كورولا 2013 ولا بيجو 301

[freedom_2010]

محتار بين كورولا الشكل القديم 2013 البيز لاين اتوماتيك والبيجو 301 الهاى لاين
تقريبا لا يوجد فروق في الكماليات والسعر قريب جدا
البيجو اوروبي وشكل جديد وممتازه كصالون وشكل خارجى وماتور 115 حصان وفتيس 4 غيار والتويوتا اعتماديه وسعر اعاده بيع ممتازه وليها مكانتها في السوق المصرى وماتور 122 حصان وفتيس 4 غيار وحجم اكبر

[masmankola]

هو سعر الكورولا الشكل القديم كام ؟

[mohbasyouni]

كورولا احسن

[تامر.محمد]

مش هاعرف اقيم , لكن لا يوجد فروق في الكماليات ازاي بين تويوتا بيزيك و 301 هاي لاين ؟

[J A G U A R]

كورولا افضل

[saddam]

صديقي المواطن
بلاش الرجوع للخلف
ما دام كورولا الشكل القديم يبقه تخليك قولا واحدا في بيجو 301
وبلاش الهايلاين خد حاجة معقولة بس مش أول فئة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[M I D O]

في رايي بيجو 301 افضل لان الكورولا كدة خلاص بخ بقي شكل قديم ومن الماضي

[freedom_2010]

مش هاعرف اقيم , لكن لا يوجد فروق في الكماليات ازاي بين تويوتا بيزيك و 301 هاي لاين ؟

اظن الفرق السنسور الخلفي والبلوتوث والجنوط والفوج لايت ودى حاجات ممكن تتركب عادى اما الاتنين سنتر وايرباج وabs و ebd

[merosss]

كورولا طبعا .....مش موضوع شكل القديم هو اية التكنولوجيا الجديدة الى فى البيجو يعنى!!!!!!!! دة التيوتا احسن فى كل شئ .....وكفاية ان دى تويوتا ودى بيجو انت لو سمحت راى الناس بتوع top gear فى العربيات البيجو محدش هيركبها تانى :)

[amrelsaqqa]

انا شايف المقارنة غير منطقية اصلا لا في الفئة ولا السعر

دى عربية ودي عربية تانية خالص وكل واحدة ليها مميزاتها وعيوبها وكل واحدة ليها طعمها واللى بيركب كل واحدة فيهم بيدور على حاجات مختلفة تماما في كل حالة وشخصية اللى هيركب تويوتا 2013 غير اللى هيركب بيجو تماماااا


التويوتا فئة اعلى من البيجو ولكن تقليدية ونمطية جدا وقديمة ومفيهاش جديد ، في المقابل هى عربية مهروشة في السوق كويس ومعروف اولها من اخرها ، للناس اللى مش بتحب المجازفة او التغيير وعربية هتنقلك من A لـ B بدون ما تفكر في اي حاجة تانية .. صيانة معروفة ، اعادة بيع مضمونة ....


البيجو طعم تانى عربية جديدة شبابية وعائلية قيمة مقابل سعر ممتازة ، اوبشن لذيذ امان جميل .... ولكن في نفس الوقت اولا واخيرا فئة اقل ، ما تحكمش بالـ specs ! مش هى اللى بتحدد فئة العربية ، على سبيل المثال ، في اللابتوب DELL inspiron و DELL xps ممكن اجيبلك جهازين الاتنين corei5 ورامات 8 جيجا و هارد تيرا وزي بعض في كل الـ specs بس في الاول وفي الاخر الانسبيرون انسبيرون كجهاز اقتصادى والـ XPS XPS ، ده على سبيل المثال للتوضيح بحاجة بعيد عن العربيات ومش معناه التويوتا احسن على طول الخط ، بس يبين يعنى ايه فئة اعلى وفئة اقل في اي حاجة في الدنيا


الـ 301 تتقارن بالياريس الجديدة وهنا المقارنة تبقى عادلة وليها معنى .. لانهم قريبين في السعر و الاهم نفس الفئة



كل ده وفي الاخر اقولك لو معايا فلوس مثلا مثلا 170 الف مش هحطهم في تويوتا 2013 لانى شايفها ما تستاهلش سعرها وفي نفس الوقت لو دخلت الـ 301 في المقارنة يبقى بظلمها لانها مش في الفئة دي ، في الحالة دى هتجه لمنافسين محترمين في نفس الفئة زي الاسترا الجديدة والفلوانس الجديدة.....

[S O P H O S]

كورولا كرأي

[toty_305]

-Corolla وش جدا أكيد