عايز عربية جديدة و تكون عالية

[Omar Hammoudy]

السلام عليكم ، أنا عضو جديد في المنتدى و بصراحة قبل ما أبتدي أحب أشكركم على المنتدى الجميل المفيد ده ندخل فل موضوع بقى أنا كنت ناوي أبيع يل النترا بتاعتي و هي موديل 2012 و استبدلها ب عربية عائلية أكبر و اعلا عن الارض دورت كتير و وصلت لي عربية من التالتة

1) هيونداي IX35
2) نيسان Qashqai
3) Peugeot 3008

أنا كنت شوفت البيجو 308 SW و بصراحة عجبتني اوي بس ليل أسف أنا معرفش كتير عنها ياريت لو حد فيك يقدر يفيدني ميتاخرش.

[speranz]

نيسان قشقاى

[mahmoud869]

قشقاي

[Omar Hammoudy]

متشكر جدا على تفاعلكم يا أستاذ speranza w Mahmoud869 بس ممكن توضحلي إيه الأسباب واراء إختياركم :D

[speranz]

بما انك من ملاك هيونداى فالتغير هيكون مفيد
اما البيجو مش هتكون مضمونة ومش منتشرة وقطع غيار هتكون غالية للاسف
القشقاى عربية يابانى شكل ومضمون واعتمادية يقولولك اشترى وانت مطمن ووكيل نيسان الافضل فى التلاتة

[Omar Hammoudy]

فعلا كلام مظبوط كل لحضرتك قولته، أنا بس مش عجبني حكاية إنه المحرك النيسان هو بتاع ال Tiida للأسف محرك ال Tiida ضعيف جدا على كل حال متشكر على مرورك :)

[monamize4]

ليه مفكرتش ف السبورتاج ؟

[saddam]

صديقي المواطن
قولا واحدا كسيارة ix35 كسيارة وكفئة أفضل ولكن كفئة سعرية قشقاي أفضل وبتحقق إنتشار أوسع وتسيبك من بيجو 3008 ﻷنها بصراحة بيجو الستيشن أشكال كئيبة ومش بتنتشر ومش داخلة قلوب الناس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

دخل معاهم سبورتاج

[elmkaneeki]

فعلا كلام مظبوط كل لحضرتك قولته، أنا بس مش عجبني حكاية إنه المحرك النيسان هو بتاع ال tiida للأسف محرك ال tiida ضعيف جدا على كل حال متشكر على مرورك :)

مش ضعيف يا فندم

[Ahmed TRAVCO]

الـix35 عربية ممتازة جدا وشكلها الأفضل في نظري... بس ممكن أميل للقشقاي بسبب الصناعة الانجليزية فقط لا غير!!

[S O P H O S]

راي تفكر فالكيا

[حسن عبد الحليم]

السلام عليكم ورحمة الله

اية الاخبار يا استاذنا ..
انا واقع في نفس الحيرة ومنتظر اعرف ربنا هداك لاية

خالص تحياتي

[ashouhdy]

انا لسة قارى موضوع ان كوبلن القشقاى ب 17الف ... اتأكد الاول من قطع الغيار

ثانيا لو انا .. مش حجيب قشقاى عشان ضيقة حنط عال ix35

[Omar Hammoudy]

السلام عليكم ورحمة الله

اية الاخبار يا استاذنا ..
انا واقع في نفس الحيرة ومنتظر اعرف ربنا هداك لاية

خالص تحياتي

يا أستاذ حسن أنا لسة في نفس الحيرة و ركبت التلت عربيات بس لسة محتار ، أنا دلوقتي طلعت النيسان من المقارنة و ابتديت أحب يل ix35 اوي ...