إعـــــــلان

Collapse

.

,
See more
See less

مقارنه بين فئه 160,000 الى 180,000

Collapse
X
 
  • Filter
  • الوقت
  • Show
Clear All
new posts

  • مقارنه بين فئه 160,000 الى 180,000

    مبدأيا الموضوع بتاع المقارنه دا مضايقنى جدا لان انا كل شويه بلاقى واحد يقولى على عربيه جديده و فى نفس السعر و من حسن الحظ بيكون فيها نفس المواصفات و يمكن احسن من العربيه اللى كانت فى دماغى قبل ما يقولى
    فا ياريت اللى يشوف الكلام دا يقولى لو معاه من 160,000 لـ 180,000 هيشترى عربيه ايه ( و يريت يكون فى سبب مش عشان بتحب النوع او الموديل دا او عجباك شاكلها )

    و انا برده اختصرت الموضوع فى كام عربيه كدا :

    انهى احسن عربيه فى دول مع مرعاه المميزات الاضافيه زى :

    ( الركن الذكى و الكاميرا الخلفيه و فتحه سقف كهرباء و المفتاح الذكى و المريات الكهرباء و البلوتوث و مدخل USB و الـ option الزياده دى )

    ياريت تقولى رأيك كشخص بيفهم فى العربيات و كدا يعنى !!

    1. كيا سول : 168,000
    http://www........cars.com/newcars_p...?EngineID=3274

    2. مازدا 3 : 175,000
    http://www........cars.com/newcars_p...3596#specs_tab

    3.نيسان جاكى بلاتينيم : 177,000
    http://www........cars.com/newcars_p...3201#specs_tab

    4.تيوتا ياريس :165,000
    http://www........cars.com/newcars_p...92#general_tab

    وحاجه كمان انا مستخسر الصراحه ادفع 180,000 فى عربيه كورى !! , ففى ناس بتقولى الاوبل الاسترا المانى وكدا يعنى بس للاسف الموديل اللى موجود فى رينج الفلوس مفهوش نفس الكماليات اللى العربيات اللى انا كاتبها فى دى .

    ياريت تقولى رأيك عشان انا فعلا محتار بين العربيات دى !؟ , كأنك انت اللى هتشترى لنفسك !

    و اسف انى طولت عليكم ,,, شكرا

  • #2
    http://www........cars.com/newcars_p...?EngineID=3274

    Comment


    • #3
      رينو فلوانس تاني فئة اوتوماتيك بـ169 الف أو بفتحة سقف 178 ألف أو اختها الميجان 3 بفتحة سقف 179 ألف
      وفيها كل حاجة قلتها ماعدا الركن الذكي والكاميرا الخلفية ممكن تشتري الشاشة نفس بتاعتها الأصلية بالكاميرا بعد كدة وموجودة على النت كتير زي دي

      وفيها كمان مثبت سرعة ومحدد سرعة وستائر (بتطلع وتدخل مع الازاز) وبصمة وحساس مطر وحساس نور.....

      Comment


      • #4
        فكر فى كورولا وفلوانس وسيراتو وبلاش حكايه كورى ومش كورى
        [SIGPIC][/SIGPIC]
        [COLOR="Magenta"][/COLOR]

        Comment


        • #5
          كنت هقولك السوبارو بس مفيهاش الاوبشن الى انت عايزه

          موضوع الركن موجود فى التويوتا و السيراتو تقريبا و بس

          ابعد عن النيسان الجوك مع صاحبى عربية مش ممتعه بصراحة و خاماتها مش حلوه

          فى السعر ده فى الكروز الفل اوبشن عربية حلوه جدا
          و طبعا الفلوانس و الميجان عربيات ممتازه و زود عليهم ال c4 و السيات ليون

          Comment


          • #6
            هو الطابع الالماني ليه لذته انا معاك بس بالنسبة للعربيات المذكورة فوق دي انا افضل المازدا 3

            عربية ليها مستواها في اختبارات الثبات ومتعة القيادة بصرف النظر عن ضيق حجم الابواب الخلفية اللي حتخليك تدخل بضهرك لو كنت طويل حبتين

            - بس لو مكان حضرتك حجيب نيو سيراتو sx على الفور .... الفئة اللي قبل الاخيرة ودي تختلف عن الهايلاين بإنها مافيهاش فرش جلد - كاميرا خلفية - تكييف اوتوماتيك

            بس شكل العربية لوحده يخليك تشريها ودا تقرير كان واحد عامله وعامل للعربية تيست درايف ممكن تطلع عليه بنفسك وانصحك تشوفه



            في امان الله ورعايته

            Comment


            • #7
              الفلونس best value of money لكن لو مش بتفكر فيها يبقى شوف السيراتو و المازدا 3 و فكر في الكروز برضه عربية شكلها شبابي و هجومي و ليها هيبتها في الشارع بالذات الشكل الجديد
              [B][SIZE="5"]اخوكم عبدالرحمن طه[/SIZE][/B]
              [SIGPIC][/SIGPIC]

              Comment


              • #8
                لو أختار لنفسى تبقى رينو فلوانس الفئة e 3 s بــ 178000 فيها كل حاجة بما فيها فتحة سقف وحساسات ركن خلفية
                ولو حاسس إنها كبيرة شوية وغاوى هاتش باك تبقى أختها الصغيرة (حجما) ميجان نفس الفئة e 3 s
                بــ 180000
                وربنا يوفقك للخير
                وتقبل تحياتى ،،،

                ـــــــــــــــــــــــــــ
                [hr]#ff0000[/hr]
                [CENTER][SIGPIC][/SIGPIC][/CENTER]

                Comment


                • #9
                  فلوانس .......بكل تأكيد
                  ولو عايز ركن تلقائي................مش حتلاقيه فى الفئه السعريه دي الافي الكورولا الجديده فقط ومافيهاش فتحة سقف
                  [SIGPIC][/SIGPIC]قال الامام ابن القيم
                  والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                  Comment


                  • #10
                    مازدا او كورولا او رينو
                    الاختيار من الثلاثة فرأي

                    Comment


                    • #11
                      سوبارو ثم مازدا...
                      لو عايز بقى حساسات الركن وخلافه يبقى الكورولا او السيراتو او الفلوانس!
                      [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

                      Comment


                      • #12
                        محتار نفس حيرتك بقالى بالظبط 3 شهور

                        و من شهرين بعت عربيتى القديمه و لسه مش عارف آخد قرار

                        و من كتر اللف على المعارض و المواضيع هنا و عيوب و مميزات كل عربيه ( بعد إستبعاد الكورى بصراحه ليس لعيب فيه و لكن عاوز اوربى أو لو مضطر يبقى يابانى )

                        استبعدت السوبارو و الفورد علشان التوكيل

                        و استبعدت الكورولا علشان سعرها بقى عالى ب أوفر برايس

                        استبعدت الياريس علشان مش عاوز 1400 علشان بسافر كتير و كمان التكييف مش بقتنع بيه ف أى عربيه 1400 و بالأخص ف السفر لما بكون معايا ناس و شنط ف العربيه

                        استبعدت ال التويوتا الأوريس علشان ندره انتشارها مقارنه ب الكورولا ( وتقريبا السعر بينهم متقارب) انا أيوه عاوز عربيه مش مغرقه السوق بس مش لدرجه ندره الأوريس

                        استبعدت الشارك علشان الشكل بقاله كتير جدا ( مع إنى بحب الشكل ده جدا ) بس برضه ان الواحد يجيب شكل قديم زيرو ملوش نفس المتعه ف شكل لسه جديد و فى بعض المواضيع فى قسم المتسوبيشى بتقول ان العفسه ناشفه و ناس ساعات بتقول التوكيل وحش

                        استبعدت الأوبل علشان لقيت الناس ف قسم أوبل بتقول فى مشاكل ساعات ف التكييف و حاسس إن العربيه مش كل اللى بيشتريها بيخليها معاه لأنى لقيت على موقع مشهور لبيع السيارات المستعمله **** كار ( طبعا ما ينفعش أحط الإسم كامل) لقيت ناس كتير بتعرض العربيه للبيع و هى لسه ما عملتش بيها 10 آلاف كيلو بنسبه أعلى من جميع السيارات التانيه اللى كنت بقارن بينها


                        المازدا ملقتش أصلا تقارير ليها هنا على المنتدى و لا عرفت أوصل لجوده الوكيل و لا أى حاجه عن العربيه

                        فقط تبقى لى الجوك و الفلوانس

                        حتى الآن بقالى حوالى 3 أسابيع محتار بينهم و مش عارف أروح أحجز مين فيهم

                        الجوك على فكره مفيش فيها و لا ركن ذكى ولا كاميرا ولا فتحه سقف
                        مميزاتها 4 ايرباج esp العربيه مش طويله سهله ف الركن و الاماكن الزحمه تكييف جيد جدا عاليه علشان المطبات
                        عيوبها الشنطه سيئه جدا و الكنبه اللى ورا ضيقه و التوكيل متوسط

                        الفلوانس فيها بس حساس ركن و فى فئه فيها حساس ركن امامى و خلفى و فتحه سقف

                        مميزاتها كم ضخم من الكماليات المهم بالنسبه لى شنطه بحر و كنبه واسعه و عداد ديجيتال و 4 زجاج كهربا اتوماتيك و توكيل معظم الناس اللى جربوا أكتر من توكيل بيقولوا انه افضل توكيل ف مصر
                        عيوبها العربيه طويله جدا 4.6 متر غلسه طبعا ف الركن و الاماكن الضيقه و 2 ايرباج و مفيش esp

                        الجوك و الفلوانس نفس الماتور و الفتيس

                        لو الجوك توسع شويه أو الفلوانس طولها يقل شويه :(

                        Comment


                        • #13
                          على فكرة الفلوانس مش طويلة جدا جدا للدرجة دي، هي 4م 60سم، الشارك 4م 57سم ومش عاملالي ازمة... ما اعتقدش ان المشكلة في الـ3سم دول!!! توكل على الله لو العربية عاجباك ومتقلقش من النقطة دي!!
                          ورأيي لو مهتم بموضوع الـesp يبقى تخش على الأسترا وهي عربية تحفة على فكرة وتابلوه فوق الراااائع!!
                          [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

                          Comment


                          • #14
                            طالما استبعدت الكوري و حصرت تفكيرك في الفلوينس و الجوك يبقي الفلوينس افضل واشيك
                            الجوك ضيقه جدا جدا جدا في الكنبه ورا
                            [frame="2 80"]
                            :welcome1:
                            [/frame]

                            Comment

                            Working...
                            X