إعـــــــلان

**amir** · 20-09-2008, 03:50 AM

انت سؤالك غريب لأنك بتقول انك كنت بتحب الصني و في نفس الوقت مش عايز حاجه تقفيل مصري
انا معايا الصني 2007 اي اكس اوتوماتك و هكلمك من النقطه دي
انا عن نفسي مقتنع بعربيتين سعرهم كويس جدا عليهم و مش overpriced و هم الجين 2 و الصني
ده من ناحيه الفلوس
اما من ناحيه الاداء فأنت ناوي علي 1300 ولا 1600؟
الصني ادائها كويس و التقفيل المصري بتاعها مش بطال اطلاقا و كان سبعاوي( لو انت متابع المنتدي اكيد عارفه) كاتب موضوع عن قصه التقفيل المصري و ايه اللي بيتعمل في النقطه دي من المصانع علشان الالتفاف قدر الامكان عن وضع مكونات كثيره مصري, و هي في الصني علي ما اتذكر الفرش و الرادياتير و الزجاج و الكراسي و ضفيره الكهرباء و الجلد بتاع الابواب, يعني مازالت العربيه جيربوكس و موتور و عفشه و تكييف ياباني
و ممكن تتعب شويه و تقلب في قسم النيسان و تقرا كل اللي ليها و عليها كمان من واقع التجارب و الخبرات الحقيقيه بتاعت الاعضاء اصحاب الصني
اما بخصوص الياريس فاللي ممكن اتكلم فيها عنها هو من واقع قرائتي للمواضيع الخاصه بيها في قسم التويوتا و ده رأي ملاكها و بيشكرو فيها و كل حاجه بس انا شايف ميزتها الاساسيه هي توفير البنزين اما بخلاف ذلك فانا من الفريق المؤمن بأن سعرها مبالغ فيه, و يمكن اللي بيدعم الرأي ده وجود عربيات بسعر ممتاز زي الجين 2 و الصني
يعني انا شايف مثلا حرام ادفع حاجه و تسعين الف في عربيه مانيوال و متكونش فول اوبشن في نفس الوقت اللي ممكن نفس المبلغ ده يجيبلي حاجه ياباني و اوتوماتك فول اوبشن, فاهم قصدي؟
و لو رجعت نويت تاني علي الصني انصحك تيجي علي نفسك و تجيب السوبرصالون لو الحاله الماديه تسمح خصوصا انك ممكن تزود ل 100 الف و السوبر صالون ب 103 الف
و السوبر صالون تتميز عن الاي اكس بحوالي 11 او 12 زياده لو فكرت تعوضهم بعد كده هتصرف اكتر من ال10 الاف الفرق بين السوبر صالون و العادي
انت بس شوف كده عايز توفر بنزين و تركب 1300 ولا تستمتع بأداء عالي و توفر في تمن العربيه
و ربنا يوفقك في دي او دي بس متنساش تبقي تأمن علي العربيه

**islamallam** · 20-09-2008, 12:50 PM

والله أنا مش عارف اشكركم ازاى
سرعة الرد مكنتش متوقعها
وعلشان اجبلكم من الاخر أنا عايز النصيحة مش شرط نتقيد بنوع العربية لانى فى حيرة انا مستنى ترشيحكم لعربية فى حدود 100000 وان شاء الله استخير واتوكل على الله واجيبها على بداية شهر 12 القادم

**Eslam_A** · 20-09-2008, 01:50 PM

اعتقد ان الصني افضل

**hazem_khidr** · 21-09-2008, 02:11 AM

اولا اهلا و سهلا بيك يا اسلام :)
تعالي بقي للمهم
انت دلوقتي عاوز عربيه في حدود 100 الف
الياريس مناسبه جدا و انا راكبها بقالي 8 شهور و 15 الف كيلو الحمد لله مرتاح لها اوي
و ابن خالي معاه اختها بقالها سنتين بس اتوماتيك و عامله 60 الف كيلو و برضه مريحاه جدا
يعني العربيه ما فيهاش اي عيوب تعكنن عليك و ادخل منتدي تويوتا و اقرأ اللي مكتوب عنها.
لو بتفاضل بين الصني و الياريس
فالياريس افضل من الصني في رايي

**islamallam** · 22-09-2008, 10:27 AM

شكرا لاسلام ولحازم
بس انا راح استنى الياريس 2009
انا سامع انها قدامها شهر وتنزل السوق المصرى بس يا رب تكون يابانى 100%
لانى سامع من ناس فى المنتدى انها هتكون تقفيل جنوب افريقى
والله اعلم

Comment

إعـــــــلان

.

استطلاع: صنى ولا ياريس

استطلاع: صنى ولا ياريس

Comment

Comment

Comment

Comment

Comment