ياريت حد يساعدني

[Ahmed sahab]

خلاصة الموضوع انا كنت ناوي على شاهين او بيجو 504 ولماربنا رزقني بابن الحلال وقالي زود لعند 50 الف وهات مرسيدس المهم قعدت ابحث فى المستعمل لقيت نفسي محتار بصراحة بين
مرسيدس 200 موديل 80 عاملة فى حدود 50 الف اتوماتيك + فتحة
او
اسبرانزا a516 فى حدود نفس السعر ويمكن اقل
طبعا انا عارف ان الكل مويد للمرسيدس
طب بنزينها 90 ولا80 ولا ايه
قطع الغيار نظامها وهل ينفع اركب غاز فيها
بالنسبة للاسبرانزا بنزينها ايه
انا بسافر كتير وبحب المشي والثبات وفى نفس الوفت السن 27 هل هتوافق المرسيدس مع السن

[saddam]

صديقي المواطن
في المنتدى عندنا حيحصل خلاف كبير على موضوعك ﻷنه شتان ما بين وبين
عربية من سنة 80 ولسه ب 50 ألف فأكيد فيها معجزة زي سعر عربية أصغر منها ب 30 ألف
على فكرة اﻹثنين يقبلوا غاز بس إسبرانزا متقبلش بنزين 80 وفي بنزين 90 بتعاني أصلا مع التكييف لازم 92 ثم كثبات ومتانه وأمان وسرعة وحوادث طبعا المرسيدس تكسب وهنا ناتي لكلمة شاب 27 العربية المعدل لو خدتها وركبتها زي ما هي فمش حتديك وضعك كشاب ولكن لو خدتها مثلا ب 40 ألف وسبت 10 آلاف لزوم روشنة العربية شوية جنوط على سبويلر على عتب على باكيتات على تعديل فوانيس فحتاخد كل حاجة أداء وثبات عظيم وتمشي 200 براحتك وفي نفس الوقت أشكال حديثة وكمان إسبرانزا ال 516 مفيهاش أوتوماتيك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

لا دى ولا دى فكر فى كريستاله او كورولا عيون او نوبيرا

[ahmzd]

المرسيدس ممتازة وقطع غيارها منتشرة جدا ورخيصة خالص وصيانتها سهلة برضه، تبقى الحالة الجيدة، وبالنسبة لليدوي بتاعت والدي بيحطلها بنزين 80 عاااااادي جدا، أما الأوتو لا أعرف!

[Ahmed sahab]

اشكركم جدا ياجماعة ان شاء الله اجيب مرسيدس واكيد اكيد لازم ادلعها بس ممكن 50000 يجيبوا حاجة حلوة ولا اكتر