إعـــــــلان

Collapse

.

,
See more
See less

170000 لانسر شارك 2014 ولا فلواتس 2014 ؟؟

Collapse
X
 
  • Filter
  • الوقت
  • Show
Clear All
new posts

  • 170000 لانسر شارك 2014 ولا فلواتس 2014 ؟؟

    يا جماعة محتار بين اللانسر شارك هايلاين و بين الفلوانس الفئة التالتة
    أنا أهم حاجة عندي استهلاك البنزين و اعتمادية العربية لأني هستخدمها في الشغل فا عايز حاجة تستحمل مع العلم اني مش هغير قبل 6-7 سنين
    100
    شارك هايلاين 2014
    0%
    38
    فلوانس الفئة التالتة 2014
    0%
    62

  • #2
    فلوينس ركوبة ميبنش عليها السن جودة الاوروبى برستيج لو استخدام داخل المدينة اكتر
    شارك اعتمادية اليابان لو بتسافر كتير

    Comment


    • #3
      فلوانس
      george yousef سابقا

      Comment


      • #4
        المشاركة الأصلية كتبت بواسطة ninjaahmed
        يا جماعة محتار بين اللانسر شارك هايلاين و بين الفلوانس الفئة التالتة
        أنا أهم حاجة عندي استهلاك البنزين و اعتمادية العربية لأني هستخدمها في الشغل فا عايز حاجة تستحمل مع العلم اني مش هغير قبل 6-7 سنين
        حضرتك العربيتين فى منتهى الجمال و فى الحالتين أختيار موفق
        أنا بس لو مكان حضرتك هسأل نفسى سؤال: تجيب الشارك اللى بقالها فى السوق من ٢٠٠٨ مغيرتش شكل و لسه حضرتك بتقول هتقعد معاك ٦-٧ سنين أن شاء الله....يبقى تشترى عربية شكل قديم و تحس زهقان منها و محتاج تغيرها
        و لا تجيب فلوانس موديل السنة و شكل لسه جديد مع أحدث أوبشنز لسنة ٢٠١٤؟

        الفلوانس أوسع من جوه و أوسع شنطة و فخامة أعلى و كماليات أكثر و أستهلاك بنزين أقل و عربية عائلية داخل المدينة و فى السفر بإمتياز....ركوبة ناعمة و فخمة و سلسة جدا
        الشارك رياضية أكثر و موتور متجاوب أكثر و فتيس رياضى أكثر، الناس اللى ركبوها مبسوطين من ثباتها....نقدر نقول عربية أدائها رياضى أكثر من الفلوانس

        حضرتك شوف أحتياجاتك أيه من السيارة و توكل على الله....الأختيارين كويسيين جداً
        م/هانى سعد
        Meggieboy سابقا
        [SIGPIC][/SIGPIC]

        Comment


        • #5
          فلوانس
          [SIGPIC][/SIGPIC]
          [COLOR="Magenta"][/COLOR]

          Comment


          • #6
            صديقي المواطن
            قولا واحدا ومن غير حيرة ولا تروح لقاضي ولا تجيب محامي ولا تاخد فتوى من شيخ ولا تستشير حد ولا تعمل إستخارة
            قولا واحدا فلوانس واضحة زي وضوح الشمس
            وجريمة حد يقارن فلوانس الفخيمة بالشارك عربية جميلة برضو بس راحت عليها والعين متعلاش عن الحاجب وإنت لو سألت الشارك ذات نفسها حتقلك حرام عليك تقارنني بحاجة أعلى مني وتاج راسي وحتعتذر منك وتمشي
            وهذا ما لزم بيانه ودمتم
            وبالتوفيق وإلى اﻷمام ومن نصر إلى نصر
            ودمتم للنضال
            تصدق موضوعك أحزنني يعني معقول الفلوانس شكلها مش واضح إنها أفخم وأقيم وأعلى من الشارك بمراحل كتيرة صديقي المواطن روح بس أقعد فيها وكل حيرتك حتروح ومش حتنام الليل إلا وهي بايتة تحت البيت

            Comment


            • #7
              أنا مش فارق معايا أوي شكل العربية القديم لأني بحب الشكل دا جدا في اللانسر بس في نفس الوقت قلقان من موضوع العزل السيئ , اما عن الفلوانس فا ركبتها و انبهرت بس خايف من قطع الغيار و التوكيل
              أنا عارف ان المقارنة دي ظالمة للفلوانس بس احتياج الطريق المصري بيجبرنا نعمل مقارنات عجيبة , ولا زالت الحيرة مستمرة!!

              Comment


              • #8
                رأيي ببساطة:
                أولا: العربيتين ممتازتين والاختيار المفروض يكون حسب الارتياح النفسي.
                ثانيا: العربيتين فئة واحدة في أي حتة في الدنيا ما عدا عند الأستاذ صدام اللي دايما بيتحفنا بحاجات من نوعية ان الفلوانس عظيمة لدرجة ان الشارك نفسها هتتكسف تتقارن بيها (!!!!!!!!!!!!!!)... وده شيء يندرج بالنسبة لي تحت عنوان اللا معقول فعلا لأني لسة مش قادر افهم ازاي الفلوانس اللي لسة بنت امبارح (من 2010 بس) هوست بعض الناس لدرجة انهم لسة بيوهموا نفسهم انها حاجة اعلى من المكان اللي المفروض تتحط فيه...
                ثالثا: رأيي الشخصي هيروح للشارك هايلاين لأن ده المتوافق اكتر مع احتياجاتي... وانت لازم تشوف ايه احتياجاتك وتختار بناء عليها... أنا شخصيا اثق في اساسيات الشارك اكتر من الفلوانس... الشارك عربية ياباني بالكامل، شاسيه زي بتاع الايفولوشن اللي بيشيل 400 حصان استوك، تعليق افضل، موتور بنكهة رياضية وعزمه عالي، فتيس قمة في الاعتمادية لدرجة استخدامه في مازدا3، العربية عضمها ناشف (بص على الأبواب والشنطة والكبوت وانت تعرف تقلهم اد ايه)، كماليات معقولة بمقاييس اليومين دول ومرضية جدا لواحد زيي... من الآخر العربية دي عايزة اللي يفهمها وغاويها... واذا كانت من 2008 فماشي أوكي على الأقل اللي راكب موديل 2008 منها لسة حاسس ان عربيته مفيش شكل جديد جه عليها... عندك الفلوانس مثلا عملت فيس ليفت في اقل من 3 سنين... يعني اللي معاه 2010 منها خلاص بيبقى ماشي في الشارع حاسس انها قدمت لأن فيه شكل احدث نزل... واكيد طبعا ده هيحصل من جديد على 2015 بالكتير...
                مش هتكلم عن الفلوانس كتير ملاكها يقدروا يفيدوك اكتر... بس الكل متفق انها هتوفرلك كماليات اعلى من الشارك اللي زيها زي كل الياباني باستثناء الكورولا الجديدة اللي نزلت بأوبشنز تعتبر طفرة غير معتادة من الياباني كله...
                [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

                Comment


                • #9
                  أنا أتفق مع الأستاذ أحمد فوزي في أن الأستاذ صدام بالغ جدا جدا جدا في ظلم الشارك لحساب الفلوينس لدرجة أنه نهى صاحب الموضوع عن الأخذ بأهم الأسباب التي ينبغي علينا اتباعها في كل أمور حياتنا وهي الاستخارة والاستشارة متناسيا مقولة " ما خاب من استشار، وما ندم من استخار " !!
                  أنا اخترت الفلوينس في هذه المقارنة ودائما أختارها عندما تدخل في منافسة مع أغلب سيارات فئتها .. ومع ذلك فالشارك سيارة ممتازة جدا ولا تقل عن الفلوينس بل هي في نفس الفئة وتتفوق بالثبات والروح الرياضية العالية التي هي عليها .. كما أنني فعلا لم أسمع أي شكوى قوية من أحد مالكيها أبدا على مدار أكثر من خمس سنوات.
                  أما لماذا اخترت الفلوينس لأن الشارك - وللأسف الشديد - لم يطرأ عليها أي تطوير يستحق الذكر والإشادة على مدار سنواتها الخمس أو الست الماضيين .. اللهم إلا الموتور الذي كان 1500 وأصبح 1600 !!
                  كما أن توكيلها الجديد لم يفعل أي شيء لإنقاذ سمعة هذه السيارة المحبوبة كماركة واسم وبيع وشراء على مدار تاريخها كله ( أقصد ماركة لانسر عموما ) !! بل على العكس أحس أنه تمر شهور وشهور وكأن السيارة في مصر بلا توكيل !! لا أخبار جديدة، ولا دعاية تليق بالماركة العريقة ميتسوبيشي، ولا عروض تسويقية ولا أي شيء !! وهذا يحزنني كثيرا .. أنا منذ أن بعت البوما التي ظلت معي 5 سنوات من 2006 وحتى 2011 لم أجد ما يشجعني مطلقا للعودة للانسر أو حتى الميتسوبيشي عموما .. بل وأفكر جديا في البيجو 301 وربما الفلوينس إذا أكرمني الله بمهرها قريبا ..
                  هام جدا: لم أقصد أبدا تسفيه رأي أحد، أو الإساءة إللى أحد .. بل عبرت عن رأيي فقط .. وآسف إن كنت قد تجاوزت!

                  Comment


                  • #10
                    المشاركة الأصلية كتبت بواسطة ahmzd مشاهدة المشاركة
                    أنا أتفق مع الأستاذ أحمد فوزي في أن الأستاذ صدام بالغ جدا جدا جدا في ظلم الشارك لحساب الفلوينس لدرجة أنه نهى صاحب الموضوع عن الأخذ بأهم الأسباب التي ينبغي علينا اتباعها في كل أمور حياتنا وهي الاستخارة والاستشارة متناسيا مقولة " ما خاب من استشار، وما ندم من استخار " !!
                    أنا اخترت الفلوينس في هذه المقارنة ودائما أختارها عندما تدخل في منافسة مع أغلب سيارات فئتها .. ومع ذلك فالشارك سيارة ممتازة جدا ولا تقل عن الفلوينس بل هي في نفس الفئة وتتفوق بالثبات والروح الرياضية العالية التي هي عليها .. كما أنني فعلا لم أسمع أي شكوى قوية من أحد مالكيها أبدا على مدار أكثر من خمس سنوات.
                    أما لماذا اخترت الفلوينس لأن الشارك - وللأسف الشديد - لم يطرأ عليها أي تطوير يستحق الذكر والإشادة على مدار سنواتها الخمس أو الست الماضيين .. اللهم إلا الموتور الذي كان 1500 وأصبح 1600 !!
                    كما أن توكيلها الجديد لم يفعل أي شيء لإنقاذ سمعة هذه السيارة المحبوبة كماركة واسم وبيع وشراء على مدار تاريخها كله ( أقصد ماركة لانسر عموما ) !! بل على العكس أحس أنه تمر شهور وشهور وكأن السيارة في مصر بلا توكيل !! لا أخبار جديدة، ولا دعاية تليق بالماركة العريقة ميتسوبيشي، ولا عروض تسويقية ولا أي شيء !! وهذا يحزنني كثيرا .. أنا منذ أن بعت البوما التي ظلت معي 5 سنوات من 2006 وحتى 2011 لم أجد ما يشجعني مطلقا للعودة للانسر أو حتى الميتسوبيشي عموما .. بل وأفكر جديا في البيجو 301 وربما الفلوينس إذا أكرمني الله بمهرها قريبا ..
                    هام جدا: لم أقصد أبدا تسفيه رأي أحد، أو الإساءة إللى أحد .. بل عبرت عن رأيي فقط .. وآسف إن كنت قد تجاوزت!
                    حضرتك شخصية محترمة و كلنا بنستفاد بأرائك....فعلا دايموند موتورز خسف بميتسوبيشى الأرض
                    للأمانة من أكتر الحاجات اللى خلتنى أفضل مع الفلوانس و أبعد عن الأسترا هو توكيل رينو
                    طبعا ليه عيوبه و كل حاجة و لكن مقارنة بباقى التوكيلات و بعد تجربة حوالى ١٠ سنوات أخترته عن طيب خاطر
                    سيارة رائعة مع توكيل سئ هتخليك تكره السيارة و تنسى جمالها و روعتها
                    التوكيل مهم جدا جدا و خصوصا فى مصر ده لو حابب تركب عربية نظيفة و عايز تحافظ على حالتها مشدودة دايما
                    ألف شكر لحضرتك مرة أخرى.....
                    م/هانى سعد
                    Meggieboy سابقا
                    [SIGPIC][/SIGPIC]

                    Comment


                    • #11
                      فلوانس .......... الف مبروك
                      [SIGPIC][/SIGPIC]قال الامام ابن القيم
                      والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                      Comment


                      • #12
                        المشاركة الأصلية كتبت بواسطة Meggieboy مشاهدة المشاركة
                        حضرتك العربيتين فى منتهى الجمال و فى الحالتين أختيار موفق
                        أنا بس لو مكان حضرتك هسأل نفسى سؤال: تجيب الشارك اللى بقالها فى السوق من ٢٠٠٨ مغيرتش شكل و لسه حضرتك بتقول هتقعد معاك ٦-٧ سنين أن شاء الله....يبقى تشترى عربية شكل قديم و تحس زهقان منها و محتاج تغيرها
                        و لا تجيب فلوانس موديل السنة و شكل لسه جديد مع أحدث أوبشنز لسنة ٢٠١٤؟

                        الفلوانس أوسع من جوه و أوسع شنطة و فخامة أعلى و كماليات أكثر و أستهلاك بنزين أقل و عربية عائلية داخل المدينة و فى السفر بإمتياز....ركوبة ناعمة و فخمة و سلسة جدا
                        الشارك رياضية أكثر و موتور متجاوب أكثر و فتيس رياضى أكثر، الناس اللى ركبوها مبسوطين من ثباتها....نقدر نقول عربية أدائها رياضى أكثر من الفلوانس

                        حضرتك شوف أحتياجاتك أيه من السيارة و توكل على الله....الأختيارين كويسيين جداً

                        كلام مظبوط جدا

                        Comment


                        • #13

                          فعلا الاستاذ صدام يمكن بالغ شوية بس دا طبعا من شدة اعجابة بالعربية
                          والموضوع في الاول والاخر وجهات نظر ويجب ان نتحترم جميع وجهات النظر
                          وانا مش مع صدام خالص في موضوع عدم الاستخارة حتي وان كانت المقارنة محسومة فلابد من الاستخارة علشان ربنا يبارك ويكرم ان شاء الله

                          في الاخر احب اقول ان الفلوانس احسن بكتير من الشارك
                          عربية برستيج عالي ( اينعم هية مش رياضية زي الشارك ) بس ركوبة فخمة ورائعة ومتهيألي اللي بيبقي عايز برستيج ميفرقش قوي معاة موضوع الشد والجري

                          وربنا يوفقك في الاختيار ان شاء الله

                          Comment


                          • #14
                            العربيتين بصراحة فوق الممتازين بس انا بفضل الفلوانس
                            . . . . . . . . . . . . [SIGPIC][/SIGPIC] . . . . . . . . . . . .
                            . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
                            و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

                            Comment


                            • #15
                              الرينو فرأي

                              Comment

                              Working...
                              X