلي مرشحنلي كيا برايد كسر الزيرو موديل بعد 2000
و انا حاسيس ان البونتو رغم انها 95 بس ممكن تكون افضل
علشان كدة قلت اسأل اهل الخبرة

[i_Am_Legend]

بونتو افضل واثبت.. ومافيش حاجة اسمها برايد كسر زيرو.. دة عدي عليها ١٣ سنة

[armo80]

طيب اية رأيك في سينا هي و لا البونتو انا شايف ان 35000 ممكن تجيب سينا موديل من2000الي2002
و لا البونتو بردو افضل و ارجو الافادة من حيث قطع الغيار ايضا
و شكرا للمشاركة السابقة

[i_Am_Legend]

السيينا افضل.. بس شوف تمبرا او لانشيا ديدرا.. اسهل واريح ومواتير ١٦٠٠ وحاجتهم ببلاااااش ..وانا بييع عربيتي لانشيا ديدرا.. وطالب فيها ٣٦٠٠٠ نهاائي... هاتلاقيها علي دوبيزل.. ولونها زيتي ..

[i_Am_Legend]

http://www.nilemotors.net/Nile/386419-a.html

انا مش بجبرك عليها ولا بقنقعك بيها ولا بسوقلها... دة مجرد رائ واقتراح.. لما لقيتك بتقول سيينا... بس الديدرا قصة تانية خااالص في الثبات والقوة والوسع وقطع الغيار ببلااااااااش زي ال١٢٨ والشاهين كدة

[saddam]

صديقي المواطن
تعقيب بسيط رغم أني من مؤسسي رابطة كارهي العربية كيا برايد العصفورة الهاتشباك وبحس إنها عربية لو صاحبها إبن ناس ولابس بدلة وشيك فهي حتجيب برستيجه اﻷرض ولكن شهادة لله ثم للتاريخ العربية البرايد عطلاتها أقل من بونتو ومبتحبش الميكانيكي زي البونتو ومش معقدة زيها لكن شكلها الهاتشباك فهو قميء ومخزي وأنا كانت تحت عمارتي وحده كسر زيرو صاحبها ملك البخلاء في مصر عاملة 16 ألف مبيخرجش بيها لدرجة بيغير زيت كل 3 سنين والكاوتش اﻷي فيها تبع الفبريكة جايه بيه من كوريا إتباعت من شهرين ب 35 ألف وخدها أحد المحامين بتوعي وهي جديدة لكن شكلها عرة وصاحبها باعها بعد ما سمعته كلمتين على شكله بيها ومعادتش تليق بيه لقيته فتره وباعها وجاب عربيتين زيرو عشان يوريني إنه مش بخيل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[M I D O]

استاذ صدام جابلك الخلاصة