سيراتو 2013 Vs ريو 2014

[shouk_1987]

السلام عليكم يا رجالة نايل موتورز

مقارنة غريبة نوعا ما بس لهدف معين في دماغي و ان شاء الله هشاركوا بيه بس لما اشوف كده نتيجة المقارنة

حد يقدر يقولي تقريبا كده أيهما أشد في السحب
أنا معظم طريقي طريق سريع و النقطة ديه مهمة جدا معايا
و ايه أخبار التكييف علي السحب مقارنة بالسيراتو
و بردوه الثبات مقارنة بالسيراتو و ليس في المجمل
أنا عارف ان فرق الماتور مش قليل
بس الريو أخف وزنا و شكلها بيقول أرشق بكتير
برده استهلاك البنزين، هل الريو أقل بكتير من السيراتو و لا زي بعض تقريبا
أسعار قطع الغيار برده
أنا بتكلم عن الريو هاتش أوتو
و السيراتو 2013 الشيب القديم الفتيس الست السرعات

من الاخر يا جدعان لو انت هتشتري و مش فارق معاك المساحة عشان انتو فردين بس و قدامك السيراتو ديه حالتها نظيفة جدا ( بتاعك أخوك مثلا و متأمد من استعماله ) و عاملة 30 ألف كم و اوبشنز معقولة جدا مع وجود أمان زي abs و airbags 2
و لا ريو زيرو مع وجود نفس الاوبشنز و ممكن أكتر و من غير abs ( فئة عالية بس مش هاي لاين )
و لا ريو هاي لاين متغربلة أوبشنز و أمان زي الهاي لاين أعلي فئة بتاعها ( بس ديه هتكون أغلي من السيراتو ب سيكا )
لو قدامك الاتنين أيهما تفضل علما بأنك بتاخد طرق سريعةكتير عشانساكن بعيد
و ألف شكر يا رجالة مقدما

Sent from my Galaxy S3 using Forum Runner

[عصام غنايم]

فى رأيى السيراتو

موتور اقوى وده هيفرق معاك فى الجرى

استهلاك بنزين الأتنين متقارب بين الأتنين

وطبعاٌ امان اعلى فى السيراتو

[svneleven]

السيراتو عشان شكلها أحلي و كاتيجوري أعلي. لكن أظن كل حاجة تاني زي بعض.

[محمد بدر]

السيراتو

[2CODE]

اعتقد انك بتتكلم عن السيراتو الشكل القديم

لو السيراتو الشكل القديم يبقى الريو الشكل الجديد تكسب بلا منافس

انما لو الشكل الجديد يبقى عندك فرق ان الريو تكسب وسائل امان اعلى في الفرامل abs - ebd يعني معاك فرامل اقوى
الثبات في الشكل الجديد للسيراتو والريو غير الشكل القديم خالص - هتشوف ثبات اعلى من الشكل القديم للسيراتو بمراحل لان نظام التعليق متعدل عن الشكل القديم

[shouk_1987]

اعتقد انك بتتكلم عن السيراتو الشكل القديم

لو السيراتو الشكل القديم يبقى الريو الشكل الجديد تكسب بلا منافس

انما لو الشكل الجديد يبقى عندك فرق ان الريو تكسب وسائل امان اعلى في الفرامل abs - ebd يعني معاك فرامل اقوى
الثبات في الشكل الجديد للسيراتو والريو غير الشكل القديم خالص - هتشوف ثبات اعلى من الشكل القديم للسيراتو بمراحل لان نظام التعليق متعدل عن الشكل القديم

أنا بتكلم عن السيراتو الجيل الي من 2008 ل 2013
بس السيراتو المقصودة، فيها abs و اتنين airbags و مش متأكد فيها ebd ولا لأ
و لعلمك ال abs مش بيدي قوة في الفرامل هو مجرد مش بيخلي العجل يقفش ياعني طالما العجل ماقفّش يبقي مش فارقة ولكن ال ebd اتفق معاك لأن قوة الفرامل بتتوزع علي الاربع عجلات
طب و نظام التعليق مختلف ف ايه
مش الاتنين torsion beam خلفي

Sent from my Galaxy S3 using Forum Runner

[2CODE]

أنا بتكلم عن السيراتو الجيل الي من 2008 ل 2013
بس السيراتو المقصودة، فيها abs و اتنين airbags و مش متأكد فيها ebd ولا لأ
و لعلمك ال abs مش بيدي قوة في الفرامل هو مجرد مش بيخلي العجل يقفش ياعني طالما العجل ماقفّش يبقي مش فارقة ولكن ال ebd اتفق معاك لأن قوة الفرامل بتتوزع علي الاربع عجلات
طب و نظام التعليق مختلف ف ايه
مش الاتنين torsion beam خلفي

Sent from my Galaxy S3 using Forum Runner

دخلت ارد عليك مخصوص رغم اني مش هدخل ارد تاني في المنتدى هنا

عموماً السيراتو يا فندم اللي بتنزل مصر عمرها مانزلت بمواصفات فيها EBD
برا مصر السيراتو فيها ABS - EBD - ESP - 6AIRBAGS حاجة محترمة في وسائل الامان

انما جوه مصر اخرها ABS ومفيش EBD نهائي

وقوة الفرامل اللي بتكلم عليها هي في EBD اللي موجود بس في الريو هاي لاين انما طبعاً مش الـABS علشان كده فرامل الريو اقوى فعلياً من السيراتو احنا بنتكلم على تكنولوجيا وسائل امان ومواصفات

بالنسبة لنظام التعليق كلهم تورشن بيم صحيح لكن الـTune مختلف من الشكل القديم للجديد

لعلمك التورشن بيم كل شركة بتعمل له tune مختلف يعني مثلاً عندك السكودا دلوقتي نازلة تورشن بيم في 2014 زمان مكنتش بتستعمل تورشن بيم

كل شركة ليها تصميم مختلف عن التاني في التورشن بيم كـtune

[shaaban2008]

الريو طبعا

[shouk_1987]

دخلت ارد عليك مخصوص رغم اني مش هدخل ارد تاني في المنتدى هنا

عموماً السيراتو يا فندم اللي بتنزل مصر عمرها مانزلت بمواصفات فيها EBD
برا مصر السيراتو فيها ABS - EBD - ESP - 6AIRBAGS حاجة محترمة في وسائل الامان

انما جوه مصر اخرها ABS ومفيش EBD نهائي

وقوة الفرامل اللي بتكلم عليها هي في EBD اللي موجود بس في الريو هاي لاين انما طبعاً مش الـABS علشان كده فرامل الريو اقوى فعلياً من السيراتو احنا بنتكلم على تكنولوجيا وسائل امان ومواصفات

بالنسبة لنظام التعليق كلهم تورشن بيم صحيح لكن الـTune مختلف من الشكل القديم للجديد

لعلمك التورشن بيم كل شركة بتعمل له tune مختلف يعني مثلاً عندك السكودا دلوقتي نازلة تورشن بيم في 2014 زمان مكنتش بتستعمل تورشن بيم

كل شركة ليها تصميم مختلف عن التاني في التورشن بيم كـtune

يا باشا ردك ده علي راسي من فوق بس دماغك من أي حد ضايقك قبل كده
أديك يا عم كسبت صديق بدل عداوة
طيب ياعني انت دلوقتي بتقول صراحة الاختيار لريو بس تكون فيها أمان من abs/ebd و airbags

بالنسبة للوكيل ال safety موجود ف الهاي لاين بس كعادة الكوري و التخلف بتاعهم علي أساس ان ديه كماليات و الجنوط أساسيات و ديه ب 148 ألف جندي و للعلم الوكيل كله جنط 15 عرض 185 ( مش داخل مزاجي مقاس الكاوتش بس ما علينا ) بس العربية مش ناقصة الهوا معادا التكييف مش تاتش في الوكيل كله و تقريبا مفيش سينسورز بس مش متأكد لسا

و بالنسبة للخليجي سألت في كذه معرض من المشهورين و منهم سمير ريان و لاقيت ان في فئات كتير بس كل الي سألت فيهم مجمعين ان ال abs/ebd في الهاي لاين بس برده و ديه تتراوح من 145 الي 148 حسب لو في اختلاف ف الاوبشنز و المعرض و طبعا العيب الرئيسي في ديه هو الباشا الجنط ال 17 أبو شفة جنان و بلالين و نشوفية عفشة و أرف ( بس شكله حلو أوي ابن الذينا )

ياعني مثلا أنا مش عايز حساس اضاءة و لا مثبت سرعة و لا فتحة سقف و لا جنط 17 لأني ببساطة ميفرقوش معايا و عايز الباقي عشان سعرها يقل و يضبط ( لو حد يعرف فئة زي ديه يقول بسرعة )

حاجة أخيرة و أنا أسف علي الاطالة
لو السيراتو الي بتكلم عنها مواصفاتها كالاتي :
-الماتور معروف و الفتيس 6 نقلات مع paddle shifters في الطارة
-ايموبليزر
-تكييف بكر ( مش تاتش )
-فرش قماش مطرز زي الطارة
-بلوتوث
- عداد رحلات متطور و عدادات رياضية
-أabs & 2 airbags
-سينسورز
-جنط 205/55/16 لونه و شكله جديد شوية و مقاسه تحفة لشوارعنا
-ليدات في الفوج
ومش موجود فيها الاتي :
- تكييف تاتش
- مرايات ضم
-فتحة سقف
-سمارت كي
-سخانات المرايات الجانبية
-كاميرا خلفية
-اي اس بي esp
-اي بي دي ebd بس مش متأكد من ديه لسا
(الي فات ده كله في الكتالوج بس كله مكتوب اذا كان مجهزا)

لو السيراتو ديه عاملة 30 ألف كم و معظمهم طريق سريع

Sent from my Galaxy S3 using Forum Runner

[shouk_1987]

لو السيراتو ديه عاملة 30 ألف كم و لسه في الضمان و معظمهم طريق سريع و بتاعة حد انت شايفها كل يوم و متأكد انها نظيفة جدا
للأمانة أخرك تدفع فيها كام و هاتجيبها و لا هتختار الريو علما بأن المساحة مش فارقة معانا دلوقتي
و شكرا ليكوا يا جماعة جدا و ليك يا 2code باشا

Sent from my Galaxy S3 using Forum Runner

[M I D O]

بفضل السيراتو

[2CODE]

يا باشا ردك ده علي راسي من فوق بس دماغك من أي حد ضايقك قبل كده
أديك يا عم كسبت صديق بدل عداوة
طيب ياعني انت دلوقتي بتقول صراحة الاختيار لريو بس تكون فيها أمان من abs/ebd و airbags

بالنسبة للوكيل ال safety موجود ف الهاي لاين بس كعادة الكوري و التخلف بتاعهم علي أساس ان ديه كماليات و الجنوط أساسيات و ديه ب 148 ألف جندي و للعلم الوكيل كله جنط 15 عرض 185 ( مش داخل مزاجي مقاس الكاوتش بس ما علينا ) بس العربية مش ناقصة الهوا معادا التكييف مش تاتش في الوكيل كله و تقريبا مفيش سينسورز بس مش متأكد لسا

و بالنسبة للخليجي سألت في كذه معرض من المشهورين و منهم سمير ريان و لاقيت ان في فئات كتير بس كل الي سألت فيهم مجمعين ان ال abs/ebd في الهاي لاين بس برده و ديه تتراوح من 145 الي 148 حسب لو في اختلاف ف الاوبشنز و المعرض و طبعا العيب الرئيسي في ديه هو الباشا الجنط ال 17 أبو شفة جنان و بلالين و نشوفية عفشة و أرف ( بس شكله حلو أوي ابن الذينا )

ياعني مثلا أنا مش عايز حساس اضاءة و لا مثبت سرعة و لا فتحة سقف و لا جنط 17 لأني ببساطة ميفرقوش معايا و عايز الباقي عشان سعرها يقل و يضبط ( لو حد يعرف فئة زي ديه يقول بسرعة )

حاجة أخيرة و أنا أسف علي الاطالة
لو السيراتو الي بتكلم عنها مواصفاتها كالاتي :
-الماتور معروف و الفتيس 6 نقلات مع paddle shifters في الطارة
-ايموبليزر
-تكييف بكر ( مش تاتش )
-فرش قماش مطرز زي الطارة
-بلوتوث
- عداد رحلات متطور و عدادات رياضية
-أabs & 2 airbags
-سينسورز
-جنط 205/55/16 لونه و شكله جديد شوية و مقاسه تحفة لشوارعنا
-ليدات في الفوج
ومش موجود فيها الاتي :
- تكييف تاتش
- مرايات ضم
-فتحة سقف
-سمارت كي
-سخانات المرايات الجانبية
-كاميرا خلفية
-اي اس بي esp
-اي بي دي ebd بس مش متأكد من ديه لسا
(الي فات ده كله في الكتالوج بس كله مكتوب اذا كان مجهزا)

لو السيراتو ديه عاملة 30 ألف كم و معظمهم طريق سريع

Sent from my Galaxy S3 using Forum Runner

لا دي مشاكل قديمة هنا مع المنتدى نفسه بس انا هتابع معاك لغاية ما اخلص موضوعك

شوف حاجة تحطها في دماغك دايماً - وكيل كيا هنا في مصر اعلى وسائل امان نزلها في عربية كانت في الريو ABS - EBD - 2 AIRBAGS برا مصر هتلاقي الكلام الكبير بقى ESP - BA - 6 AIRBAGS وكلام حلو اوي

اللي مكتوب في الكتالوج لو تلاحظ كلمة اذا كانت سيارتك مجهزه بذلك لان الكتالوج واحد للعالم كله ومترجم بمليون لغة

طبعاً سيبك من الجنط 17 اللي في السيراتو خليك في الـ15 ريو وكيل ده جنط مناسب ولايمكن يعمل بلالين معاك متخفش هو كده مش low profile دي ليها حسابات تانية

انا رأيي يروح للامان ونظام التعليق الجديد والفرامل الاقوى والاتنين كمالياتهم ممتازه ورأيي اكتر من كل ده يروح للزيرو والشكل الجديد

فطبعاً مفيش وجه مقارنة عارف لو كانت السيراتو الشكل الجديد كنا بدأنا نتكلم انما طالما معاك القدره على الريو هاي لاين يبقى توكل على الله 10\10 سيارة بدون اي مشاكل او اخطاء من كيا

[shouk_1987]

لا دي مشاكل قديمة هنا مع المنتدى نفسه بس انا هتابع معاك لغاية ما اخلص موضوعك

شوف حاجة تحطها في دماغك دايماً - وكيل كيا هنا في مصر اعلى وسائل امان نزلها في عربية كانت في الريو ABS - EBD - 2 AIRBAGS برا مصر هتلاقي الكلام الكبير بقى ESP - BA - 6 AIRBAGS وكلام حلو اوي

اللي مكتوب في الكتالوج لو تلاحظ كلمة اذا كانت سيارتك مجهزه بذلك لان الكتالوج واحد للعالم كله ومترجم بمليون لغة

طبعاً سيبك من الجنط 17 اللي في السيراتو خليك في الـ15 ريو وكيل ده جنط مناسب ولايمكن يعمل بلالين معاك متخفش هو كده مش low profile دي ليها حسابات تانية

انا رأيي يروح للامان ونظام التعليق الجديد والفرامل الاقوى والاتنين كمالياتهم ممتازه ورأيي اكتر من كل ده يروح للزيرو والشكل الجديد

فطبعاً مفيش وجه مقارنة عارف لو كانت السيراتو الشكل الجديد كنا بدأنا نتكلم انما طالما معاك القدره على الريو هاي لاين يبقى توكل على الله 10\10 سيارة بدون اي مشاكل او اخطاء من كيا

أولا يا باشا كلامك جميل و انت شخص محترم جدا و أكيد الي مضايقك ده هو الي غلطان
الفكرة بقي انا مش معايا فلوس الهاي لاين
و عشان ابقي صريح و من الاخر أنا أصلا معايا السيراتو الي بنتكلم عليها وهي جميلة جدا و عجباني بس أنا مزنوق في فلوس جامد و مش محتاج مساحة السيدان تقدر تقول ل 5 سنين قدام أو اكتر كمان
فا انا كنت فاكر اني اقدر ابيع السيراتو و اجيب الريو و اطلع ب 10 الاف فرق انا محتاجه خصوصا ان العربية لسا عليها اكياس في كذه حتة و حالتها لقطة
بس بالاسعار ديه يبقي هزود عشان أجيب الريو الهاي لاين و ده مستحيل حاليا
ممكن كده تقّدر معايا السيراتو تعملها كام
ياعني لو انت هاتشتري الحالة ديه أخرك فيها كام
و بجد يا باشا أنا تاعبك معايا جدا

Sent from my Galaxy S3 using Forum Runner

[mmedali1978]

أولا يا باشا كلامك جميل و انت شخص محترم جدا و أكيد الي مضايقك ده هو الي غلطان
الفكرة بقي انا مش معايا فلوس الهاي لاين
و عشان ابقي صريح و من الاخر أنا أصلا معايا السيراتو الي بنتكلم عليها وهي جميلة جدا و عجباني بس أنا مزنوق في فلوس جامد و مش محتاج مساحة السيدان تقدر تقول ل 5 سنين قدام أو اكتر كمان
فا انا كنت فاكر اني اقدر ابيع السيراتو و اجيب الريو و اطلع ب 10 الاف فرق انا محتاجه خصوصا ان العربية لسا عليها اكياس في كذه حتة و حالتها لقطة
بس بالاسعار ديه يبقي هزود عشان أجيب الريو الهاي لاين و ده مستحيل حاليا
ممكن كده تقّدر معايا السيراتو تعملها كام
ياعني لو انت هاتشتري الحالة ديه أخرك فيها كام
و بجد يا باشا أنا تاعبك معايا جدا

sent from my galaxy s3 using forum runner

اذا حضرتك بتفكر تبيع شوف السعر كام وقولي علشان انا بدور وربك يعمل اللى فيه الخير وانا بعت لحضرتك رساله على الخاص :)

[shouk_1987]

اذا حضرتك بتفكر تبيع شوف السعر كام وقولي علشان انا بدور وربك يعمل اللى فيه الخير وانا بعت لحضرتك رساله على الخاص :)

يا باشا أديني عمال أقلبها في دماغي و بشوف بس المشكلة ان السوق موّلع و أخوك علي الحديدة
ربك يسهلها

Sent from my Galaxy S3 using Forum Runner