كيا سول ولا النترا (ضرورى جدا)

[dr_maamon]

السلام عليكم
يا ريت يا جماعه تفيدونى انا ان شاء الله ناوى اجيب عربيه جديده فى حدود 170000 وعجبانى جدا الكيا سول بس فى نفس الوقت فيه شويه قلق ان يكون فيه حاجه أحسن فى نفس الفئه السعريه مع الاعتبار ان العربيه عايزها تكون اعتماديه- شبابيه - قطع غيار متوفرة وياريت تكون أعلى فئه - ده طبعا بالاضافه للثبات على الطريق و العزل والأمان ...
يا ريت لو حد عنده خبره او مجرب السول او يعرف اى مشاكل فيها وعن تجربه واخر الاسعار كام يفيدنى فى الموضوع ده ولو فيه بدائل تانيه هتكون ايه ( عربيه جديده بلاش مستعمل )

مع خالص الشكر

[ALshahba]

انا شخصيا ارشحلك ........... كيا سول
افضل ثبات-افضل عزل- افضل مساحة داخلية ........من الالنترا

وفى نفس الفئة السعريه يوجد الاتي:
1- سيراتو.......ثباتها كويس وشبابيه
2- كورولا تاني فئه (175الف) ....مثبت الكتروني vsc
3- فلوانس تاني فئه (175الف).....ثبات عالي

بالتوفيق

[dr_maamon]

أولا شكرا جدا لرد حضرتك

ثانيا انا فعلا بقالى اكتر من 6 شهور فى الحيره والمقارنات دى بس الكورولا الشكل الجديد مش عجبانى كمان الفلوانس ودى وجهه نظر طبعا بالنسبة للشكل
واللى خلانى احط الالنترا فى المقارنه مع انحيازى للسول هو انتشارها ( الالنترا) بطريقه مبالغ فيها فى مصر مع انى شايفها عيب مش ميزه

شكرا مره تانيه وفى انتظار أراء أخرى

[ALshahba]

اهلا بيك دائما

خلاص لو مشعاجباك العربيات دي ........ ممكن تشوف لانسر الشارك .......صحيح هي قديمه فى التصميم من 2008 لكن عربيه كويسه اوي ....بس عزلها مش زي اللي قلنا عليهم

بس يعني انا بحاول اوصلك ان الالنتراليس افضل اختيار
مع اخو مراتي .......بتسحب بنزين كتير اوي....بترزع فى المطبات.......ضيقه فى الجلوس ورا...بتعوم بعد 130كم

[dr_maamon]

انا معاك فى الكلام ده بالنسبه للالنترا لانها مع احد اصحابى وبيشتكى من سحب البنزين جداا

انا كان استفسارى الاكبر بالنسبه للسول لانى مركبتهاش قبل كده انا اللى عاجبنى فيها شكلها والتابلوه بالاضافه لحصولها على اكبر درجه فى الامان فى اختبارات التصادم يعنى لو فيه اى ملحوظات عليها وشكرااا

[ALshahba]

السول .......... عربيه محترمه جدا
ورقه رابحه لو ربنا كتبهالك ........ بس للي يفهمها

انا ركبتها بس مامشيتش بيها .....اعلى فئه ....... كلها دلع وواسعه جدا وشايف قدامك كويس .....طبعا الحساسات الخلفيه حتساعدك.......بالاضافه انها افضل استهلاك بنزين

بس مبيعاتها اتقل شويه من السيراتو او الريو

ربنا يكتبلك الافضل

[dr_maamon]

كلام محترم جدا بس بالنسبه للمبيعات معاك حق انها اقل من الريو والسيراتو الشكل القديم ودى نقطه عجبانى انتشارها مش مبالغ فيه وفى نفس الوقت مش قليل قوى زى الامبريزا مثلا يعنى انتشار معقول وهى ان شاء الله اختيارى الاول لحد دلوقتى
معلش بقى هتعب حضرتك معايا لو فيه اى تغيرات فى السعر يعنى انا اخر حاجه سمعتها كانت 168 الهاى لاين
وشكرا جدااااااااا

[ALshahba]

الهاي لاين = 155 الف
التوب لاين = 168 الف
خلي بالك ان المعارض بتحط زياده فى السعر (اوفر برايس) ممكن يصل الي 6 الاف ج
وياريتر تجيبها من الوكيل حتي لو قالك حتستني عليها شهرين
بس ما تقلقش ..... معلوماتي البسيطه ان استلامها سريع

دمت فى امان الله

[dr_maamon]

متشكر جدا على الافاده دى يا باشا

[ALshahba]

بالتوفيق ان شاء الله

وماتنساناش بشوية صور وفيديوهات للعربيه الجميله دي

[dr_maamon]

ان شاء الله بس هى تيجى :)

[J A G U A R]

النترا افضل عشان انتشارها

[ahmed osman 56]

معلش بس انا فى نفس المشكله , السول كانت عجبانى جدا بس انا عايز اعرف حاجه انهى شكل عاجبك 2013 و لا 2014 ( مع العلم ان 2014 لسه منزلتش السوق المصرى )

[dr_maamon]

ايوه 2014 لسه منزلش وغالبا قدامه فتره على ما ينزل علشان كده انا لو جبت هيبقى 2013 ان شاء الله وانا مشوفتش 2014 غير صور وده مش كاف للحكم عليه

[dr_maamon]

النترا افضل عشان انتشارها

انا ليا وجهه نظر تانيه فى موضوع الانتشار ده يعنى انا شايف الالنترا منتشره زياده عن اللزوم لدرجه انك تحسها عربيه عاديه بعكس السول اللى انتشارها معقول