شيفورليه أوبترا ولا نيسان صني الشكل القديم

[mhkorayem]

كنت بقارن بين الأوبترا أوتوماتيك و الكيا ريو أول فئه أوتوماتيك
والمقارنه راحت ناحيه الأوبترا لاسباب كتير أهمها أني مش لاقي الريو أول فئه أصلا ولسه هستنى يمكن شهر ونص على ما تيجي
بس للاسف بدأت دماغي تتلخبط تاني بعد ما في ناس قالولي هات النيسان الصني الشكل القديم أحسن

شيفورليه أوبترا 117.000 جنيه
نيسان صني الشكل القديم 110.000 جنيه

الأوبترا تقفيل كوري كوري
والصني تقفيل مصري بس تزيد عن الأوبترا 1 أيرباج

مش عارف الصح إيه؟؟؟؟ (حاجه تحير)

[devil_storm]

هات اوبترا افضل

[J A G U A R]

الصنى شكلها قدم اوى .. اوبترا احسن وعن تجربه

[M_SALLAM]

قوة تحمل الصنى
تعومة و متعة قيادة الاوبترا بلا شك

[M I D O]

الاوبترا افضل بس لية متشوفش البيجو 301 اوتوماتيك ب 123

[mhkorayem]

شكراً ليك كلكم
وواضح ان الإجماع على الأوبترا
بخصوص البيجو 301 السعر الرسمي 124.000 وحجز 3 شهور
وفي المعارض 128.000 على الأقل

[د.عماد صلاح]

الاوبترا....تتفوق في الثبات والتقفيل ووسع الصالون و استجابه الموتور
الصني تتفوق في الايرباج و التكييف اقوي
بعد رفع الاي بي اس من الصني فالفرامل واحد استهلاك البنزين في الاوبترا اقل حاجه بسيطه
صاج الصني اقوي و محمل اكتر من الاوبترا
انا جربت قياده العربيتين الاوبترا استجابتها اقوي و فتيسها تحس انه بيفكر معاك صحيح تحس ان الموتور صوته اعلي بس صوت قوي زئير مش صرخه ضعف و الكيك دون بتاعها خرافي وزارا الهولد المكافئ للسبورت دريف تجربته هستيريه و بتكون استجابه العربيه مالهاش وصف
ثبات الاوبترا جميل جدا تحس انها لازقه في الارض و كنبتها الخلفيه مريحه وواسعه

[د.عماد صلاح]

طبعا البيجوا ممتازه بس فرق السعر بتاع الاستلام الفوري 11 الف جنيه بس البيجو فيها ايرباج و اي بي اس
و تتميز عن الاوبترا بان الصالون الخلفي ااوسع بس بالطول مش بالعرض و الصاج اقوي و العربيه اوروبي بس عيبها الاساسي الفتيس ضعيف علي الموتور فقوه الموتور مش واضحه ورغم ان الموتور 115 حصان بس.اداؤها مش زي الاوبترا في التسارع و اظهار قوه الموتور تقفيل الاوبترا اشيك من البيجو و انا عارف الاتنين كويس لاني بصدد شراء البيجو بيزلاين للمدام و معايا الاوبترا من 5 شهور تقريبا ....الصراحه ان البيجو ممتازه و مميزاتها تغطي عيوبها بالمقارنه بسعرها ....بس في من 3 الي 5 الاف اوفر برايس لو عايز استلام فوري

[mhkorayem]

شكراً لرد حضرتك يا د.عماد
بس بما أن حضرتك جربت الأتنين يبقى أنت أقدر حد تحدد وتساعدني في الأختيار
يعني لو حضرتك هتشتري واحده من الأتنين النهارد هتشتري مين فيهم
هو فرق السعر الأوبترا أغلى 7000 جنيه
أدفع الفرق ده وأجيب الأوبترا ولا أشتري الصنى وخلاص
أنا ميال للأوبترا ومراتي عجباها الصني ومش عارف أخد قرار

[د.عماد صلاح]

الاوبترا عندي مميزاتها احسن وهي اللي انا جبتها في الاخر

[S O P H O S]

الاوبترا كويسة

[jojojojo]

هات ياريس الشكل الجديد تحفه بجد

[mhkorayem]

هات ياريس الشكل الجديد تحفه بجد

الياريس الشكل الجديد بتبدأ بـ 140.000 جنيه
يعني في فرق سعر جبار

[mostafablidy]

انا معاك فى نفس الحيرة بس عقلى بيقول الاوبترا لانها على الاقل منتشرة ومضمونة

[amgomaa]

رايي الاوبترا

Sent from my GT-S5282 using Forum Runner