عايز عربية محترمة فى حدود 100.000 جنيه

[speranz]

كنت بفكر اشترى عربية وحددت مبلغ 80 الف فى الاول بس معجبنيش حاجة فى الرنج دا قولت اعلى شوية لعل وعسى الاقى حاجة احسن فحطيت حد اقصى يكون 100 الف
سؤاء زيرو او مستعمل مش هتفرق
انا بدور على عربية محترمة لانى من النوع الى بيتعلق بالحاجة ومش بحب اغير يعني احب اشترى عربية ارتحلها ومكونش زهقان منها
عديت على كل العربيات الى تتخيلوها وكل ما ارسى على واحدة اسمع عنها عيوب تقفلنى منها
فحبيت اخد رائيكم ونتناقش
خصوصا ان الفئة السعرية دى رخمة وفيها حاجات واقعة كتير
دى شوية معلومات عن طموحاتى
انا يهمنى تكون قطع الغيار سعرها حنين ومتوفرة
يكون شكلها حلو وفخيم وصالونها مريح
بحب الجرى ويهمنى الثبات والامان
بس كدا مستنى مشاركاتكم ويا ريت الى يقترح حاجة يقولى رائيه فيها وليه اختارها

[FAR!D]

وانا زيك متابع لنفس المبلغبس اخلص تعديلي في النوبيرا و اردلك باستفاضه على قدر ما اعلم

[foxhonda2008]

سيفيك 2008 من الاخر

[mezo73]

لو ياباني يبقي سيفك ولو اوروبي يبقي اوكتافيا والعربيتين ثبات وامكانيات وخامات جيدة جدا
موضوع سعر قطع الغيار ملحظتي عنة ان مابقاش في حاجة اسمها قطع غيار رخيصة
في حاجة اسمها قطع غيار تعيش
وربنا يوفقك ان شاء الله

[ahmedelfeky]

فلوانس 2010 او 2011 هتبقي كويسه

[J A G U A R]

شارك 2009 او 2010

[SAWA1SAWA]

تيدا 2008 2009 رنجها من 75 إلى 85 ألف
وممكن c4 2006 2007 بحوالى 65 إلى 70 ألف
جراند بونتو نفس رنج التيدا

[speranz]

طيب ليه يا جماعة محدش بيقولى رائيه فى العربية الى بيختارها
استاذ mezo73 بصراحة العربيتين اجمد من بعض بس مش عارف ليه حاسس ان السيفك خامتها مش اد كدا وان الاوكتافيا اعلى منها شوية انت ايه رائى حضرتك بس بردو السيفك موديل احدث ومسمعة جامد فى امريكا والناس بتشكر فيها فايه رائيك

وايه رائيكم يا جماعة فى الكورولا انا مش عايز حد يقولى على ماركة ويسكت
لان انا عارف كل الماركات دى وعديت عليها
انا عايز حد يكون شاف وجرب وليه وجهة نظر فى اختياره

وبالنسبة لالينترا وسيراتو ولانسر العربيات دى حاسسها مش اد كدا وخفيفة فاطلعها من دماغى ولا انتم ايه رائيكم

[carrier]

انا بدور على عربية محترمة لانى من النوع الى بيتعلق بالحاجة ومش بحب اغير يعني احب اشترى عربية ارتحلها ومكونش زهقان منها

دى شوية معلومات عن طموحاتى
انا يهمنى تكون قطع الغيار سعرها حنين ومتوفرة
يكون شكلها حلو وفخيم وصالونها مريح
بحب الجرى ويهمنى الثبات والامان

كل اللى قلت عليه حضرتك

يعنى

سيفك وبس

[M I D O]

لانسر شارك 2009

[S O P H O S]

السيفيك او الرينو بس دولا مش ب 100 الف

[speranz]

طيب اعمل استطلاع يا جماعة
انا لسا فى حيرة من امرى
محدش قالى ميزة اى عربية عن التانية عشان افضلها عليها
فى حاجة كمان عايز اخد رائيكم فيها
انا كان نفسى فى عربية تكون عالية عشان الشوارع فى الضياع
فعرفت ان السيفك واطية وبتحك فى المطبات فمش هتكون عملية معايا فى الحتة دى
فانتم ايه رائيكم ؟

[hugan]

شوف احتياجك من العربيه
معظم اللي بينصح في المشاركات شباب
وبيختارو عربيه لانفسهم
شوف انت عايز ايه
عربيه شبابيه
عائليه
عاليه منخفضه
لو عربيه مرتفعه التريوس او الداسنر او التيجو

[sunrise_bond]

بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته انا هقول لحضرتك ع عربيه محدش هيقوللك عليه غيرى وناس كتير هتهاجمنى بس انا مقتنع بيها جدا هايما3 اللى بيقوللو عليها صينى وبالمناسبه هى مش رخيصه مانيوال 110000 واوتوماتيك 125000 العربيه دى عباره عن مازدا 3 متجمعه فى مصنع هاينان فى الصين اللى بيجمع مازدا وقطع غيارها مازدا 3 وقطع غيارها فى توكيلها ابو غالى رخيصه 118 حصان فيها كل الاوبشنات مش هتكلم عن الفخامه والجمال اتفرج واحكم اللانسر جنبها متواضعه مع احترامى لملاك اللانسر طبعا انا عارف انى هتبهدل شتيمه بس انا واللهى بتكلم بعد ما رجلى حفيت عالمعارض وانا من النوع اللى صعب حاجه تقنعنى وماتنساش وانت بتتفرج تفتح الكبوت وتتفرج على تقفيل الموتور وشغل الكهربا وياريت تبقا شايف لانسر قبلها عشان تقارن .