كيا اسبورتاج ولا دودج دارت ؟!

[maio_do]

البيجو محتلة الصدارة في هذه الفئه
بنزين 92
قطع غيار مش هتصدق اسعارها اديلك امثلة
زجاج باب امامي 550 تقريبا انا غيرته من فترة
مرايا كامله ضم كهرباء 1280 بالضريبة
تيل امامي حوالي 400 جم و التيل الخلفي اقل شوية
و حاجات تانية

http://www.nilemotors.net/nile/300383-508.html

و التوكيل معقول جدا
سعر اعادة البيع لكل الاوربي مش قوي و مع ذلك انتشار العربيه بيقلل من الخساره عند بيعها
و ممكن تجيب كسر زيرو تبقا هربيت من القصه دي

كل الكلام اللى بتقوله ده تمام وعلى راسى المشكلة كلها طويلة جدااا وشكلها مش شبابى ومش مشكلة سعر اعادة البيع يعنى دى اخر حاجة

[maio_do]

لو هنفكر فى قطع غيار وصيانة والتوكيل واستهلاك بنزين واهم حاجة سعر اعادة البيع .. السبورتاج تكسب اكيد

كلامك صح واهم حاجة برده موضوع البنزين

[Waleed_Fathy]

كل الكلام اللى بتقوله ده تمام وعلى راسى المشكلة كلها طويلة جدااا وشكلها مش شبابى ومش مشكلة سعر اعادة البيع يعنى دى اخر حاجة

طيب ما تشوف ds5 تبقا جبت من الاخر

[maio_do]

طيب ما تشوف ds5 تبقا جبت من الاخر

جميلة من جوة بس من بارة مش اد كده

[M I D O]

بيقولوا التوكيل سى جدااااااا فى الاسعار

منصور وما ادراك ما منصور

[eleanor]

هى ايه مواصفات العربيه اللى حضرتك عايزها وفى حدود ايه
علشان نعرف تقرب المسافات

[maio_do]

هى ايه مواصفات العربيه اللى حضرتك عايزها وفى حدود ايه
علشان نعرف تقرب المسافات

هى تقريبا هتخلص على الاوبل باذن الله

[eleanor]

ربنا يكرمك بيها ان شاء الله وهانستنى منك تقرير بيها باذن الله

[maio_do]

ربنا يكرمك بيها ان شاء الله وهانستنى منك تقرير بيها باذن الله

ان شاء الله

[allo]

على فكرة يا شباب الدارت بتشتغل ببنزين 92 وده كلام كل المواقع الأجنبية وملاكها الأجانب

وده رابط لموضوع منهم

1.4L Turbo Performance & Fuel Economy - 87 vs. 91 Octane

واللي عايز زيادة تأكيد يبحث في جوجل

recommended fuel ron dodge dart

العربية داخلة دماغي جداً وبفكر جديا اني اشتريها

[برنس الليالي]

انا لو بدور على متعة القيادة والامان والشكل حجيب الدودج دارت عشان بمحرك 180 حصان تسارع من الثبات للـ100 في 8 ثواني والعربية فيها كل وسائل الامان شامل 8 وسائد هوائية

غير طبعاً شكلها القوي جداً وتجهيزاتها عالية جداً ... لو بتدور على اعتمادية واعادة بيع لا اكثر توكل على الله وهات سبورتاج عشان الدودج ملهاش سوق في مصر

[ahmzd]

في مصر .. الأفضل سبورتاج .. والله أعلم.

[amroelras]

الفولفو يا باشا عربيه وهميه والموتور بتاعها جبار انا مش عارف ازاي ده ١٦٠٠ سي سي فكر فيها عربيه من الاخر بلا سبورتاج بلا كلام فاضي وعندك برضه تحفه الاوبل انسيجنيا برضه عربيه طلقه

[allo]

نقطة جديدة فكك من الدودج دارت , العربية وهم وبتقول بابا وماما لكن بره فيها مشاكل كتير منها مشكلة مشهورة العربية تعلق ومتدورش الا بعد محاولات كتير

[Eng.Sameh]

لسه شايف الدودج امبارح في الطارق مول العرب ... العربية شكلها جميل ـ تجهيزاتها جميلة ، الكونسول خاماته جميله من فوق بس تحت مش قوي .. الفرش الجلد بتاعها جميل جدا ... هاندلينج واداء مشهود ليه في كل الريفيوز ...

العيب القاتل انها شبه معدومة المستقبل ... توكيلها تلاتة في واحد ( عز العرب + الطارق + ابو غالي ) .. معندهمش غير ٢٠١٣ ، ٥ ليميتد و٥ رالي .. وبيقولك ال ٢٠١٤ قدامها ٦ شهور ( طبعا لما يلاقو صرفة في العشرة ال ٢٠١٣ )

شراء عربية غير محددة التوكيل وكل واحد منهم جيبله عربيتين تلاتة يجرب سوقها ، وسوقها باين .. تعتبر مجازفة غير محمودة العواقب .. ومش هقولك اعادة بيع .. بس وارد جدا تيجي بعد سنة ولا اتنين متلاقيش حد يفكلك فيهل مسمار ولا تلاقيلها حتى تيل فرامل ..!!!