البيجو301 ولا الكروز

[mohbasyouni]

كروز الافضل

[Mohamed.Ramah]

لازم تحدد أى فئة عاوز تشتريها
البيجو 301 و الأكسينت Rb ومتسوبيشى لانسر فئة

شيفورلية كروز فئة أعلى

من خلال الأختيارات انت بتدور على عربية فى حدود 130.000 ل 150.000 لازم تحدد الفئة علشان نقدر نساعدك

بشكل عام العربيات المتوفرة بالمبلغ دة وترتيبهم على حسب الفئة ( تيوتا ياريس - هيونداى أكسينت - كيا ريو -بيجو 301 - ستروين سى اليزية -ميتسوبيشى لانسر tj )

أفضلهم كأختيار بيجو أو الستروين (سيارة واحدة مع أختلاف الشكل فقط)
يليهم كيا ريو
هيونداى أكسينت
تيوتا ياريس (غيرمنافسة سعرياً وأقل موتور فى السيارات المذكورة)
ميتسوبيشى لانسر tj مش شايف بصراحة سبب مقنع أنى أشترى عربية محتفظة بشكلها وتجهيزاتها من سنين وتباع بسعر أعلى فحخرجها من المنافسة

-الفئة الأعلى فى حدود المبلغ (متسوبيشى لانسر EX- هيونداى النترا - كيا سيراتو -شيفورلية كروز )
بالترتيب

كيا سيراتو
شيفورلية كروز
هيونداى النترا
ميتسوبيشى لانسر Ex .

[maio_do]

دى فئة ودى فئة

[ahmzd]

أنا رأيي - وبغض النظر عن الفئات - بيجو 301.

[abohend]

لو السعر عامل في الإختيار

الترشيح له وجهين
1- لو معاك المبلغ و مش فارقة معاك الكروز أفضل
2- لكن لو دخلت السعر كعامل في المقارنة يبقى أكيد ال301 (مش فرق كبير بينها و بين الكروز و في نفس الوقت 25 ألف في جيبك)

[a7medsh3rawi]

قبل ما تقارن السيارات لازم تقارن العقل والعامل البشرى اللى انتج السياره طبعا فى صالح الفرنسى
من حيث الرياده فى الصناعه وتاريخ الشركه المصنعه وجودة التصنيع طبعا فى صالح الفرنسى
من حيث الشعار وانتماء السياره طبعا فى صالح الفرنسى
ابدا برواد الصناعه:
1- المانيا
2- فرنسا
3- امريكا
4- انجلترا
5- اليابان
6-كوريا

هذا اجتهاد منى بذلك والله تعالى أعلى وأعلم

[mhkorayem]

الكروز طبعاً افخم واكبر
بس لما فكرت فيها وسالت 3 من ملاكها
2 قالولي عندهم مشاكل في الجيربوكس و1 قالي خساره فيها الفلوس
عشان كده تبقى البيجو اضمن شويه
بس انا لو بشتري في الرنج ده هشتري لانسر شارك
وعموماً برضوا اسأل ملاك العربيه هيفيدوك اكتر بس حاول تتاكد من موضوع الجيربوكس ده على قد ما تقدر

[ahmzd]

لم أرَ خلافا حول احترام البيجو، ولم أسمع شكوى من ملّاكها، فضلا عن عراقة اسمها، وحُسن سيرتها، وطِيب سُمعتها.. لهذا لا أرى في فئتها السعريّة ما هو أفضل منها.. والله أعلم.

[ابو هنا]

كروز طبعا و بلاش كل واحد ينحاز لعربيته و خلاص خصوصا ملاك البيجو 301

باشا مفيش تحيز ولا حاجه من ملاك البيجو ، انا حاجز 301 هاي لاين ولكن لو كان معايا ثمن الكروز وفيها نفس كماليات 301 اكيد كنت حشتري الكروز ،

[M_SALLAM]

كروز طبعا انت بتتكلم فى ايه !
بس فرق السعر لصالح الــــــ 301 .....

[M_SALLAM]

قبل ما تقارن السيارات لازم تقارن العقل والعامل البشرى اللى انتج السياره طبعا فى صالح الفرنسى
من حيث الرياده فى الصناعه وتاريخ الشركه المصنعه وجودة التصنيع طبعا فى صالح الفرنسى
من حيث الشعار وانتماء السياره طبعا فى صالح الفرنسى
ابدا برواد الصناعه:
1- المانيا
2- فرنسا
3- امريكا
4- انجلترا
5- اليابان
6-كوريا

هذا اجتهاد منى بذلك والله تعالى أعلى وأعلم

يا باشا مع احترامى لحضرتك انا بختلف معاك فى الرأى .
زمان ممكن نقول كلام حضرتك صحيح 100% لكن دلوقتى اختلف معك انت عندك سيارات كورية تنافس الاوربية و بجدارة كمان و بعدين مفيش شك ان الكورى مشاكله اقل بكتير من الاوروبى و اسعار قطع غياره ارخص بكتير و بعدين البيجو مش تقفيل بلدها

[drcobra]

كروز

[K.Ossama]

أظن الكروز أحسن فى كل حاجة

[ENG.MaRk]

-انا أفضل الكروز لأنها فئة أعلي و هذا لا يسيء للبيجو لأنها من أفضل العربيات في فئتها
-البيجو سحبها أحسن بكتير من الكروز و بحس إن خامات التابلوه أحسن
-فرق السعر لصالح البيجو
-سمعت إن فيه مشاكل في تيل الفرامل و الكلام ده من ملاكها ... لو مش فارق معاك موضوع التيل ده يبقي توكل علي الله و انزل اشتري البيجو حالا و ماتترددش لأنها جميلة شكلا و موضوعا
-الكلام ده بدون تحيز لأي من السيارتين و لكن أنا لو في موقف حضرتك و في نفس الحيرة كنت اخترت البيجو لأني أولي بفرق السعر و كمان الفرق مش خارق بينهم يمكن فيه نقاط كمان تتفوق فيها البيجو