شارك 2014 ولا يارس 2014

[ezzdabo]

انا محتار ارجو المساعدة عارف ان فية فرق بين الاثنين و لكن الفئة السعريه متقاربه وده من عجائب اسعار السيارات لدينا و لكن انا محتاج عربيه معمرة اقتصادية فى البنزين و قليله الاعطال و قطع غيار متوفرة ارجو النصيحة و المساعده

[memo823000]

لو عمل شاق يبقي لانسر شارك

لو شغلك جنب بيتك او مشاويرك قليله برده شارك

تجيب الفئه التانيه

2 ايرباج abs جنط 16 اصلي وعربيه موتور المايفك 1600 يابانى وليست تايلاندى 117 حصان وصاجها ناشف وعفشتها قويه جدا

وب 145000 جنيه بس

[Hunting_Eagle]

الشارك اكبر و قيادتها افضل بكتير من الياريس

اعتقد ان قطع الغيار هتبقى متقاربة بعد الأسعار الخرافية اللي بنسمعها عن قطع غيار الكورولا الجديدة .. وان كنت هتلاقي قطع الياريس اسهل من الشارك

الاتنين هتلاقيهم زي بعض في الاعتمادية و البنزين

رأيي شارك .. بس ابقى زود وهات الفئة اللى فيها سبويلر و عتب جانبي .. شكلها مجرم

[J A G U A R]

الشارك افضل طبعا بس بلاش الفئه الاولى فى الشارك

[ezzdabo]

اشكر لكم الاهتمام و الرد

[amgomaa]

شارك طبعا

[devil_storm]

شارك طبعا

[ezzdabo]

اشكر لكم الاهتمام و الرد

[shawke hamed]

شارك شكل وثبات واوسع من اليارس خصوصا الشكل الجديد مش حلو

[Hosam_Optrawy]

الشارك أفضل

[simon659]

انا بصراحه شايف الشارك افضل من الكورولا واليارس طبعا لاسباب انا مقتنع بيها جدا .اولا راحه الشارك افضل من الكرولا بسبب العفشه الملتي لنك ثانيا ماتور مايفك 1600 عمره واستهلاكه و واستهلاك بنزين افضل من التويوتا الكورولا ثالثا عربيه بون مشاكل اطلاقا كا الفتيس وما شبه رابعا طبعا اعلي من علي الارض كل ده بتكلم في الاساسيات ويكفي شاسيه الشارك هو هو شاسيه الايفو الي هو بيشيل مواتير اتقل كتير من 1600 وبيتعززله اماكن علشان العربيه تشتغل بكارونه وتبقي 4*4الي في الايفو .انا جربت الاتنين اكتر من 5 شهور علي حده واخيرا انا بتكلم في عربيه 100% يباني وعربيه معرفش متصنعه فين من كل فيلم اغنيه فا نظريا وعمليا انا شايف ان الشارك ما زالت افضل عربيه في الفئه السعريه دي .
الشارك لما تقارن باليارس يبقي انا بقل من شئنها انما هي تقارن بالكورولا وفي نظري افضل في نقط كتير.في نظري السياره الافضل من الشارك في هذه الفئه هي السوبارو الامبريزا .والكلام ده انا مجربه عملي جداااااااااااااااا

[mohaismail]

شارك طبعا مينفعش تقارنها بالياريس
عيبها الوحيد عزلها مش حلو

[ezzdabo]

طب ايه اخبار قطع الغيار انا عارف انها قليله و غاليه ياريت حد يفدنا

[Ahmed TRAVCO]

طب ايه اخبار قطع الغيار انا عارف انها قليله و غاليه ياريت حد يفدنا

زمان العربية اخدت سمعة وحشة بسبب الزينون اللي كان بينزل بعدسات afs وقتها وكان الفانوس بحوالي 7000 فده رعب الناس من العربية وبدأوا يموتوا فيها بحجة ان قطع غيارها نار وغير موجودة وان البومة شغالة ومنتشرة واللي نعرفه احسن من اللي منعرفهوش... واللي زود الطين بلة الوكيلين -الرواس ثم الخرافي- المتخلفين اللي فضلوا ينزلوا البومة لحد ما فطست الشارك تماما بناء على الأوهام السابقة اللي تم ترويجها... الغريب والعجيب بقى ان محدش بيتكلم عن فوانيس الفلوانس قبل الفيس ليفت واللي كانت بتنزل في اعلى فئة بعدسات afs برضه وبالتالي سعرها واصل لـ7000 جنيه... ولا تلاقي حد بيتكلم عن السيراتو الجديدة اللي فانوسها الليد الأمامي بحوالي 6000 جنيه... وده بيأكد اللي بقوله اننا بنمشي ورا كلام الناس وخلاص...

كل الرغي ده علشان اقولك هات العربية الأحسن وما تقلقش من قطع الغيار والكلام ده... انت مش واخد عربية لسة نازلة اول امبارح... دي في السوق من 2008 واللي يشوف الناس بتتهافت ازاي على البيجو 301 اللي لسة منعرفلهاش وش من ظهر في الاعتمادية وخلافه يبقى بيهزر لو لسة مخوف نفسه من شيء اسمه قطع غيار الشارك لأن ده شيء غير مقبول بعد تواجد العربية لأكتر من 5 سنين في السوق...

ومن غير المقبول برضه -بالنسبة لي- اني افكر مجرد تفكير في اني احط الياريس في مقارنة مع الشارك... اي نعم هي هزلت لدرجة ان الاتنين يبقوا في فئة سعرية واحدة بس ده مش معناه ان الياريس بقت ند لحاجة زي الشارك ولا معناه ان الشارك تدنت للدرجة اللي تخليني افضل الياريس عليها... يعني بغض النظر عن تفاصيل العربيتين: الشارك من يوم ما نزلت وسعرها كان تقريبا 158 الف وكانت مقاربة لسعر الأوكتافيا وتقريبا مساوية للسيفيك والكورولا... انما النهاردة خلاص السيفيك والكورولا عدوا الـ200 ألف مش فاهم ليه ونبص نلاقي الياريس اللي كانت في 2008 بتتباع بـ82 ألف نطت وبقت بـ160 ألف... الواحد مش عايز يغلط!!

[ezzdabo]

زمان العربية اخدت سمعة وحشة بسبب الزينون اللي كان بينزل بعدسات afs وقتها وكان الفانوس بحوالي 7000 فده رعب الناس من العربية وبدأوا يموتوا فيها بحجة ان قطع غيارها نار وغير موجودة وان البومة شغالة ومنتشرة واللي نعرفه احسن من اللي منعرفهوش... واللي زود الطين بلة الوكيلين -الرواس ثم الخرافي- المتخلفين اللي فضلوا ينزلوا البومة لحد ما فطست الشارك تماما بناء على الأوهام السابقة اللي تم ترويجها... الغريب والعجيب بقى ان محدش بيتكلم عن فوانيس الفلوانس قبل الفيس ليفت واللي كانت بتنزل في اعلى فئة بعدسات afs برضه وبالتالي سعرها واصل لـ7000 جنيه... ولا تلاقي حد بيتكلم عن السيراتو الجديدة اللي فانوسها الليد الأمامي بحوالي 6000 جنيه... وده بيأكد اللي بقوله اننا بنمشي ورا كلام الناس وخلاص...

كل الرغي ده علشان اقولك هات العربية الأحسن وما تقلقش من قطع الغيار والكلام ده... انت مش واخد عربية لسة نازلة اول امبارح... دي في السوق من 2008 واللي يشوف الناس بتتهافت ازاي على البيجو 301 اللي لسة منعرفلهاش وش من ظهر في الاعتمادية وخلافه يبقى بيهزر لو لسة مخوف نفسه من شيء اسمه قطع غيار الشارك لأن ده شيء غير مقبول بعد تواجد العربية لأكتر من 5 سنين في السوق...

ومن غير المقبول برضه -بالنسبة لي- اني افكر مجرد تفكير في اني احط الياريس في مقارنة مع الشارك... اي نعم هي هزلت لدرجة ان الاتنين يبقوا في فئة سعرية واحدة بس ده مش معناه ان الياريس بقت ند لحاجة زي الشارك ولا معناه ان الشارك تدنت للدرجة اللي تخليني افضل الياريس عليها... يعني بغض النظر عن تفاصيل العربيتين: الشارك من يوم ما نزلت وسعرها كان تقريبا 158 الف وكانت مقاربة لسعر الأوكتافيا وتقريبا مساوية للسيفيك والكورولا... انما النهاردة خلاص السيفيك والكورولا عدوا الـ200 ألف مش فاهم ليه ونبص نلاقي الياريس اللي كانت في 2008 بتتباع بـ82 ألف نطت وبقت بـ160 ألف... الواحد مش عايز يغلط!!

شكرا للاهتمام بس انا عايز اقولك ان انا اليوم كنت فى معرض موزع للميتسوبيشى و مش عايز اقولك ان الموجودين مش قادر يرد على استفسارات الناس اللى بتتفرج عليها من حيث قطع الغيار و الصيانه و كل اللى قاله ان انشاء الله سوف تتوفر هى دى مشكله العربية انا عارف انها قليلة الاعطال و اعتمادية بس المشكله انك تلاقى سعر فئه اقل وصل للفئه الاعلى منها زى اليارس و الشارك