مازدا 3 2013 ام بيجو 301

[amrelsaqqa]

هى الناس اللى بتقول البيجو ضيقة او سعرها مبالغ فيه دي بتتكلم جد ولا بتألش !

[Yousef.Kamel]

هى الناس اللى بتقول البيجو ضيقة او سعرها مبالغ فيه دي بتتكلم جد ولا بتألش !

غالبا بتألش يا استاذ عمرو .......ايه رأي حضرتك مازدا ولا بيجو

[dr/hamza]

مازدا...برستيج..اعتمادية.. ثبات اكثر من رائع..موتور عمره ما بيفتح بقه لغاية 500 الف كيلو..فتيس بيخلى العربية طلقة لو بتحب الجرى...اوبشن معقول...عيوبها ..واطيه شوية بس مش جدا وممكن تزود العجل لغاية 33 تظبط معالك ..قطع غيار غالية نسبيا بس معمرة وموجودة ف شارع دمشق والحرفيين...معرفش حاجة عن البيجو

[xname2004]

اتحدى اى حد بيقول ع البيجو ضيقه انه يكون قعد فيها
دى أوسع من الصنى القديمه و الالنترا و الكورولا 2013
و عربيه اوربى ب abs و ايرباج و مش اى اوربى دى بيجو و سعرها يبدأ من 108

[amrelsaqqa]

غالبا بتألش يا استاذ عمرو .......ايه رأي حضرتك مازدا ولا بيجو

كلامك بيقول كورولا بصراحة
ولو هختار بين البيجو والمازدا في حدود الـ 150 الف ، لا هاخد المازدا ( كعربية قصاد عربية )، مش عشان البيجو وحشة ، بس المازدا فئة اعلى وفي نفس الوقت يابانى ، المازدا مشكلتها في توكيلها وضعف انتشارها وقطع غيارها المبالغ في سعرها جدااااااااا ، انصحك تراجع اسعار قطع الغيار وتشوف رأي الناس في التوكيل وكدة لان ده عامل مهم جدا في الشراء ..

انما لو عربية لعربية مع انى ما ركبتش المازدا 2013 بس هختارها عن البيجو لان البيجو حتى وهى هايلاين مازالت فئة اقتصادية ، والمازدا فئة متوسطة حتى لو فاضية ، القرار ليك في النهاية ، وانا شايف من كلامك انك محتاج عربية اعتمادية وبس ومش هتمشى بيها كتير اوى وما يهمكش الركوبة ومتعة السواقة والشد والثبات والكلام ده ... ، فلو مكانك هفكر جديا في الكورولا لانها عربية مبسطة ومعروفة في السوق واعتمادية جدا وفي نفس الوقت ماسكة سعر تكسب فيها في اي وقت لما تيجى تبيعها ، عكس المازدا مثلا اللى هتنزل جامد لما تيجى تبيعها خصوصا بعد فترة

كمان المازدا عيوبها في وجهة نظري انها هتبقى ضيقة شوية ومش عائلية اوى ، يعنى حتى الشنطة 430 لتر مقابل 506 في البيجو وقاعدة عجلات اقصر من البيجو مع ان الطول الكلى اطول ، بردو موتورها مش الجامد ، يعنى تقريبا 105 حصان و عزم 144 نيوتن على بودي مش خفيف ، مقابل 115 في البيجو وعزم 150 نيوتن ، ولكن فتيس المازدا هيكون افضل في رأيي والثبات بديهيا لصالح المازدا الا لو حد جرب العربيتين وله رأي تانى ، بالنسبة مثلا لاستهلاك البنزين اعتقد والله اعلم ان الكورولا هتبقى افضلهم في النقطة دى ، الخامات الداخلية والفخامة هتبقى المازدا افضلهم

بعد ده كله انا شايف المازدا كعربية ممتازة ولو مفيهاش مشكلة التوكيل وقطع الغيار هفكر فيها جديا وافضلها عن البيجو ، ولكن بالنسبة لى موضوع الانتشار وقطع الغيار بيخلينى شخصيا اشيلها من حساباتى تماما

[Yousef.Kamel]

لغاية دلوقتي انا شايف ان المازدا غالبة شوية :) ....... مع اني كنت ناوي اجيب بيجو بس شكلي هرجع في قراري ....انا بس اللي مش عاجبني في اابيجو ان الاكصدام بتعها اللي قدام داخل جوة شوية .... فأي واحد هيريح عليا هيبهدل الوش بتاعها كله من قدام .....لكن غير كدة انا مش شايف اي عيوب فيها لكن مازدا شكلها احلي بصراحة بس هي فعلا اوطي واضيق شوية

[Yousef.Kamel]

كلامك بيقول كورولا بصراحة
ولو هختار بين البيجو والمازدا في حدود الـ 150 الف ، لا هاخد المازدا ( كعربية قصاد عربية )، مش عشان البيجو وحشة ، بس المازدا فئة اعلى وفي نفس الوقت يابانى ، المازدا مشكلتها في توكيلها وضعف انتشارها وقطع غيارها المبالغ في سعرها جدااااااااا ، انصحك تراجع اسعار قطع الغيار وتشوف رأي الناس في التوكيل وكدة لان ده عامل مهم جدا في الشراء ..

انما لو عربية لعربية مع انى ما ركبتش المازدا 2013 بس هختارها عن البيجو لان البيجو حتى وهى هايلاين مازالت فئة اقتصادية ، والمازدا فئة متوسطة حتى لو فاضية ، القرار ليك في النهاية ، وانا شايف من كلامك انك محتاج عربية اعتمادية وبس ومش هتمشى بيها كتير اوى وما يهمكش الركوبة ومتعة السواقة والشد والثبات والكلام ده ... ، فلو مكانك هفكر جديا في الكورولا لانها عربية مبسطة ومعروفة في السوق واعتمادية جدا وفي نفس الوقت ماسكة سعر تكسب فيها في اي وقت لما تيجى تبيعها ، عكس المازدا مثلا اللى هتنزل جامد لما تيجى تبيعها خصوصا بعد فترة

كمان المازدا عيوبها في وجهة نظري انها هتبقى ضيقة شوية ومش عائلية اوى ، يعنى حتى الشنطة 430 لتر مقابل 506 في البيجو وقاعدة عجلات اقصر من البيجو مع ان الطول الكلى اطول ، بردو موتورها مش الجامد ، يعنى تقريبا 105 حصان و عزم 144 نيوتن على بودي مش خفيف ، مقابل 115 في البيجو وعزم 150 نيوتن ، ولكن فتيس المازدا هيكون افضل في رأيي والثبات بديهيا لصالح المازدا الا لو حد جرب العربيتين وله رأي تانى ، بالنسبة مثلا لاستهلاك البنزين اعتقد والله اعلم ان الكورولا هتبقى افضلهم في النقطة دى ، الخامات الداخلية والفخامة هتبقى المازدا افضلهم

بعد ده كله انا شايف المازدا كعربية ممتازة ولو مفيهاش مشكلة التوكيل وقطع الغيار هفكر فيها جديا وافضلها عن البيجو ، ولكن بالنسبة لى موضوع الانتشار وقطع الغيار بيخلينى شخصيا اشيلها من حساباتى تماما

اصل المشكلة يا استاذ عمرو ان انا هجيب زيرو وفي حد اقصي 150 الف جنية فا شايف ان الكرولا مغالي في سعرها اوي وانا يهمني انها تكون عائلية بردو وانا بعمل في حدود 12 الف كيلو في السنة كحد اقصي ف انا محتار جدا بين ال اتنين

[amrelsaqqa]

اصل المشكلة يا استاذ عمرو ان انا هجيب زيرو وفي حد اقصي 150 الف جنية فا شايف ان الكرولا مغالي في سعرها اوي وانا يهمني انها تكون عائلية بردو وانا بعمل في حدود 12 الف كيلو في السنة كحد اقصي ف انا محتار جدا بين ال اتنين

مش عايز اشتتك بس ايه رأيك في الفلوانس الشكل القديم ، في الرينج بتاعك وبيتهيألى لسة موجود منها زيرو

[xname2004]

ممكن الفلوانس الشكل الجديد ب 155 اتوماتيك و abs و 2 ايرباج و مثبت سرعه و محرك كويس و واسعه جدا من جوه

[amrelsaqqa]

ممكن الفلوانس الشكل الجديد ب 155 اتوماتيك و abs و 2 ايرباج و مثبت سرعه و محرك كويس و واسعه جدا من جوه

ههههههههه كنت عايز اقول له كدة بس قلت بلاش نسرح ع الـ 155 :d

بس بصراحة الفلوانس <3 عربية بجد <3

[Yousef.Kamel]

ههههههههه كنت عايز اقول له كدة بس قلت بلاش نسرح ع الـ 155 :d

بس بصراحة الفلوانس <3 عربية بجد <3

انا بصراحه مش مقتنع بالفلوانس خالص ّمش عارف ليه بغض النظر عن السعر ......... وحاسس ان المازدا احلي ماعدا الوسع بس هي مشكلة المازدا

[Ahmed TRAVCO]

المازدا3 أفضل من الكورولا وتستاهل سعرها اكتر من الكورولا... وبالطبع هي احسن من البيجو مع الاعتراف بانها عربية كويسة وعاملة شغل كويس لحد الآن... بس المازدا هي الأفضل في المقارنة دي... وبم اننا بنتكلم في ياباني يبقى ممكن كمان شارك الفئة قبل الأخيرة هتكون الأفضل بفرق بسيط عن المازدا وبفرق اكبر عن الكورولا... ولو خرجت برة الياباني يبقى افضل حاجة بالسعر ده الكروز وهي عربية لا احترم اكتر منها في الكوري كله... اما الفلوانس ومع احترامي ليها فمبحبش شكل صالونها ابدا خصوصا الدركسيون والداشبورد...

[برنس الليالي]

المازدا 3 افضل في كل حاجة جودة واداء شامل طبعاً ثبات وتسارع والذي منه وشكل اجمل بكتير في رأيي

والعربية وخدة تقييم ممتاز في مواقع التجارب بس عيبها ان الباب الخلفي ضيق حبتين يعني ممكن لو حد طويل ركب ورا حيضطر يدخل بضهره

- لو حضرتك غاوي اداء وثبات عالي على السرعات العالية بدون قلق يبقى المازدا 3 حتفي بالغرض جداً معاك

ولعلمك حتى لو اسعار قطع غيارها غالية ( ولو اني معنديش فكرة عن الاسعار ) إنما مش حتكون اغلى من الكورولا والحاجات الجديدة دي

- انا من رأيي لو غاوي اداء عالي تستنى حضرتك على آخر السنادي المازدا 3 الجديدة كلياً حتشرف مصر بشكل جديد 100%

وتم حل مشكلة الوسع والعربية الجديدة بردو ليها تقييمها الممتاز في بلاد برة واجمل بكتير اوي جوا وبرا يستحسن تستنى

بس لعلمك المازدا 3 الحالية زيرو بـ180 الف تقريباً يعني اغلى من البيجو 301 بحوالي 40 الف والبيجو 301 تتقارن مع كيا ريو الحاجات اللي تحت المازدا 3

في امان الله

[SecondCars]

مازدا 3 طبعاً بيجو 301 مين يا جماعة اللي هتتقارن مع مازدا 3 او مازدا اساساً ؟
المازدا تكسب البيجو طبعاً في اي صناعة وكفاية التقفيل الاسباني وقطع العربية الداخلية المصنوعة في المغرب

[Yousef.Kamel]

المازدا 3 افضل في كل حاجة جودة واداء شامل طبعاً ثبات وتسارع والذي منه وشكل اجمل بكتير في رأيي

والعربية وخدة تقييم ممتاز في مواقع التجارب بس عيبها ان الباب الخلفي ضيق حبتين يعني ممكن لو حد طويل ركب ورا حيضطر يدخل بضهره

- لو حضرتك غاوي اداء وثبات عالي على السرعات العالية بدون قلق يبقى المازدا 3 حتفي بالغرض جداً معاك

ولعلمك حتى لو اسعار قطع غيارها غالية ( ولو اني معنديش فكرة عن الاسعار ) إنما مش حتكون اغلى من الكورولا والحاجات الجديدة دي

- انا من رأيي لو غاوي اداء عالي تستنى حضرتك على آخر السنادي المازدا 3 الجديدة كلياً حتشرف مصر بشكل جديد 100%

وتم حل مشكلة الوسع والعربية الجديدة بردو ليها تقييمها الممتاز في بلاد برة واجمل بكتير اوي جوا وبرا يستحسن تستنى

بس لعلمك المازدا 3 الحالية زيرو بـ180 الف تقريباً يعني اغلى من البيجو 301 بحوالي 40 الف والبيجو 301 تتقارن مع كيا ريو الحاجات اللي تحت المازدا 3

في امان الله

حضرتك لو خدت بالك من الكلام انا بقول مازدا 3 بيزلاين ودي سعرها 148