فيات لينا 2014 ولا كرولا 2012

[motsh]

السلام عليكم
بصراحة يا جماعه الواحد واقع فى حيرة كبيرة ومفيش حد غيركم هيقدر يفيدنى .
انا متطلباتى فى العربية
تكون اعتمادية مش كل شوية ميكانيكى
ثابتة على الطريق
سحبها كويس اية نعم انا مش بشد كتير بس يوم ما احتجها القيها
عفشة ناعمة
وانا محتار جدا بين اللينا جديد وكرولا مستعمل بس 2012 على الاقل

[eng.m7md.ali]

لينيا بدون ادني تفكير وفيها كل الكماليات والثبات والامان بس للاسف سعر بيع واقع

[J A G U A R]

كله فى صالح اللينا ما عدا قطع الغيار واعاده البيع

[motsh]

لينيا بدون ادني تفكير وفيها كل الكماليات والثبات والامان بس للاسف سعر بيع واقع

انا فعلا مش هفكر فى اعادة البيع مش قبل 10 سنين او ممكن لا كمان

[motsh]

كله فى صالح اللينا ما عدا قطع الغيار واعاده البيع

انا دلوقتى معايا كرولا 2003 وقطع غيارها غالية مش رخيصة طبعا قطع الغيار الاصلية

[motsh]

ياريت يا لو نقارن بين العربيتين فى نقط بسيطة كدة .. معلش انا هتعبكم معايا بس دى تحويشة العمر

[ahmzd]

أنا عن نفسي لا يهمني سعر إعادة البيع كثيرا، أولا: لأن كل الزيرو يخسر عند بيعه، وثانيا: لأني أحب أن أركب السيارة التي أستمتع بقيادتها حتى ولو لم تكن منتشرة! تخوفي الوحيد من اللينيا هو من معاملة توكيلها أثناء فترة تواجدها معي!

[saddam]

صديقي المواطن
هذه الفترة بلاش فيات زيرو في مصر حتتبهدل بهدلة السنين في أي حادث لا سامح الله ومش حتلاقي قطع غيار وسعر إعادة البيع مش بس حتبيعها بربع ثمنها ولكن مش حتلاقي حد يشتريها أصلا إنما الكورولا صحيح أنا مبحبهاش ولكن أفضل بكثير وعربية شعبك بيحبها وما دام معاك الفلوس دي متاخد البيجو 301 محترمة وفخمة وجميلة والسوق ليها دلوأتي أو حتى خد صني الشكل القديم زيرو والشكل الجديد برضو حيسعفك مش حيقول ﻷ
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Ahmed TRAVCO]

اللينيا افضل كعربية -بس اعتقد الفرق مش كبير قوي- ولكن وكيلها من أسوأ الوكلاء في مصر ده غير ندرة انتشار العربية بشكل ملحوظ فده هيتعبك جدا في قطع الغيار والذي منه... فأنا شايف بم انها تحويشة العمر وان شاء الله هتحتفظ بالعربية مدة يبقى تاخد الكورولا بدون حيرة لأن انتشارها هيسهل عليك صياناتها ثم اعادة بيعها في اي وقت لو غيرت رأيك وحبيت تبيع قبل العشر سنين بدل وجع القلب مع أوماترا... والكورولا عربية كويسة برضه واعتمادية وناعمة جدا جدا وصوتها هادي وهتكون مريحة ليك بإذن الله..

[motsh]

أنا عن نفسي لا يهمني سعر إعادة البيع كثيرا، أولا: لأن كل الزيرو يخسر عند بيعه، وثانيا: لأني أحب أن أركب السيارة التي أستمتع بقيادتها حتى ولو لم تكن منتشرة! تخوفي الوحيد من اللينيا هو من معاملة توكيلها أثناء فترة تواجدها معي!

فعلا موضوع الوكيل دة مهم وكمان قطع الغيار

[motsh]

صديقي المواطن
هذه الفترة بلاش فيات زيرو في مصر حتتبهدل بهدلة السنين في أي حادث لا سامح الله ومش حتلاقي قطع غيار وسعر إعادة البيع مش بس حتبيعها بربع ثمنها ولكن مش حتلاقي حد يشتريها أصلا إنما الكورولا صحيح أنا مبحبهاش ولكن أفضل بكثير وعربية شعبك بيحبها وما دام معاك الفلوس دي متاخد البيجو 301 محترمة وفخمة وجميلة والسوق ليها دلوأتي أو حتى خد صني الشكل القديم زيرو والشكل الجديد برضو حيسعفك مش حيقول ﻷ
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

فعلا انا كنت بفكر فى البيجو 301

[motsh]

اللينيا افضل كعربية -بس اعتقد الفرق مش كبير قوي- ولكن وكيلها من أسوأ الوكلاء في مصر ده غير ندرة انتشار العربية بشكل ملحوظ فده هيتعبك جدا في قطع الغيار والذي منه... فأنا شايف بم انها تحويشة العمر وان شاء الله هتحتفظ بالعربية مدة يبقى تاخد الكورولا بدون حيرة لأن انتشارها هيسهل عليك صياناتها ثم اعادة بيعها في اي وقت لو غيرت رأيك وحبيت تبيع قبل العشر سنين بدل وجع القلب مع أوماترا... والكورولا عربية كويسة برضه واعتمادية وناعمة جدا جدا وصوتها هادي وهتكون مريحة ليك بإذن الله..

بس طبعا الكرولا انا بفكر فيها مستعمل

[S O P H O S]

كورولا
لكن ميزة الفيات انها زيرو

[hugan]

حرام تدفع فلوسك في فيات لينا
غير موجوده في الشارع
الا نادر النادر لما تتشاف
بيجوا 301 عملت مبيعات محترمه في فتره قليله جدا
او تويوتا

[motsh]

كورولا
لكن ميزة الفيات انها زيرو

فعلا انا نفسى اركب زبرو