شيفروليه أوبترا - نيسان صنى سوبر صالون

[محمد سماحة]

السلام عليكم و رحمة الله و بركاته
يا ريت حد يفيدنى يا شباب مش عارف اجيب ايه علما بأنها اول عربية ليا
الصنى سوبر صالون 120 الف بيقول فيها مشاكل كتير و تقفيلها المصري مش حلو
الاوبترا الاوتوماتيك ب 117 الف مفهاش اوبشنز كتيرة محدش اشتكى منها كتير

ايه الاحسن منهم ؟ و هل فى سيارة ممكن تكون احسن من الاتنين فى نفس الفئة السعرية ؟ غير البيجو 301
انا عارف انى مش هاقدر اجيب عربية فيها كل حاجة - كل واحد عل اد فلوسه
ياريت تفيدونى جزاكم الله خيرا

[saddam]

صديقي المواطن
النيسان صني بكل مشاكلها المزعومة وضيف عليهم 10 مشاكل خيالية من دلوأني لسه حتطلع في المستقبل ستظل قولا واحدا أفضل وأعلى من العربية الكئيبة قديمة الشكل أوبترا وربنا يوسع رزقك وتركب أحسن عربية في مصر بس أنا عندي تركب جيلي صيني إم جراند7 وبلاش تفكر في أوبترا مع اﻹعتذار لكل حبايبي من ملاك أوبترا منهم ناس أعزاء على قلبي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[svneleven]

و الله أنا شايف أن الأوبترا سيارة بلا مشاكل تذكر. شكلها القديم أحسن من الشكل نيسان صني الجديد مع الاعتذار لجميع ملاكها. كمان الأوبترا جراية و قطع غيارها في كل مكان و رخيصة و الميكانيكية حفظوها. لو تلاقي نيسان القديمة ممكن تكون اسم و شكل أحلي من الأوبترا.

[J A G U A R]

رغم ان الاوبترا شكلها قديم ومن 2004 لكن شكلها افضل بمراحل من صنى الجديده والقديمه مع احترامى الكامل لملاك صنى .

[S O P H O S]

الاوبترا اميل ليها اكتر

[ahmzd]

و الله أنا شايف أن الأوبترا سيارة بلا مشاكل تذكر. شكلها القديم أحسن من الشكل نيسان صني الجديد مع الاعتذار لجميع ملاكها. كمان الأوبترا جراية و قطع غيارها في كل مكان و رخيصة و الميكانيكية حفظوها. لو تلاقي نيسان القديمة ممكن تكون اسم و شكل أحلي من الأوبترا.

أتفق مع هذا الكلام تماما ما عدا موضوع نيسان القديمة هذا لأنها ضيقة جدا خصوصا فيما يخص ركاب الخلف!

[amr011111]

الاوبترا عربيه محترمه جداً وواسعه من الداخل طولاً وعرضاً وخاماتها الداخليه افضل من الصنى

الصنى من الداخل واسعه طولاً ولكنها اقل وسعاً بالعرض من الصنى

بس الصنى تتفوق على الاوبترا بكذا حاجه زى الاتنين الايرباج والفرامل abs+ba+ebd
وفئه السوبر صالون تزيد زجاج خلفى فاميه وجنوط وسبويلر


بس السبب القوى اللى يخليك تجيب الصنى هوه وجود ايموبلايزر خاصة فى ظل ظروف البلد وازدهر عصر الحراميه وخفوت عصر الشرطه:)

[islamabady1980]

ياجماعه حد ممكن يقولي اين يوجد مكان رقم الشاسيه في النيسان الصني السوبر صالون 2014
وفين في الاسكندريه احسن واحد افصل عنده فرش للعربيه