محتار اجيب أيه ماركة مشهورة موديل قديم ولا ماركة مش مشهور موديل جديد ؟؟؟؟؟

[georock]

شباب هايز مساعدة
أنا مقيم فى قطر ومعايا فى حدود 25000 ريال ومحتار أجيب أيه
أولا بروتوت ساجا موديل 2012 فول أوبشن عامل حوالى 12000 كيلو متر
ثانياً نيسان صنى موديل 2007 - 2008
ثالثاً تويوتا كورلا موديل 2003 - 2004
رابعاً موتسيشى لانسر بومة موديل 2009
خامساً شيفورليه أوبترا موديل 2009
سادسا كيا ريو موديل 2010

أنصحونى يا جماعة أختار أيه
أنا بصراحة ميال للبروتون ساجا بس الكل بيخوفنى منها

بصريح العبارة أجيب ماركة مشهورة موديل قديم ولا أجيب ماركة مش مشهورة موديل حديث

[speranz]

لانسر بومة
بس هو انت هتشتريها فى قطر ولا فى مصر

[georock]

لانسر بومة
بس هو انت هتشتريها فى قطر ولا فى مصر

أنا حجيبها فى قطر وأختيارك على أساس أيه وكمان أنا سمعت أن تكييف البومة مش أد كده و عندنا فى قطر بيشتكوا منه إلا لو ركبت للعربية عازل حرارى بيتحسن اداءه شوية

[Hosam_Optrawy]

بلاش الساجا ياباشا مش موجوده هنا خالص ولا البروتون عموما

فى الإختيارات اللى انت قولتها , خليك فى البومه وأمرك لله , وعلى فكره تكييفها حلو

[georock]

بلاش الساجا ياباشا مش موجوده هنا خالص ولا البروتون عموما

فى الإختيارات اللى انت قولتها , خليك فى البومه وأمرك لله , وعلى فكره تكييفها حلو

شكرا يا باشا بس ياريت حضرتك تقولى أيه سبب أختيار البومة و على فكرة التكييف بتاعها حلو للكراسى الأمامية بس اللى على الكنبة بيتسلق فى الصيف وده عن تجربة وخاصة فى البومة الجنوب أفريقى

[Hosam_Optrawy]

شكرا يا باشا بس ياريت حضرتك تقولى أيه سبب أختيار البومة و على فكرة التكييف بتاعها حلو للكراسى الأمامية بس اللى على الكنبة بيتسلق فى الصيف وده عن تجربة وخاصة فى البومة الجنوب أفريقى

مبدأيا مفيش لانسر جنوب إفريقى , كله يابانى

وبصراحه مجربتش اللى قاعد ورا نظامه إيه مع التكييف

سبب إختيارى البومه هى ميزانيتك , المبلغ دا يجيب بومه أو تيدا أو صنى , ولو زودت ل 30 الف ممكن سيفيك أو مازدا 3 أو لانسر شارك بس هاتتعب شويه على ماتلاقى حاجه لقطه وحالتها نضيفه لان الموديلات دى من الحاجات المنتشره ومعظمها هايبقى هلكان وفى منها بيبقى شغال إيجار

[georock]

مبدأيا مفيش لانسر جنوب إفريقى , كله يابانى

وبصراحه مجربتش اللى قاعد ورا نظامه إيه مع التكييف

سبب إختيارى البومه هى ميزانيتك , المبلغ دا يجيب بومه أو تيدا أو صنى , ولو زودت ل 30 الف ممكن سيفيك أو مازدا 3 أو لانسر شارك بس هاتتعب شويه على ماتلاقى حاجه لقطه وحالتها نضيفه لان الموديلات دى من الحاجات المنتشره ومعظمها هايبقى هلكان وفى منها بيبقى شغال إيجار

شكراً يا باشا ربنا يسهل و ألاقى حاجة لقطة