ما هى افضل سيارة 1600 من حيث استهلاك البنزين

[sameh_ahm]

أنا جربت عربيات كتيره باستغرب من اللي بيقول جين٢ لانها بتاكل بنزين كتير
الأفضل في اللي جربته علي الإطلا هونداق سيفيك يليه اللانسر
أما اكتر العربيات اللي بتآكل بالترتيب كارينز - جين ٢- اوبترا

[khaled181169]

اليابانى دايما اوفر مع اعطاء السيارة عزم عالى وبالأخص هوندا وتويوتا

[mhkorayem]

لكن الى اعرفه ان فى عربيات مشهورة باستهلاكها المرتفع...

على رأسهم التريوس (بلاعة بنزين) 150 كيلو فى الصفيحه جوه البلد

يليها الماتريكس (حوت بنزين) من 160 الى 180 كيلوا جو

الفيرنا والالنترا والسراتو والانسر معقولين يعنى..مش عارف ارقامهم ايه..بس اكيد احسن من المتركس والتيريوس....

اسمحلي أقول لحضرتك ان الكلام ده مش دقيق وانا مش هتكلم على التريوس لاني مجربتهاش لكن اللي أقدر أكلمك عليه الماتريكس لان بعد استخدامها لمده 6 سنوات ولحد دلوقتي فأقدر اقول لك انها مش حوت بنزين خالص بالعكس العربيه دي استهلاكها في البنزين هايل يعني لما تكون العربيه بتعمل متوسط 235 كم في الصفيحه بالتكيف قياده داخل البلد وعلى الدائري تبقى نسبه جيده جداً
أما بالنسبه بقى للسيراتو فاللي أنا أعرفه انها بتاكل بنزين زياده عن الماتريكس وده من خلال مقارنه بين عربيتي وعربيه ابن خالتي السيراتو اللي هو بيشتكي من استهلاكها العالي للبنزين
أما بخصوص باقي العربيات فمش هقدر افيدك فيها بصراحه عشان معرفش أخبار استهلاكها للبنزين ايه

[Hazeeeeem]

رغم ان الكورسا مش فى المقارنه
بس اسمحولى اقول رأيي
الاوبل كورسا سيدان 1600 cc
فى الصفيحه جوه البلد 250 : 270
على الطوالى 300 : 320
وطبعا لو العربيه مظبوطه

[K.Ossama]

رغم ان الكورسا مش فى المقارنه
بس اسمحولى اقول رأيي
الاوبل كورسا سيدان 1600 cc
فى الصفيحه جوه البلد 250 : 270
على الطوالى 300 : 320
وطبعا لو العربيه مظبوطه

فعلاً
ده كلام صحيح

[A7medelfe2y]

استهلاك البنزين في اوبترا ونوبيرا وجين تو مع التكييف زي الزفت عن تجارب اصحابي

[ahmzd]

استهلاك البنزين في اوبترا ونوبيرا وجين تو مع التكييف زي الزفت عن تجارب اصحابي

+1111111
والياباني عموما أحسن من الكوري، والله أعلم .

[khaled458]

الجولف و الليون اكثر عربيتين مش بيستهلكوا بنزين احسن من اي موتور 1600.

[limo81]

استهلاك السيارات ذات cvt افضل و عن تجربة

[ahmzd]

استهلاك السيارات ذات cvt افضل و عن تجربة

متفق مع حضرتك تماما وبرضه عن تجربة!

[bassemali]

والله أنا معايا إسبرانزا 516 وإستهلاكها للبنزين كويس لو إتبعت الطريقه الصحيحه للسواقه داخل المدينه عموما (وف مصر خصوصا) وهي إن الأر بي إم مايعديش ال 3 أبدا وده هيكون على حساب أداء العربيه وسحبها نوعا ما ولكنك هتتعود عليه بعد فتره قصيره وهيوفر معاك كتير ف البنزين .. جوه البلد الصفيحه بتعمل معايا من 190 إلى 200 كيلو .. وعلى طرق السفر لا ماشاء الله ممكن تعمل حوالي 250 إلى 270 كيلو كمان .. طبعا نأخذ ف الحسبان إن العربيه تقيله جدا (1280 كجم وزن)

[pharonicking]

الكورولا """

[Moratoz]

نيو أكسنت وطريق داخلي علي دائري بتعمل متوسط من 220 الي 250 ونصف المسافة بالتكيف

[AhmdDomar]

الأيدي موفره أوي

[AhmdDomar]

أقصد التيدا موفره أوي