نيسان قشقاى 2014و ﻻ بيجو 301

[AhmedFaMo]

السلام عليكم و رحمة الله و بركاتة
انا ناوى ان شاء الله اشترى عربية جديدة و كنت ناوى على بيجو 301 بعد ما دورت كتيير
بس فيه حد من قرايبى قالى على نيسان قشقاى بصراحة العربية عجبتنى جدا و خصوصا انها عاليه بس انا قلقان من النيسان عشان سامع انه بقى تقفيل مصرى و مش عارف لو جا صحيح فدا شئ كويس وﻻ وحش برضه كمان عشان هى اغلى من البيجو فى السعر بس قطغ غيارها و بيعها اسهل ياريت تفيدونى فى اسرع وقت اعمل ايه

[Ahmed_Ramadan]

القشقاى مش تقفيل مصرى اللى أعرفه إنها تقفيل إنجليزى ... وبعدين فى فرق شاسع فى السعر لو مش فارقة معاك هات القشقاى يدون نقاش

[drcobra]

مقارنة غريبة لو معاك فلوس قشقاى يبقى توكل على الله
عايز حاجة اوروبى واقتصادية وشكلها انتشرت مش لسة هتنتشر

[ah-elgendy]

ديه مقارنه من اى نوع ؟؟؟؟

[eng.m7md.ali]

لو نويت علي القشقاي انصحك تستني شوية عشان الشكل الجديد او تبص علي سيتروين ds5 كسر زيرو

[saddam]

صديقي المواطن
إختيار العربية راجع ليك ذوقيا ولكن معلومة جت في نص كلامك إقتضى مني تصحيحها لك
القشقاي ليست أسهل ولا حتى قريبة من سرعة بيع البيجو 301 وقطعا لن تتوفر قطع غيارها كما ستتوفر قطع غيار ال 301 فعليه راجع حساباتك ودي ركوبة ودي ركوبة تانية خالص وكل حاجة بثمنها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

قشقاى افضل فى كل حاجه ماعدا اعاده البيع وقطع الغيار

[S O P H O S]

لو هتجيب القشقاي راي تجيب الكيا افضل

[xname2004]

ليه الناس بتظلم البيجو قوى كده
يعنى جات فتره الناس تقارن البيجو بفلوانس و قولنا ماشى
لكن تقارن قشقاى بال 301 ليه و ازاى ده انت لو زودت شويه على سعر القشقاى ممكن تجيب 2 عربيه بيجو 301
القشقاى تقارنها بالبيجو 3008
حدد الأول الفئه السعريه و بعد كده قارن بين المتاح ف الفئه اللى انت حددتها

[برنس الليالي]

البيجو 301 تمشي في المقارنة مع البومة والشارك والياريس والبونتو ولينيا واكسنت وريو وصني وكورسا وسي إليزيه وممكن جين 2

إنما القشقاي فئة اعلى وتمشي في المقارنة مع الكورولا والاوريس والالنترا والـix35 بغض النظر عن نمط السيارة وكمان الفيلوستر والسيات ليون والكارينز والسيراتو الجداد

وكمان تمشي مع الجوك والاسترا والميجان والفلوينس والفوكاس والسيفيك ومازدا 3 والامبريزا والـxv

ياريت تحددلنا احتياجات حضرتك عشان نقدر نساعدك

[ysf]

اركب فى البيجو واركب فى القاشقاى وشوف هترتاح لمين اكتر
ملحوظة: لما تركب القاشقاى افتح السقف البانوراما عشان تعرف تقرر

[amrelsaqqa]

واضح ان حضرتك مش محدد احتياجاتك
العربيتين مختلفتين شكلا وموضوعا في كل حاجة وفارق السعر كبير جدا بين الاتنين اكتر من 50 الف جنيه ؟
انا شخصيا لو مكانك مش هجيب لا دي ولا دي ممكن اجيب فلوانس او سيات ليون الجديدة او استرا

[شادى عبدالمنعم]

السلام عليكم و رحمة الله و بركاتة
انا ناوى ان شاء الله اشترى عربية جديدة و كنت ناوى على بيجو 301 بعد ما دورت كتيير
بس فيه حد من قرايبى قالى على نيسان قشقاى بصراحة العربية عجبتنى جدا و خصوصا انها عاليه بس انا قلقان من النيسان عشان سامع انه بقى تقفيل مصرى و مش عارف لو جا صحيح فدا شئ كويس وﻻ وحش برضه كمان عشان هى اغلى من البيجو فى السعر بس قطغ غيارها و بيعها اسهل ياريت تفيدونى فى اسرع وقت اعمل ايه

السيد العضو المحترم .......
القشقاى سياره ممتازه جدا جدا واقول لك قوﻻ واحدا لو ماديا معاك يبقى قشقاى عايز توفر يبقى البيجو وهى اختيار موفق ايضا

[M I D O]

قشقاي طبعا بس خلي بالك في فرق سعر بينهم حوالي 40 الف جنية