ايهما تفضل شيفروليه اوبترا ام نيسان صنى ام نيو اكسنت

[THEMAYOR]

قررت شراء سيارة جديدة بعد طول انتظار و بعد عده مشاورات استقريت على 3 عربيات و كلهم اتوماتيك 1600 سىسى هما:
1- نيسان صنى بس الناس بتخوفنى من العفشة بتاعتها و من انها بتحك فى المطبات و صالونها ضيق و قطع غيارها غاليه و سعر اعادة اليبع بتاعها بينزل جامد و تفقيل مصرى

2- شيفروليه اوبترا : مفيش عليها كلام غير انها اوسع واحدة فيهم و كورى

3- نيو اكسنت : واسعه و كورى و الناس بتقول سعر اعادة البيع كويس

[THEMAYOR]

ياريت تقولولى رايكم و كل عربيه ايه مميزاتها و عيوبها من وجهة نظركم

و كل سنه و انتم طيبين

[waleedrahmy]

1-نيسان 2- اوبترا 3- نيو اكسنت

[THEMAYOR]

شكرا يا وليد على رايك و فى انتظار باقى المشاركات مع ابداء اسباب تفضيل السيارة

منظر كل ارائكم المفيدة و رمضان كريم

[Nour_Peugeot]

النيسان صني طبعا
اولا علشان يباني اه تقفبل مصري بس برده يباني

و حكاية انها بتحك في المطبات ده لما يكون في حمل في العربية و علي فكره ارتفاع العربية 18 سم

اما الابترا انا اتكدت من كذا واحد ان صجها خفيييييف جدا جدا و هي تقفيل كوري في مصنع دايو

و النيو اكسنت مش واسعه زي ما انت متوقع يعني

و ممكن برده تختار السيراتو حلوه و اعتقد انها اكتر واحده مثليه في دول

و عموما ربنا يوفق في الاختيار

[waleedrahmy]

شكرا يا وليد على رايك و فى انتظار باقى المشاركات مع ابداء اسباب تفضيل السيارة

منظر كل ارائكم المفيدة و رمضان كريم

أنا ركبت وسوقت ال3 عربيات موضوع المقارنة وسوقتهم لا نهم بتوع معارف وأقارب بص يا سيدي النيسان الكاملة الاتوماتيك ولا كلمة عظمة وقوة وكماليات وفخامة بس تحس انها شكل كلاسيكي من حيث الشكل وصالونها مش واسع بالنسبة لحجمها وحتة التقفيل المصري دي عامل نفسي انما انا شايف ان مافيش فرق واضح بينها والتقفيل الياباني................. الا وبترا عربية قوية وتوكيل قوي وخليفة لعربية قوية(النوبيرا) وواسعة من جوة وتقفيل كوري................ النيو اكسنت انا شايف انها موتور حديث وقوي علي جسم متوسط الحجم وتشطيبها من الداخل والخارج نظيف جداااااااا يقارب الياباني؟؟؟؟؟؟؟؟ بس خلي بالك انها فئة تانية غير الاوبترا والنيسان برغم الموتور القوي الحديث

[THEMAYOR]

ايه يا جماعة فين باقى تعليقات الزملاء الافاضل

فين راى المهندس سبعاوى و مالكى الصنى

و فين راى مالكى الاوبترا و النيو اكسنت

انا فى انتظار مشاركتكم الى هتحسم الامر بالنسبة الى

[dedodode]

باشا انا من ملاك الصنى 2008
بصراحه العربيه ممتازه موتور وثبات وعفشه وعمرها ماحكت منى فى مطب
وبامانه واسعه من جوه والله مش ضيقه خااااااااااااااالص وكمان التكيف بتاعها ثلاجه
انا عمرى ماشغلته على اكتر من 2 بس
وعمره ما بيأثر على سحب العربيه
وكمان الصاج بتاعها قوى اقوى من الاوبترا وعن تجربه
وانا فى الخدمه لو نويت على الصنى

[Hosam_Optrawy]

الاوبترا افضلهم وهاقولك ليه

الاوبترا كورى 100 %
سعر جيد عند اعادة البيع
اعلى واحده فيهم عن الارض وعمرها ماتحك فى اى مطب مهما كان
اثبت
وزنها اتقل
استهلاك بنزين اقل بس بفروق بسيطه
اوسع واحده من جوه
اشيك من جوا والفرق واضح
انضف تقفيل فيهم
ادائها ممتاز وسحبها جامد ومتتخدعش بحكاية ان الصنى 118 حصان والاوبترا 107 لان حكاية الاحصنه دى بتتحقق عند ظروف معينه
توكيل المنصور مش محتاج كلام
قطع غيارها متوفره ورخيصه

[sNIPER_007]

لصني عربيه عمرك ما تندم وانت بتشتريها
التقفيل مفيهوش عيوب كبيره تخليك تبعد عن العربيه بالعكس شايفها فخمه جدا برا وجوا
وانت مبتجيبش عربيه عشان تفكر تبيعها من قبل ما تشتريها خصوصا لو كانت زيرو
وكمان العربيه واسعه جداا والشنطه كبيره جدااا
وعشان اكون امين معاك ممكن استهلاك البنزين يضايقك شويه

ونصيحه..بلاش الهيونداي

[dedodode]

انا مع
sNIPER_007

بلاش الهيونداى والصنى فعلا افضل اختيار ونا اشترتها وفعلا الحمد لله عمرى ماندمت وقلت ياريت كنت جبت اوبتر اواو النترا
وعلى فكره الوبترا والالنترا والله ورق
يمكن الصنى وعن تجربه الصاج بتاعها محمل شويه

[Mohamed_Ibiza]

ياجماعة من رايي ان كل عربية لها مميزاتها ولها عيوبها ومفيش عربية كامله واضح من كلامكم ان كل واحد شايف عيب معين في سيارة معينة ولو جمعنا العيوب دي كلها هنقدر نفيد الراجل اللي عايز يشتري عربية ده عن طريق انه يقارن بينهم

يعني مثلا الصني :

ياباني - تقفيل مصري

صالون ضيق مقارنة بالاوبترا وده عن تجربة

استهلاك بنزين اعلى من استهلاك اي عربية في نفس عزم موتورها 1600 سي سي وده عن تجربة

بالنسبة للثبات طبعا هايلة والياباني مفيش فيه كلام

الصني فعلا واضية على الارض وده بيكون مشكلة في حالة لما تكون العربية محملة


بالنسبة للاوبترا :

كوري 100 %

صالون واسع جا جدا جدا

عربية اعلى ع الارض بالنسبة للصني

استهلاك بنزين بمعدل طبعي ومعقول بالنسبة لسيارة 1600 سي سي وده عن تجربة

العربية صاجها ضعيف واقل حاجة بتبان فيه

العربية ثباتها وحش جدا وده عن تجربة بنفسي على السرعات العالية

سحب ممتاز واداء هايل انما متنتظرش منها ثبات الياباني او الالماني

بالنسبة لنيو اكسنت :

دي فئة غير اللي احنا بنتكلم فيه خالص وانا عن نفسي معرفش عنها حاجة

في الاخر لو انت قيادتك هادئة ومش رياضية عنيفة انصحك بالاوبترا فهي سيارة ممتازة وعائلية

[dedodode]

تمام الكلام ده يبقى الصنى ثباتها اعلى وصاجها اقوى وكمان صدقنى مش واطيه عن الارض خالص وعمرها ما حكت منى فى مطب
وكمان مش ضيقه بالدرجه الى بتتكلم عنها دى
وبرضه لصاحب المقارنه حريه الاختيار
وعن نفسى انصحه بالصنى قليله المشاكل والاعتماديه اكتر

[THEMAYOR]

الاخ الفاضل : dedodode

انا شايف انك بترشح الصنى و بما انك من ماليكهيها فمن الموكد ان و جهة نظرك صحيحه بس ممكن تقولى تقدر تساعدنى ازاى لو نويت عليها انشالله لانى بنسبه كبيرة هاختارها

و شكرل لردك الوافى

[dedodode]

باشا اساعدك فيها يعنى اقولك على عيوبها ومميزاتنها واى حاجه عايز تعرفها عنها كده يعنى مش مساعده فى الشراء
وانا بامانه مشفتش عيوب فيها اصلا
لحد دلوقتى كلها مميزات والحمد لله