أيهما أفضل (( كيا ريو )) أم ((صني سوبر صالون)) ... ولماذا ؟

[maybe]

أنا معجب بكيا ريو ... بس توكيل نسيان أسمع أنه محترم
أنا هاساعدك في المقارنة: اكتب الافضل جنب كل معيار
التوكيل ....
البنزين ....
قطع الغيار ...
اعادة البيع ....
الفخامة ....
الاعتمادية والأصالة ....
العفشة ....

معلومة الاسرة 3 أفراد فقط السن 42 سنة
شكرا ... تحياتي

[maybe]

ملحوظة :
السيارة اتوماتيك 2014

[maybe]

هو محدش رد عليا ليه ... هو انا سالت سؤال غلط !

[speranz]

الريو احسن
كفاية شكلها
صنى شكلها غير منطقى للاسف

[AboBassem]

الكيا ريو تتميز انها تقفيل كوري وبصراحة التقفيل المصري فى النيسان مش بجودة التقفيل الخارجي حتى الان

انا افضل لك كيا ريو

[blazer]

التوكيل ....الاتنين كويسين
البنزين .... النيسان الجديده تكسب
قطع الغيار ... مش عارف
اعادة البيع .... الاتنين كويسين بحكم انتشار الماركتين وان العربيتين عليهم طلب
الفخامة .... الريو خصوصا الهاى لاين
الاعتمادية والأصالة .... الاتنين مش هيفرقوا كتير عن بعض فى رأى لكن عيب النيسان الكبير ضعف الصاج والدهان
العفشة .... النيسان لما سوقتها كانت ناعمه و الباور تحفه بس مجريتش بيها اوى لكن احساسى انها مش ثابته زى الموديل القديم ,, الريو مسقتهاش فمش هحكم عليها لكن من شكلها الخارجى وارتفاعها عن الاارض اعتقد انها اثبت شويه


النيسان تاخدها لو عاوز رحابه ووسع وشنطه بحر تشيل الشقه كلها فيها :d وتوفير بنزين جامد جدا و فى نفس الوقت اعتماديه و اسعار صيانه رخيصه
الريو شكل افضل واوبشن احلى وشبابيه اكتر لكنها اديق من النيسان و اصغر فى المساحه واغلى فى السعر بفارق غير مبرر

لو مكانك ,, نيسان

[M I D O]

كيا ريو لو هاي لاين غير كدة يبقي بيجو 301 احسن من ال 2

[maybe]

شكرا للجميع على المساعدة والمعلومات المفيدة ... جزاكم الله خيرا

[Silent~Dream]

لو مكانك هجيب البيحو 301 عربيه محترمه تقفيل اوروبى تحديدا فى مصنع بيجو فى اسبانيا و افضل من ال 2 كتقفيل و جوده و موتور و تسارع و فرامل و استهلاك بنزين معقول توكيلها ادائه كويس وقطع غيارها اسعارها كويسه جدا

http://www.nilemotors.net/Nile/381727-301.html

http://www.nilemotors.net/Nile/360846-301.html

[elweshahy]

بصراحه انا كان عندي نفس مشكلتك بس رحت علشان أسال عن العربيه الريو قالولي تحجزها و تستلم بعد 3 شهور قمت رحت على النيسلن الصني سوبر صالون قالولي تستلم بعد 45 يوم قولت خلاص خليني في النيسان

[S O P H O S]

اميل للكيا كرأي فقط

[J A G U A R]

ريو افضل

[amgomaa]

أنا معجب بكيا ريو ... بس توكيل نسيان أسمع أنه محترم
أنا هاساعدك في المقارنة: اكتب الافضل جنب كل معيار
التوكيل ....نيسان
البنزين ....نيسان
قطع الغيار ... نيسان
اعادة البيع ....نيسان
الفخامة ....نيسان
الاعتمادية والأصالة ....كيا
العفشة ....نيسان

معلومة الاسرة 3 أفراد فقط السن 42 سنة
شكرا ... تحياتي

كتبت اختياراتى فوق بس احب ان كيا تكسب فى جودة التقفيل والشكل الداخلى و الكماليات ونيسان فى الوسع

[fares_311]

السلام عليكم

في رأيي الريو افضل في الشكل والفخامه والثبات وتقفيل بلدها وكده كده انت عيلتك 3 افراد بس فمش حتحتاج اكبر من كده

وبرده نصيحه زي ما قالوا الاخوه هنا بصلك بصه على ال301 حتعجبك

[drcobra]

رأى الكيا لو داخل البلد ومش هتحمل كتير
نسيان لو هاتسافر كتير وعائلة
فعلا العربية انت عايز اية منها

انا معايا اكسنت ار بى 2012 عاملة 79000 كيلو الحمد لله مغيرتش غير فلاتر وزيت بس لو حد راكب ورا او شايل حاجة تقيلة فى الشنطة ببقى نفسيا تعباااااااااااااان والله دى عربية سيتى وفى الجرى تغريك لكن برضو خفيفة