الحيرة المستعصية : بيجو 301 ونيسان صني

[AhmedNaeem]

السلام عليكم ورحمه الله وبركاته

عايز نصيحة لوجه الله

بيجو 301 مانيول ولا نيسان صني اوتو ( علي قد الامكانيات )

علما باني مقيم في الصعيد يعني مفيش توكيل لبيجو خالص

انا بنزل القاهرة بس مش كتير

انا ميال اكتر للبيجو بس قلقان من حوار ان مفيش مركز صيانة قريب

ومش مرتاح للنيسان الجديدة خاصة بسبب المشاكل اللي فيها وانا عايز اجيب حاجة زيرو متقرفنيش كل شوية صيانة ومشوار التوكيل حاصة ان توكيل نبسان يبعد عني حوالي 120 كم

وشكرا

[medo-312]

انا عارف ان فى ناس كتير مقتنعة اكتر بالبيجو .. بس هااقولك انا معايا النيسان الصنى ولله الحمد زى الفل .. مشكلة تيل الفرامل فى موديل 2013 اتحلت فى موديل 2014 .. غير كده العربية بسم الله ماشاء الله واسعة وعالية عن الأرض وباور ناعم جدا وعزل كويس وسعر منافس وفوق كل ده توكيل محترم جدا بالأضافة لسعر اعادة بيع مناسب .. وفى الآخر استخير ربنا وبالتوفيق

[saddam]

صديقي المواطن
ما دام في الصعيد وما دام مش أوتوماتيك البيجو فقولا واحدا تاخد الصني ﻷنها في الصعيد أبيع ومعروفة أكتر وفي الصعيد الناس مش حيفهموا البيجو وحيكرهوك فيها
على فكرة الصني الجديدة مفيهاش مشاكل عظيمة تعيبها كله حاجات توافه ومش في كل العربيات وناس كتير من ملاكها لما يسمعوا إن فيها مشاكل بيقلك مش مصدقين ﻷن العربية معانا ومقابلتناش أي مشكلة من اللي بيتكتب وبنسمعها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Batman372]

على حسب كلامك >>> يبقى الصنى 2014 افضل لك ... و مفيهاش اى عيوب فنيه ...

[abo_anas]

صديقي المواطن
ما دام في الصعيد وما دام مش أوتوماتيك البيجو فقولا واحدا تاخد الصني ﻷنها في الصعيد أبيع ومعروفة أكتر وفي الصعيد الناس مش حيفهموا البيجو وحيكرهوك فيها
على فكرة الصني الجديدة مفيهاش مشاكل عظيمة تعيبها كله حاجات توافه ومش في كل العربيات وناس كتير من ملاكها لما يسمعوا إن فيها مشاكل بيقلك مش مصدقين ﻷن العربية معانا ومقابلتناش أي مشكلة من اللي بيتكتب وبنسمعها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

+111111111111111111111
صديقى المواطن ده احلى كلام ممكن تسمعه فى المقارنه دى
ودمتم للنضال

[AhmedNaeem]

شكرا ليكم جمبعا النصيحة
انا قلبي بيقولي بيجو وعقلي بيقولي صني
زربنا يقدم اللي فيه الخير

[elmkaneeki]

صني

[haitham.hesham]

صني البيجو مش اي حد يفهم فيها و كمان هيبقي في صعوبه في الصيانه و قطع الغيار في الصعيد و كمان اوتو برقبه المانوال d:

[abo_anas]

شكرا ليكم جمبعا النصيحة
انا قلبي بيقولي بيجو وعقلي بيقولي صني
زربنا يقدم اللي فيه الخير

حكم عقلك ياباشا

[elnakshabandy]

استخير
والله الموفق للخير

[hosahamza]

بالتوفيق ان شاء الله
استخير ربنا

[sherif4004]

هات اللى يعجبك انا راى بيجو جميله مع صديقى بس كل حاجه فى القاهره فى ابو رواش

[bmw z3]

والله انا مش ميال للصنى خاص الشكل الجديد دة شكلها وحش اوي مع احترامي لكل ملاكها بصراحة انا مسقتهاش ف مقدرش احكم عليها بالشكل بس هات الحاجة الي تريحك الي مراكز خدمتها اكتر و اقربلك و ربنا معاك و مبروك مقدما

[abo_anas]

والله انا مش ميال للصنى خاص الشكل الجديد دة شكلها وحش اوي مع احترامي لكل ملاكها بصراحة انا مسقتهاش ف مقدرش احكم عليها بالشكل بس هات الحاجة الي تريحك الي مراكز خدمتها اكتر و اقربلك و ربنا معاك و مبروك مقدما

بس دا كده هيركب بالاكراه

[AhmedNaeem]

بس دا كده هيركب بالاكراه:o_stupid[1]:

هي دي بالظبط المشكلة لان شكلها مش عجبني و مش قادر ابلعها
حاسس اني هركب الصني بالاكراه
ربنا يقدم اللي فيه الخير